Jueces 3:3 - Qullan Arunaka DC

³ Filisteonakan phisqa jilïrinakapaw qhiparäna, taqpach cananeo jaqinaka, sidonio jaqinaka, Líbano qullunakan jakir heveo jaqinaka, Baal-hermón qullut qalltasa Hamat chiqakama.

Aymar Bibliia 1986

³ Kheparapjjänwa filisteonacan pheska jilïrinacapa, takpach cananeonaca, sidonios satanaca, uqhamarac heveos satanaca, jupanacasti jacapjjänwa Líbanos sat lomanacana, Baal-hermón sat lomata kalltasina Hamat sat chekacama.

Qullan Arunaca

³ Kheparapjjänwa filisteonacan pheska jilïrinacapa, takpach cananeonaca, sidonios satanaca, uqhamarac heveos satanaca, jupanacasti jacapjjänwa Líbanos sat lomanacana, Baal-hermón sat lomata kalltasina Hamat sat chekacama.

Jueces 3:3 Jak'a apnaqawi uñst'ayäwi

Génesis 49:13

“Jumasti, Zabulón, quta thiyan jakäta, quta thiyanakamax barconakan puriñapatakïniwa qurpanakamasti Sidón uraqkamaw purini.

2 Samuel 24:7

Ukatsti Tiro chiqankir uyuchrantat markaruw sarapxäna, ukhamaraki, heveonakana, cananeonakan taqpach markanakaparu, Judá uraqin aynacha tuqir mistuñkama, Beerseba markäki ukkhakama.

1 Reyes 8:65

Uka urusti, Salomonax taqpach Israel jaqinakamp chikaw Chhujllanak lurañ uru uruyäna, Tatit Diosar jach'añchasa, ukasti paqallq urünwa. Jaqix waljapunïnwa, israelitanakax taqi chiqat jutapxatayna, Hamat chiqata, Egipto jawiratpacha. Uka qhipatsti yaqha paqallq urumpi uruyapxarakïna; taqpachasti tunka pusin uruw uruyapxäna.

1 Reyes 9:20

Kawkïri jaqinakatix qhiparapkatayna amorreonakata, hititanakata, ferezeonakata, heveonakata, jebuseonakatsa, jani israelitäpkäna,

Ezequiel 47:20

“Inti jalanta tuqitsti qurpax Mediterráneo jach'a qutatäniwa, Egipto qurpata sartasin, Hamat markar mantaña uñkatasinkki uka jach'a quta lakar puriñkama.

Números 13:29

Négueb wasar tuqinxa amalecita jaqinakaw jakapxi, qullu tuqinakansti hitita jaqinaka, jebuseo jaqinaka, amorreo jaqinakaw jakapxi, ukatsti quta irananakana, Jordán jawir jak'anxa, cananeo jaqinakaw jakapxaraki —sasa.

Números 34:8

Hor qullutsti Hamat uraqin mantañapkama, ukawjatsti Sedad chiqakama.

Deuteronomio 1:7

Jichhasti taqi yänakam apthapisxapxam, ukatsti amorreonakan qullunakaparu, jupanak jak'an utjir uraqinakar sarapxam: Arabá wasararu, qullu chiqanakaru, qhirwanakaru, Négueb pampanakaru, quta thiyanakaru, cananeonakan uraqiparu, Líbano uraqiru, Éufrates sat jach'a jawirar puriñkama.

Deuteronomio 3:9

(Sidonio jaqinakax uka Hermón sat qullurux Sirión sasaw sutichapxäna, amorreo jaqinakasti Senir sasaw sutichapxarakïna.)

Josué 11:19

Ukampis Gabaón chiqankir heveo markampikiw israelitanakax mä arust'äwiru mantapxäna. Ukat uksarusti taqi markanakaw munkir jan munkir katuntata uñjasïna,

Josué 11:3

inti jalsu, inti jalanta tuqinkir cananeo, amorreo, hitita, ferezeo jaqinakampi, qullunakankir jebuseonakampi, Mispá uraqin Hermón sat qullunkir heveonakampi.

