Jueces 6:15 - Qullan Arunaca

¹⁵ Ucampis Gedeonajj wastatampiw saraqui: —Tata, mayampiw achict'assma perdont'aquitaya, ¿cunjämarac nayasti israelitanacar khespiyiriststi? Nayana familiajjasti wali pobrequiwa Manasés sat tribu taypinjja. Uqhamarac nayajj sullcaquïtwa familiajj taypinjja —sasa.

Aymar Bibliia 1986

¹⁵ Ucampis Gedeonajj wastatampiw saraqui: —Tata, mayampiw achict'assma perdont'aquitaya, ¿cunjämarac nayasti israelitanacar khespiyiriststi? Nayana familiajjasti wali pobrequiwa Manasés sat tribu taypinjja. Uqhamarac nayajj sullcaquïtwa familiajj taypinjja —sasa.

Qullan Arunaka DC

¹⁵ Gedeonasti saskakïnwa: —Tatay, ¿kunjämarak Israel markar qhispiyästi? Nayan wila masi tamaxax, Manasés ayllunkirinak taypin jan yäqañ tamakiwa, nayasti wila masi tamax taypin jan yäqatakïtwa —sasa.

Jueces 6:15 Jak'a apnaqawi uñst'ayäwi

Génesis 32:10

Janiw cuna asquïctsa juman nayar qhuyapayasiñamampi, uqhamarac cheka cancañamampi uñjatäñataquejja. Nayajj aca Jordán jawira pasayäta, thujru ayt'ata mayaqui, jichhasti pä tama yänacaniw jicjjatasta.

Éxodo 3:11

Ucatsti Moisesajj Diosarojj sänwa: —¿Qhitïtsa nayajja, faraonan ucaru sarasina Egipto marcat israelitanacaru apsuniñataquejja? —sasa.

Éxodo 4:10

Moisesajj Tatiturojj sänwa: —¡Ay Tata! Nayajj janiw suma parlirïcti, ni nayrasa, ni jichha naya sirvirimampi parlcta ucqhasa. Cunapachatejj parlcta ucqhajja qhact'irïtwa janiw arunacsa suma arsurïcti —sasa.

Jeremías 1:6

Nayasti saractwa: “¡Ay, Tata! ¡Nayajj wawäsctwa, janiw parlañsa yatcti!” sasa.

Jeremías 50:45

Cuntejj naya Tatitojj Babilonia marcataqui amtcta uca amtäwinacajj ist'apjjeta, cuntejj caldeonacan marcapataqui amtcta ucanaca. Jisc'a ovej kallunacampacharuw apasjjapjjani, uywa awatïwinacapasti k'ala t'unjataw uñjasiraquini.

Miqueas 5:2

Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Lucas 1:34

Ucat Mariajj angelar jisct'äna: —Janïrajjay nayajj chachanïcstejja. ¿Cunjämatarac acasti uqham lurasispasti? —sasa.

1 Corintios 15:9

Nayajj apostolonacatjja janiw cuna jilïrïctsa, apóstol satäñataquisa janiw asquïcti, Tatitun iglesiapar t'akhesiyirïtajj laycu.

Efesios 3:8

Diosancapqui uca jisc'anacat sipansa nayajj pisïtwa. Ucampis jupaw acqha suma yatiyañ churitu, jan judiöpquis ucanacaru Criston jan jact'cañ kamir cancañapat suma yatiyäwinac yatiyañajjataqui.

Jueces 6:11

Ucatsti Diosana mä angelapajj jutasinjja Ofra sat chekansti encina sat koka patjjaruw kont'asïna. Aca orakesti Joás sat chachancänwa, jupajj Abiezer sat familianquirïtap laycu. Gedeón sat Joás sat chachan yokapasti mä jamasa chekanjja trigo thalascäna, cawqhantejj uvanaca taquipjjerïcäna vino lurañataqui ucqhana, jani madianitanacampi uñjayasiñataqui.

1 Samuel 18:23

Saúl reyin sirvirinacapasti take ucanacjja Davidarojj sapjjänwa. Ucampisa Davidajj jupanacarojj saraquïnwa: —¿Jumanacataquisti waliquiti nayan reyin tollkapäñajjataquisti? Nayajj janiw qhitïctsa, jan ucasti mä pobre jakequïtwa —sasa.

1 Samuel 9:21

Saúl waynasti saraquïnwa: —¡Nayajj Benjamín tribunquirïtwa, ucasti Israel marcan take tribunacat sipansa sinti jisc'aquiwa! Uqhamarus familiajjajj take Benjamín tribunquir familiat sipansa sinti jisc'a familiaquiraquiwa. ¿Cunatarac take acanac sistasti? —sasa.