Jueces 2:13 - Qullan Arunaka DC

¹³ Jupanakasti Baal, Astarté diosanakan uñtasitanakapar yupaychasaw Tatitut armasipxäna,

Aymar Bibliia 1986

¹³ Jupanacasti Diosatjja armasiwayapjjänwa Baal sat diosaru, uqhamarac Astarté sat cunayman uñtasir diosanacar yupaychañ laycu.

Qullan Arunaca

¹³ Jupanacasti Diosatjja armasiwayapjjänwa Baal sat diosaru, uqhamarac Astarté sat cunayman uñtasir diosanacar yupaychañ laycu.

Jueces 2:13 Jak'a apnaqawi uñst'ayäwi

1 Reyes 11:33

Salomonax nayar apanukutuwa, sidonionakan Astarté sat diosaparuw yupaychxi; moabitanakan Quemós sat diosaparu; amonitanakan Milcom sat diosaparuw yupaycharaki. Jupan luratanakapasti nayan nayraqataxan janiw sumäkiti, janirakiw kamachinakaxsa, arsüwinakaxsa phuqkiti, kunjämtix David awkipax lurkän ukhama.

1 Reyes 11:5

Salomonax sidonionakan Astarté sat diosapampiru, amonitanakan Milcom sat axtkañ diosapampiruw yupaychäna.

2 Reyes 23:13

Ukatsti Josías reyix, Jerusalén markat inti jalsu tuqin utjkatayna uka yupaychañ utanak takichasirakïna, Olivos qullut aynach tuqina, ukanaksti Israelan Salomón reyipaw luratayna sidonionakan Astarté sat axtkañ diosapataki; moabitanakan Quemós sat uñiskañ idolopataki; amonitanakan Milcom sat uñiskañ idolopataki.

2 Crónicas 12:2

Jupanakan Tatitur jan sum arkapxatap laykusti, kunapachatix Roboam reyix phisqa mara marka apnaqkän ukkhaw, Egiptonkir Sisac reyix Jerusalenar jutasin nuwantäna,

2 Crónicas 28:3

Ben-hinom qhirwan incienso nakhayäna, wawanakaparusti wilañcha luqtasin nakhantayäna, kawkïr markanakarutix Tatitux israelitanak nayraqatat jaqunukkatayna ukanakan axtkañ luräwinakap lurasa.

2 Crónicas 33:3

jupasti qullu patanakan yaqha diosanakar yupaychañ utanaka, kawkïrinaktix Ezequías awkipax t'unjkatayna ukanak wasitat sayt'ayäna; Baal diosan lantinakapatakiw altaranak sayt'ayäna, ukatsti Astarté diosan uñtasitanakap lurayäna; ukhamarus alaxpachankir warawaranakaruw killt'asis yupaychäna,

2 Crónicas 7:22

Ukatsti juparux sapxaniwa: ‘Aka jaqinakax Egiptot irpsunkäna uka nayra awkinakapan Tatit Diosaparuw apanukupxi, jupanakax yaqha diosanakaruw yupaychapxi, luqtapxaraki; ukat jupanakxarux uka jan walt'añanakax juti’ ” sasa.

Salmos 106:36

diosanakaparuw yupaychapxäna, ukat jan walt'añanakar puripxäna,

Jeremías 16:11

Jumasti jupanakarux sarakim: ‘Tatitux siwa: Jumanakan nayra awkinakaman nayar apanukusin yaqha diosanakar killt'asis yupaychapxatapat taqi akanakax juti; nayarusti apanukupxitänwa, janirakiw kuntix nayax jupanakar siskäyäta ukanak phuqhapkänti.

Jeremías 2:20

“Nayratpach nayatakix sayt'astaxa, janiw nayar jayskarakistati. ‘Janiw luqtañ munkti’ saraktawa. Taqi alay qullunakana, jach'a quqanak k'uchunakan yaqhampi jucha luras sarnaqtaxa.

Números 25:3

ukhamat jupanakax Baal-peor sat diosar yupaychañatak arkapxäna. Ukat Tatitux Israel markatak q'apisïna,

1 Corintios 8:5

Alaxpachansa, akapachansa, munañan yaqha diosanakas utjaskpan,

Jueces 10:6

Israelitanakax wasitatampiw Tatitun nayraqatapan jan walinak lurapxäna, ukatsti Baal, Astarté diosanakan kunayman uñtasitanakaparuw yupaychapxäna, ukhamaraki Siria, Sidón, Moab, Amón, filisteonakan diosanakaparusa. Diosaru taqi chuyma yupaychañxa apanukxapxänwa.

Jueces 2:11

Israelitanakan luräwinakapax Tatit nayraqatan janiw walïkänti, jupanakax Baal diosan kunayman uñtasitanakaparuw yupaychañ qalltapxäna.

Jueces 3:7

Israelitanakan luratanakapax Tatit nayraqatan janiw walïkänti, Tatitu Diosapat armasisin Baal, Astarté uka diosanakan uñtasitanakaparuw yupaychapxäna.

1 Samuel 12:10

Ukatsti jupanakax Tatituruw art'asipxäna akham sasa: ‘Tatay, jumar apanakusax juch lurapxta, Baal, Astarté uka yaqha diosanakaruw yupaychapxta; ukampis jichhax uñisirinakaxan amparapat qhispiyapxita, juma saparukiw yupaychapxäma’ —sasa.

1 Samuel 31:10

Saúl reyin nuwasiñ yänakapsti Astarté diosan utaparuw uchapxäna, amayapsti Bet-sán uyu pirqaruw warkkatapxarakïna.

1 Samuel 7:3

Ukat Samuelux israelitanakar säna: “Jumanakatix chiqpachapun Tatitur jaysañ munapxsta ukaxa, yaqhanakan diosanakapar yupaychañ apanukupxam, ukhamaraki Baal, Astarté ukanakan uñtasitanakaparusa, jiwasan mä sapa chiqpach Tatituruki yupaychapxam. Ukapachakiw jupax filisteonakan amparapat qhispiyapxätam” sasa.