Jueces 21:5 - Qullan Arunaca

⁵ Jupanaccamasti jisct'asipjjaraquïnwa: “¿Qhitisa jiwasanacatjja Mizpa marcanjja jan tantachasïwinccanjja?” sasa. Ucansti juramento lurapjjäna jan uca tantachasïwiru sarirejja jiwañapataqui.

Aymar Bibliia 1986

⁵ Jupanaccamasti jisct'asipjjaraquïnwa: “¿Qhitisa jiwasanacatjja Mizpa marcanjja jan tantachasïwinccanjja?” sasa. Ucansti juramento lurapjjäna jan uca tantachasïwiru sarirejja jiwañapataqui.

Qullan Arunaka DC

⁵ Ukatsti jupanakkamaw jiskt'asipxäna: “¿Jiwasanak taypit khitisa Mispá chiqan tantachäwir jan sarkänxa?” sasa, jupanakax tantachäwir jan saririrux jiwayañatakiw juramento lurapxatayna.

Jueces 21:5 Jak'a apnaqawi uñst'ayäwi

Jeremías 48:10

(¡Maldecitäpan cawquïri jaketejj jan suma chuymampi Tatitun ejjwata irnakañanac phokcani ucajja. Maldecitaraquïpan cawquïri jaketejj jan jiwayañ munqui ucajja!)

Jueces 21:1

Israelitanacasti Mizpa sat marcanjja juramento lurapjjäna phuchanacapajja jani benjaminitanacampi casarasiñapataqui.

Jueces 21:18

Ucampis jiwasanacajja janiw phuchanacasa churcsnati jupanacampi casarasipjjañapataquejja. Jiwasasti take israelitanacaw juramento lurtanjja maldicisa phuchanacasa jan benjaminitanacar churañataqui.

Jueces 21:6

Israelitanacasti wali llaquitawa jicjjatasipjjäna Benjamín sat tribunquirinacampejj cunatejj pascäna ucanacata. Sapjjaraquïnwa: “Jichha urunwa Israel taypitjja mayni tribujja chhaktayatajja” sasa.

Jueces 5:23

Diosan angelapasti yatiyiwa: ‘¡Meroz sat marcjjaru, uqhamarac ucan jaquirinacjjarusti jutaniwa mä jach'a maldiciona!’ sasa. Jupanacasti janiw jutapquiti Diosan yanapapampejja, cunjämtejj Diosan yanapata ch'amaninacajj jutapqui uqhamjja.

1 Samuel 11:7

Ucatwa pä orko vacanaca irpcatanisin, qharinokäna; mayni qhitanac qhitanucusajja, uca aychanacjja take israelit jakenacaruw apayäna, take Israel marcpachana, uca qhitatanacajj aqham sasaw jakenacarojj sapjjäna: “Uqhamaw lurasini cawquïri jaketejj jan Saúl waynampiru, Samuelompiru mayachascani, uqhamarac arccaraquini uca jaken orko vacanacapampejja” sasa. Uc ist'asinsti jakenacajj wali ajjsarapjjäna; mä wawaquïcaspasa uqhamaw jakejj jupanacaru jakcatjjapjjäna.

1 Samuel 14:24

Ucampisa israelita jakenacajj uca urojj wali karjtatäpjjänwa, janiraquiw qhitis cunsa mank'cänti, Saúl reyin juramentompi arsutap laycu, take jakenacaru aqham sasa: “Jiwayatäpan qhititejj janïr jayp'untquipan mä cunsa mank'antani ucajja, janïra nayan uñisirinacajjar phoksusquipana” sasa.