Jueces 4:5 - Qullan Arunaca

⁵ Deborasti palmera sat koka cayunacpini konusiña yatïna (aca kokasti “Deboran palmerapawa” sat sutimpi uñt'ataraquïnwa,) aca kokasti Efraín sat kollunwa utjäna Ramá, Betel sat marcanac taypina. Ucampis israelitanacajja jupan ucaruw jutapjjäna jupanac pura ch'ajjwañanacapan uñjayasiñataqui.

Aymar Bibliia 1986

⁵ Deborasti palmera sat koka cayunacpini konusiña yatïna (aca kokasti “Deboran palmerapawa” sat sutimpi uñt'ataraquïnwa,) aca kokasti Efraín sat kollunwa utjäna Ramá, Betel sat marcanac taypina. Ucampis israelitanacajja jupan ucaruw jutapjjäna jupanac pura ch'ajjwañanacapan uñjayasiñataqui.

Qullan Arunaka DC

⁵ Débora warmix palmera quqa kayunpin qunt'asirïna, uka quqax “Deboran palmerapa” sat sutimpi uñt'atänwa, uka quqasti Efraín ayllunkir qullunakan utjäna, Ramá, Betel chiqanak taypina. Israelitanakax ch'axwanakap askichayasiñatakix jupan ukaruw sarapxirïna.

Jueces 4:5 Jak'a apnaqawi uñst'ayäwi

Génesis 35:8

Ucanwa Rebecar uñjiri Débora warmejj jiwjjaraquïna, encinas sat mä koka c'uchuruw imjjapjjäna, Betel jac'ana. Jacobosti uca chekarojj “Jachañ encina” sasaw sutichäna.

Éxodo 18:13

Khepärmanthisti Moisesajj israelitanacan nayrakataparuw kont'asïna jupanac taypina jan walt'ayasiñanacajj utjatapa uñjañataqui. Ucampis israelitanacajj Moisés nayrakatanjja alwat jayp'ucamaw sayt'at sayapjjäna.

Éxodo 18:16

Cunapachatejj jupanaccama jan walt'ayasipqui ucqhajja, nayan ucaruw jutapjje jisct'asiñataqui, ucatsti nayawa jupanacarojj uñjta qhitisa juchani ucjja; uqhamatwa nayajj jupanacarojj yatiyaracta Diosan camachinacapa, uqhamarac yatichäwinacapsa.

Éxodo 18:19

Jichhasti sum ist'ita cuntejj nayajj amuyt'aycäma ucjja, Diosawa jumampïscani. Jumaw, marca lantjja Diosaru maqhatañama cuna jan walinacatejj utjqui ucanac yatiyañataqui.

Éxodo 18:26

Jupanacawa jakenacarojj take horasana jan walt'äwinacapanjja uñjapjjäna. Ucampis sinti jan walinacsti Moisesaruw yatiyapjjäna; jupanacasti cunatejj jisc'a jan walt'añanacäqui ucacwa asquichapjjäna.

Jeremías 31:15

Tatitojj siwa: “Ramá chekan mä aruw ist'asi, mayniw jan chuyma utt'ayasisa jachasqui. Raquelaw wawanacapat jachasqui, janiraquiw chuymachatäñ munquiti wawanacapajj jiwaratäjjatap laycu.”

Josué 16:2

Betel chekatjja pasascaquïnwa Luz sat chekanjama, sarascaquïnwa arquitas marcan orakep pasasina, Atarot chekar puriñcama;

Josué 18:22

Uqhamaraqui Bet-arabá, Zemaraim, Betel,

Josué 18:25

Uqhamaraqui Gabaón, Ramá, Beerot,

Jueces 4:4

Qhä urunacasti israelitanacajja mä Diosat parliri warmina apnakatäpjjänwa, uca warmejja Débora satänwa, chachapasti Lapidot sataraquïnwa.

1 Samuel 1:1

Efraín kollunac tokena Ramá sat chekana, mä chachaw jacäna, Zuf sisqui uca familianquiriraqui, sutipasti Elcana satänwa. Jeroham chachan yokapänwa, Eliú sat jaken allchhiparaqui. Achachilapan awquipasti Tohu satänwa, ucasti Zuf sisqui ucan yokaparaqui, Efraín tribunquirinacaraquïnwa.

1 Samuel 1:19

Khepärmanthisti wali alwat sartasïna, Tatituru yupaychasinsti, Ramá chekancqui uca utaparuw cuttanjjapjjäna. Ucatsti Elcanajj Ana warmipampiw mayachasi, Tatitusti mayisitaparojj ist'araquïnwa.

1 Samuel 22:6

Saúl reyisti Gabaa sisqui uca chekancascänwa, kollana tamarisco ali c'uchuna kont'ata, lanzapasa ayt'ata, take jilïri oficialanacapampi muyuntata. Cunapachatejj Davidampiru, jakenacapampiru jicjjatapjjatapa yatisinsti,

1 Samuel 25:1

Samuelosti jiwjjänwa. Take israelita jakenacaw tantacht'asisina jachapjjäna jiwatapata. Ucatsti Ramá cheka utaparuw imjjapjjaraquïna. Uca khepatsti Davidajj Parán sata wasararuw sarjjaraquïna.

1 Samuel 7:17

Ucatsti Ramá sisqui uca chekaruw cuttanjjaraquirïna, cawqhanccäntejj utapajj ucaru, ucqhatpachawa Israel marcarojj apnakaraquïna. Ucansti mä altarwa Tatitutaquejj sayt'ayaraquïna.