Jueces 3:3 - Qullan Arunaca

³ Kheparapjjänwa filisteonacan pheska jilïrinacapa, takpach cananeonaca, sidonios satanaca, uqhamarac heveos satanaca, jupanacasti jacapjjänwa Líbanos sat lomanacana, Baal-hermón sat lomata kalltasina Hamat sat chekacama.

Aymar Bibliia 1986

³ Kheparapjjänwa filisteonacan pheska jilïrinacapa, takpach cananeonaca, sidonios satanaca, uqhamarac heveos satanaca, jupanacasti jacapjjänwa Líbanos sat lomanacana, Baal-hermón sat lomata kalltasina Hamat sat chekacama.

Qullan Arunaka DC

³ Filisteonakan phisqa jilïrinakapaw qhiparäna, taqpach cananeo jaqinaka, sidonio jaqinaka, Líbano qullunakan jakir heveo jaqinaka, Baal-hermón qullut qalltasa Hamat chiqakama.

Jueces 3:3 Jak'a apnaqawi uñst'ayäwi

Génesis 49:13

“Zabulonasti kota thiyanacanwa jacani, cawqhantejj barconacataqui puertonacajj utjcani ucqhana. Korpanacapasti Sidón orakcamaw puriraquini.

2 Samuel 24:7

Ucatsti Tiro sisqui uca chekan mä jach'a guerran nuwasiñataqui utjcän uca chekarus sarapjjaraquïnwa, uqhamaraqui heveonacana, cananeonacana take marcanacaparu, Judá oraken aynacha tokeru mistuñcama cawqhancquitï Beerseba sat marcajja ucqhacama.

1 Reyes 8:65

Uca pachpa urunacanjja Salomonajj take Israel walja jakenacampejja Enramadas sat fiestapwa luräna Tatit Diosan sutiparu, uqhamarac yakha pakallk uru fiestampiraqui, takpachasti tunca pusini uru fiestwa luräna. Uca jakenacasti jutapjjänwa Hamat chekaru mantañäquis ucqhata, Egipto jawiratpacha.

1 Reyes 9:20

Cawquïri jakenacatï kheparapqui amorreonacata, hititanacata, ferezeonacata, heveonacata, uqhamarac jebuseonacata, ucanacasti janiw israelitanacäpquiti,

Ezequiel 47:20

“Inti jalanta toketsti korpajj jach'a Mediterráneo satäquis uca kotataraquïniwa. Egipto korpat sartasina, jach'a kota lacar puriñcama, cawquïritejj Hamat sisqui uca mantañancqui ucacama.

Números 13:29

Néguev sat chekanjja amalecitanacaw jacapjje; kollu chekanacanjja hititanaca, jebuseonaca, uqhamarac amorreonaca ucanacaraquiw jacapjje, ucatsti kota lacanacana, Jordán jawira thiyanacanjja cananeonacaw jacapjjaraqui —sasa.

Números 34:8

Ucatsti Hor sat kolluta Hamat oraken mantañapcama, Zedad sat chekacama.

Deuteronomio 1:7

Jichhasti take yänacam apthapisipjjam; sarapjjam amorreonacan kollunacaparu, uqhamaraqui take jupanacancquis uca orakenacarusa: Arabá sat chekaru, kollu orakenacaru, pampanacaru, Néguev sat chekaru, jach'a kota thiyan orakenacaru, cananeonacan orakeparu, Eufrates sat jach'a jawircama.

Deuteronomio 3:9

(Aca Hermón kollurojj sidonio jakenacajj Sirión sasaw sutichapjjäna, amorreo jakenacasti Senir sasaraqui.)

Josué 11:19

Ucampisa mä sapa marcaquiw israelitanacampejj suma arust'äwiru mantäna, ucasti Heveo sat marcänwa Gabaón oraken jaquirinaca, ucat qhursarusti take marcanacaw ch'amampi t'unjatäna.

Josué 11:3

uqhamaraqui inti jalanta, inti jalsu token cananeo jaquir jakenaca, amorreonaca, hititanaca, ferezeonaca, kollu token jaquir jebuseo jakenaca, uqhamaraqui Hermón sat kollun jaquir jakenaca, Mizpa sat orakena jaquirinaca; take ucanacampiw arust'asiñ munäna.

Josué 13:3

Cawquïri jawiratï Siho sat oraket sarqui, Egipto marcat inti jalsu tokena, ucatsti Ecrón marcan korpapcama, amsta tokeru, cawquïritï cananeonacan orakepat uñt'atäqui ucacama, uqhamaraqui uca pheska filisteonacan reyinacapan orakenacap cuna Gaza, Asdod, Ascalón, Gat, Ecrón marcanacan reyinacapan orakenacapa, uqhamaraqui aveos sat marcan reyipan orakepsa.

