Jueces 19:6 - Qullan Arunaca

⁶ Panpachaniw konthapita mank'apjjäna, uqhamarac umapjjaraquïna. Uqhamäquipansti tawakon awquipajj mayiraquïnwa mä arumampi cusisita kheparapjjañapataqui.

Aymar Bibliia 1986

⁶ Panpachaniw konthapita mank'apjjäna, uqhamarac umapjjaraquïna. Uqhamäquipansti tawakon awquipajj mayiraquïnwa mä arumampi cusisita kheparapjjañapataqui.

Qullan Arunaka DC

⁶ Ukatsti panpachaniw qunt'asis manq'apxäna, umapxäna, ukatsti tawaqun awkipax mä arumampi k'uchik qhiparañapatakiw achikt'äna.

Jueces 19:6 Jak'a apnaqawi uñst'ayäwi

2 Samuel 13:28

uywatanacaparusti saraquitaynawa: “Walpun amuyapjjäta, cunapachatejj Amnonajj vinompi niya machantasjjani, ucapachasti nayaw sapjjäma: ‘Jiwayapjjam’ sasa, ucatsti jumanacajj jiwayapjjätawa. Jan jupar jiwayañjja ajjsarapjjamti, nayan arunacajjawa. Uqhamasti ch'amañcht'asipjjam, jan ajjsarapjjamti” sasaw Absalonajj säna.

1 Reyes 21:7

Ucatsti Jezabel warmipajj sänwa: —¡Israel marcanjja jumajjaya munañanïstajja! Jichhasti saram mank'eri, uqhamarac chuymachasim. ¡Nayawa Nabot chachan uva yapupa jicjjatayäma! —sasa.

Ester (hebreo) 1:10

Pakallko uru mank'äwi lurasinsti, reyejj vino umasajja wali cusisitaw machascäna, ucatsti qhitänwa Mehumán, Bizta, Harbona, Bigta, Abagta, Zetar, Carcas uca pakallko suma phokher eunuco chachanacaru.

Salmos 104:15

ch'amanchir t'ant'a jicjjatañapataqui, chuymapar cusisiyir vino apsusiñapataqui, ajanupar lliphipiyir aceite jicjjatañapataqui.

Lucas 12:19

Ucatsti saraquïwa: Walja yänacaw jichhajj utjitu, walja maranacatac imata, ucatsti samarasï, mank'asï, umasï, cusisiraquï’ sasa.

1 Tesalonicenses 5:3

Cunapachatejj jakejj aqham siscani: “Take cunas sumaquïsquiwa, janiw cunas pascaniti” sasa, ucqhawa acatjamata jupanacjjaru t'unjäwejj jutani, cunjämtejj mä usur warmerojj parto usojj catuntqui uqhama; ucatjja janiw jaltapcaniti.

Apocalipsis 11:10

Aca oraken jaquirinacasti wali cusisipjjani uca testigonacan jiwapjjatanacapatjja. Cusisiñatsa jupanaccamaraquiw cunanacsa wajjt'asipjjani, aca pani Diosan parlirinacapasti jakenacataquejj jan walïnwa uca laycu.

Apocalipsis 11:13

Uca horasasti uca marcanjja mä jach'a orak qhathatiw utjäna. Uca marcata tunquïri partesti chhaktänwa, pakallko waranka jakenacaraquiw uca orake qhathatimpejj jiwarapjjäna. Chicat jakesti ajjsarañatsa alajjpachanquir Diosaruw yupaychapjjäna.

Jueces 16:25

Jupanacasti cusisiñatjja mayipjjänwa Sansón irpanipjjañapataqui cusisiñataqui. Carcelata Sansón chachar irpsuwayasinjja, juparu uñjasinjja wali cusisipjjäna. Ucampis Sansón chacharojj pä sayquir columna taypiruw sayt'ayapjjäna.

Jueces 19:7

Levitajj sartasina sarjjarcchïnsa, awcch'ipajja wali achict'asïna, ucat jupajj kheparäna.

Jueces 19:9

Cunapachatejj levitajj sartjjäna sarjjañataqui, uñt'atapampi, uqhamarac uywatapampi, awcch'ipajja saraquiquïnwa: “Niya jayp'öjjewa; kheparjjapjjaquim cusisita jichha arumampi, arumarjiwa wali alwata sarjjapjjäta” sasa.

Jueces 9:27

Ucampis jupanacajj yapunacaru sarasinjja uva achunaca aptanisajja vino lurapjjäna; fiesta lurasinjja mank'apjjäna, umapjjäna diosanacapan templopana, uqhamarac Abimelec chacharus maldicipjjaraquïna.

Rut 3:7

Booz chachajj mankt'asisa, uqhamarac umt'asisajja wali cusisitaw uñjasïna. Ucat cebada apthapit jac'aruw iquintjjaraquïna. Mä juc'a horasarojj Rut warmejj c'achat jac'achasisinjja cayunacapat janaräna, ucat uca chekaru ict'äna.

1 Samuel 25:36

Abigail warmisti utapar cuttanjjän ucqhajj Nabal chachaparojj mä jach'a mank'äwi lurasquiri jicjjatäna. Uca jach'a mank'äwisti mä reyitacjamänwa. Uqhamarus wali c'uchiquiraquïnwa, wali machantataraqui. Ucat jupajj janiw cuns siscaraquïnti khepärmanthi alwacamajja.