Jueces 2:13 - Qullan Arunaca

¹³ Jupanacasti Diosatjja armasiwayapjjänwa Baal sat diosaru, uqhamarac Astarté sat cunayman uñtasir diosanacar yupaychañ laycu.

Aymar Bibliia 1986

¹³ Jupanacasti Diosatjja armasiwayapjjänwa Baal sat diosaru, uqhamarac Astarté sat cunayman uñtasir diosanacar yupaychañ laycu.

Qullan Arunaka DC

¹³ Jupanakasti Baal, Astarté diosanakan uñtasitanakapar yupaychasaw Tatitut armasipxäna,

Jueces 2:13 Jak'a apnaqawi uñst'ayäwi

1 Reyes 11:33

Salomonasti nayarojj apanucutuwa, ucatsti sidonios ucanacana Astarté sat diosaparuwa yupaychjje; ucatsti yupaycharaquïnwa moabitanacan Quemos sat diosaparuraqui; ucatsti yupaychänwa amonitanacan Milcom sat diosaparuraqui. Jupan luratanacapasti nayan nayrakatajjana janiw sumäquiti, janiraquiw leyinacajjsa, arsüwinacajjsa phokcaraquiti, cunjämatï David awquipajj lurcäna uqhama.

1 Reyes 11:5

Salomonasti yupaychänwa Astarté sat diosaru, ucasti sidonianacana diosapänwa, uqhamarac yupaychäna Milcom sat c'ari diosarusa, ucasti amonitanacana ajjtcaña diosapänwa.

2 Reyes 23:13

Reyisti taquichasiraquïnwa diosanacan alto chekan santuario utanacapajj Jerusalén marcata inti jalsu tokena utjcäna ucanaca, Olivos kolluta aynachana. Ucansti Israelan Salomón reyipaw lurayäna sidonionacan Astarté sat ajjtcañ diosapataqui; moabitanacan uñiscaña Quemos sat yakha diosapataqui; amonitanacan uñiscaña Milcom sat yakha diosapataqui.

2 Crónicas 12:2

Ucampis jupanacajj Tatitur jan sum arcapjjatanacap laycojja, Roboam reyejj pheska mara reinascäna ucqhawa egiptonquir Sisac reyejj Jerusalenar jutasina nuwantäna,

2 Crónicas 28:3

Ben-hinom Vallenjja incienso naqhayäna, uqhamarac wawanacaparusa sacrificion loktasina naqhantayäna, cunjämatï Tatitojj israelitanaca nayrakatapata ajjtcaña luräwinacani marcanacaru jakonuccäna uca luräwinacapa lurasa.

2 Crónicas 33:3

Jupasti Ezequías awquipajj tucjaycäna uca yakha diosanacan santuario utanacapwa wasitat lurayäna; jupasti altaranacwa lurayäna Baal diosan lantinacapataqui, uqhamaraquiw Asera diosanac lurayaraquïna. Ucjjarusti jupajj yupaychänwa, uqhamaraquiw quillt'asiraquïna alajjpachanquir warawaranacaru,

2 Crónicas 7:22

Ucatsti juparojj sapjjaraquiniwa: ‘Aca jakenacajj nayra awquinacapan Tatit Diosaparuw apanucupjje, qhititï Egiptot apsuncäna ucaru, ucatsti jupanacajj yakha diosanacaruwa sirvipjje, yupaychapjjaraqui; ucatwa take aca jach'a jan walinaca jupanacjjaru jutayi’ ” sasa.

Salmos 106:36

diosanacaparuw yupaychapjjäna, sipitanacaparuw jalt'apjjäna;

Jeremías 16:11

Jumasti jupanacarojj saraquim: ‘Tatitusti arsuwa: Acasti jutiwa jumanacan nayra awquinacamajj nayaru apanucuwayasinjja yakha diosanacan khepapwa sarjjapjjäna, ucanacar quillt'asisina yupaychañataqui; nayarusti apanucuwayapjjetänwa, janiraquiw cuntejj nayajj jupanacaru siscäyäta ucanacjja phokhapcänti.

Jeremías 2:20

“Nayratpachwa nayataquejj sayt'astajja, nayarusti janiw jayscaraquistati. ‘Janiw sirviñ muncti’ saractawa. Take alto kollunac patana, uqhamaraqui jach'a kokanac c'uchunacanwa, yakhampi jucha lurasa sarnaktajja.

Números 25:3

Uqhamatwa jupanacajj Baal-peor diosar yupaychañaru uchasipjjäna. Ucatwa Tatitojj jupanacataquejj wal colerasïna.

1 Corintios 8:5

Alajjpachansa acapachansa uca dios satanacajja utjascpaya, mä toketjja walja diosanacaw utjaspa, uqhamarac walja munañaninaca.

Jueces 10:6

Israelitanacasti wastatampiw Dios nayrakatana jan walinac lurjjapjjaraquiquïna cunayman Baal Astarté sat c'ari diosanacar yupaychasina. Uqhamarac Siria, Sidón, Moab, Amón uca marcanquirinacan diosanacaparu, filisteonacan diosanacapar yupaychasinjja Diosaru take chuyma yupaychañjja apanucjjapjjänwa.

Jueces 2:11

Israelitanacajja Diosansa uñjcatawa jan walinaca lurapjjäna. Jupanacasti kalltapjjänwa cunayman Baal sat diosanacaru yupaychaña.

Jueces 3:7

Israelitanacasti Dios Awquipat armasisajja cunanacatejj Diosatac jan walïqui ucanacwa lurapjjäna. Jupanacasti cunayman uñtasit Baal, Astarté sat yakha diosanacaruw yupaychapjjäna.

1 Samuel 12:10

Ucampis jupanacajj Tatituruw juchanacap arsusipjjäna, uqhamarac juparu apanucutanacapsa, Baal uqhamaraqui Astarté sisqui uca yakha diosanacapar sirvisina, ucatsti achict'asipjjaraquïnwa, uñisirinacapat khespiyañapataqui, jupa saparu sirviñataquiw arsupjjaraquïna.

1 Samuel 31:10

Saúl reyin armanacapsti Astarté diosan temploparuw uchapjjaraquïna, amayapsti Bet-sán perkaruw warccatapjjaraquïna.

1 Samuel 7:3

ucatwa Samuelojj take israelitanacaru saraqui: “Jumanacatejj take chuymampi Tatitur cutt'anjjapjjäta ucapachajja, uca yakha diosanacamsa, Astarté diosanacamsa apanucjjapjjañamawa, ucatsti jacañanacamjja jupa saparuquiw churjjapjjañamaraqui, jupa saparuquiraquiw yupaychapjjañama. Ucapachaquiw jupajj take filisteo jakenacan amparapatjja khespiyapjjätam” sasa.