Josué 13:5

Giblitas sat marcan orakenacapas jilt'ascaraquïnwa, Líbano orakenacasa, intejj jalsunqui ucatpacha, Baal-gad chekatpacha, Hermón kollu thiyatpacha, Hamat marcar mantañ chekacama.

Josué 19:28

ucatsti acnïri marcanacampi cunaraquïnwa: Abdón, Rehob, Hamón, Caná marcanaca, uqhamata jach'a Sidón marcaru purisa.

Josué 9:7

Ucatsti israelit jakenacajj jupanacarojj sapjjänwa: —Inas jumanacajj aca jac'anacan jacasipcsta; ¿Cunjämaraqui jumanacampi mä suma amtäwiru mantsnasti? —sasa.

Jueces 10:12

sidonionacana, amalecitanacana, madianitanacana uqhama. Ucampis cunapachatejj nayaru arnakasinipquista ucqhajja nayajj jumanacarojj khespiyapjjsmawa.

Jueces 10:7

Ucatpï Diosajj colerasisinjja filisteonacampi, amonitanacampi t'akhesiyatäñarojj catuyänjja.

Jueces 14:4

Awquinacapajj janiw yatipcänti uqhamäñapa Diosatti jutaspa jan ucajj janicha ucjja. Ucampis jupajja thakhascänwa filisteonacampi cunjämata nuwasiñataquisa. Uca urunacajj filisteonacaw israelitanacar apnakäna uca laycu.

Jueces 18:7

Ucatjja uca pheska uñakerinacajja Lais sat marcaruw sarapjjäna. Uca marcansti jakenacajj wali cusisitaw jacasipjjäna sidonionacan sarnakäwinacaparjama. Jupanacasti suma samarañanwa jacasisipcäna jani qhitinsa arjjayata, janiraquiw cunas jupanacataquejj pist'caraquïnti. Sidonios sat jakenacatsti jayancapjjaraquïnwa, janiw qhitimpis parlapcjjänti.

Jueces 3:2

Diosasti uqhamjja kheparayänwa qhitinacatejj nuwasiñanacana, jan nuwasipcäna, ucanacana nuwasiña yatekapjjañapataqui.

Jueces 4:2

Uqham uñjasinsti Diosajj cananeonacan Jabín sat reyipan ch'amaparuw catuyäna. Aca reyisti apnakänwa Hazor sat marcana. Jupan ejercitopan jilïripasti Sísara sataraquïnwa, aca jilïristi jacänwa Haroset-goim sat marcana.

1 Samuel 13:5

Filisteonacasti mä toketjja tantacht'asipjjaraquïnwa, israelitanacampi nuwasiñataqui. Quimsa tunca waranka guerrar sarir carronacanïpjjänwa, sojjta waranka caballería soldadonacani, uqhamarac infantería soldadonacapasa jan jact'caya sinti waljapunïnwa, kota iramankir ch'allar uñtata. Ucatsti janc'aquiw Micmas sisqui uca chekaru sartapjjäna; campamentopjja ucaruw waquichasipjjäna, Bet-avén sisqui ucqhata inti jalsu tokeru.

1 Samuel 29:2

Uqhamasti cunapachatejj filisteonacan jilïrinacapajj compañiata, batallonata sarantasipcän ucapachasti, Davidampi jakenacapampejj Aquis reyimpiwa khepata sarantasipcaraquïna.

1 Samuel 6:16

Ucanac uñjasinsti filisteonacan pheska jilïrinacapajj uca urpachaw Ecrón tokeru cuttawayjjapjjäna.

1 Samuel 6:18

Uqhamaraqui uca korit lurat achacunacasa, uca filisteonacan pheska jilïripan marcanacapajj kawkhäcantejj ucqharaquïnwa, take jach'a perkanacampi muyuntayat marcanacasa, jan perkani jisc'a marcanacas jacthapitaraquïnwa. Uca jach'a kalasti, cawqharutï Tatitun arcapa uchapcän ucajj jichhacamaw Josuean orakepancasqui Bet-semes chekana.

1 Samuel 6:4

—¿Cunaraqui qhuyapayasiñapataqui churapjjeriststi? —sasaraquiw filisteonacajj jisct'apjjäna. —Korit lurata pheska tumorar uñtatanaca churapjjam filisteonacan sapa mayni jilïrinacapata, uqhamarac uca pachpa korita pheska achacunacampi cuna, niyaquejjaya jumanacasa, jilïrinacamasa uca pachpa t'akhesïwimpi t'akhesipjjstajja.