Jueces 21:6 - Qullan Arunaca

⁶ Israelitanacasti wali llaquitawa jicjjatasipjjäna Benjamín sat tribunquirinacampejj cunatejj pascäna ucanacata. Sapjjaraquïnwa: “Jichha urunwa Israel taypitjja mayni tribujja chhaktayatajja” sasa.

Aymar Bibliia 1986

⁶ Israelitanacasti wali llaquitawa jicjjatasipjjäna Benjamín sat tribunquirinacampejj cunatejj pascäna ucanacata. Sapjjaraquïnwa: “Jichha urunwa Israel taypitjja mayni tribujja chhaktayatajja” sasa.

Qullan Arunaka DC

⁶ Israelitanakasti wali llakitäpxänwa, kunatix benjaminita jilanakapampi luraskatayna ukata, sapxarakïnwa: “Jichhüruw Israel marka taypit mayni ayllux chhaqtayata” sasa.

Jueces 21:6 Jak'a apnaqawi uñst'ayäwi

2 Samuel 2:26

Ucat Abnerajj Joab chacharojj art'araquïna: —¿Janit aca jiwarayäwejj tucuscani? ¿Janit amuycta aca luräwejj jan walt'añaqui apanirapistani ucjja? ¿Cunapachas jakenacamarojj ordenaraquïta jilanacaparu jan juc'ampi arcnakjjapjjañapataqui? —sasa.

Oseas 11:8

“¿Cunjämarac apanuct'asïmasti, Efraín? ¿Cunjämarac jaytanucümasti, Israel? ¿Adma marca tucjctjja uqhamti tucjaraquirisma, jan ucajj Zeboimarojj cuntejj lurcta uqhamraccha luririsma? ¡Chuymajjaw ch'alljjtitu, jumataquisti qhuyapayasiñan phokt'ataraquïtwa!

Jueces 11:35

Jefté chachasti phuchapa jutir uñjasinjja llaquisiñatjja isipa ch'iyanokasisajj sänwa: —¡Ay, imill wawajja, wali llacthapisiyista! ¡Jumapunïtatisti nayan jan waliru puriñajjataquisti! ¡Nayasti mä arsüwi Diosarojj lurta, jichhasti phokhañajjaw waquisi! —sasa.

Jueces 20:23

Diosan arsutaparjamajja israelitanacajj ch'amañcht'asipjjänwa wastatampi nuwasiri mistsuñataqui cawqhantejj nayrïr urunjja nuwasipcäna ucqharu.

Jueces 21:15

Israelitanacasti, Benjamín sat tributjja wali llaquisipjjäna. Uqhamwa Diosajj luräna Israel taypin mä tribojj chhaktirjama uñjasina; ucat llaquipjjañapataqui.

Jueces 21:5

Jupanaccamasti jisct'asipjjaraquïnwa: “¿Qhitisa jiwasanacatjja Mizpa marcanjja jan tantachasïwinccanjja?” sasa. Ucansti juramento lurapjjäna jan uca tantachasïwiru sarirejja jiwañapataqui.

Jueces 21:7

“Jichhasti, ¿cunsa lurañäni jacapqui uca benjaminitanacataqui warminaca jicjjatañataquejja? Jiwasanacasti Dios nayrakatanjja juramento lurtanjja phuchanacasajja jan jupanacampi casarasiñapataqui.