Josué 13:3

ukasti Egipto markat inti jalsu tuqinkir Sihor jawirat qalltasa, Ecrón markan qurpapkama amsta tuqiru, ukax cananeonakan uraqipawa; ukansti filisteonakan phisqa jilïrinakapaw utji, jupanakasti Gaza, Asdod, Ascalón, Gat, Ecrón uka markanakan jakapxi. Ukhamarusa, aveo jaqinakan uraqipaw

Josué 13:5

Ukatsti guiblitas sat jaqinakan uraqinakapaw utjaskaraki, Líbano sata, inti jalsu tuqinkir taqpach uka uraqinaka, Baal-gad chiqat Hermón qullu aynach tuqikama, ukat Hamat markar mantañ chiqakama.

Josué 19:28

Abdón, Ebrón, Rehob, Hamón, Caná chiqa sarakipäna, Sidón jach'a markar puriñkama.

Josué 9:7

Israelitanakasti uka heveo jaqinakarux sänwa: —Inas jumanakax aka jak'anakan jakasipksta; ¿kunjämarak jumanakampi mä suma amtäwiru mantsnasti? —sasa.

Jueces 10:12

sidonionakana, amalecitanakana, madianitanakan t'aqhisiyataw uñjasipxäyätaxa; ukampis kunapachatix nayar art'asinipkista ukkhaxa, nayax jumanakar qhispiyapxsmawa.

Jueces 10:7

Ukat Tatitux jupanakatak q'apisïna, ukatsti filisteonakana, amonitanakan amparaparuw katuyäna.

Jueces 14:4

Awkip taykapasti janiw amuyapkänti Tatit pachpa taqi kunsa ukhamäñapatak wakt'ayatapa, Tatitux filisteonakampi kunjämatsa nuwasiñ thaqhaskäna, uka urunakansti filisteonakaw israelitanakar apnaqäna.

Jueces 18:7

Uka chiqawjatsti, uka phisqa uñaqanakax Lais markaruw sarxapxäna. Uka markan jakir jaqinakax Sidón markankirïpxänwa, jupanakasti kusisitakiw sumankañan jakasipxäna; janiw khitis kunsa kamskänti, janirakiw kunas jupanakar pist'känti. Sidón markapat jayan jakapxäna, janiw khitimpis parlapkänti.

Jueces 3:2

Ukat Tatitux khitinakatix janipun nuwasïwinakankañ yatipkäna, ukanakan nuwasiñ yatiqapxañapatakiw jupanakar qhiparayäna.

Jueces 4:2

ukat Tatitux cananeo jaqinakan Jabín reyipan amparapar katuyäna, uka reyix Hasor markan apnaqaskäna. Ejercitopan jilïripasti Sísara satänwa, jupasti Haróset-goím chiqan jakäna.

1 Samuel 13:5

Mä tuqitsti, filisteonakax israelitanakampi nuwasiñatakix tantachasipxarakïnwa. Jupanakansti kimsa tunk waranqa nuwasiñ carronaka, suxta waranqa caballería soldadonakaw utjäna, kayuk sarantir soldadonakas quta ch'allar uñtat jan jakt'kayarakïnwa. Ukatsti Micmás chiqar sarasax Bet-avén sat inti jalsu tuqiruw campamentop wakicht'asipxäna.

1 Samuel 29:2

Kunapachatix filisteonakan jilïrinakapax walja soldado tamanakampi sarantasipkän ukapachasti, Davidampi jaqinakapampix Aquís reyimpi chikt'ataw qhipat sarantapxäna.

1 Samuel 6:16

Ukanak uñjasinsti, filisteonakan uka phisqa jilïrinakapax ukürpachaw Ecrón markar kutt'awayxapxäna.

1 Samuel 6:18

qurit lurat achakunakasti filisteonakan phisqa jilïripan markanakapax qawqhäkäntix ukkharakïnwa, pirqanakamp muyuntat markanakasa, jan pirqamp muyuntat jisk'a markanakas jakthapitänwa. Kawkïr jach'a qala patxarutix Tatitun arust'äwi arcap uchapkäna ukax jichürkamaw Josué chachan uraqipankaski Bet-semes sat chiqana.

1 Samuel 6:4

Filisteonakasti jiskt'apxarakïnwa: —¿Kuna waxt'äwirak khuyapayasiñapatak luqtapxiriststi? —sasa. Sacerdotenakasti sapxänwa: —Qurit lursupxam: janchi ch'uphunakar uñtata, ukasti phisqäñapawa, ukhamaraki phisqa achakunaka; ukanakasti qawqhanitix filisteo jaqinakan jilïrinakapax utjki ukhamarjama, niyakixay jumanakasa, jilïrinakamasa uka pachpa mutuyäwimpi t'aqhisipxstaxa.