Jueces 19:6 - Qullan Arunaka DC

⁶ Ukatsti panpachaniw qunt'asis manq'apxäna, umapxäna, ukatsti tawaqun awkipax mä arumampi k'uchik qhiparañapatakiw achikt'äna.

Aymar Bibliia 1986

⁶ Panpachaniw konthapita mank'apjjäna, uqhamarac umapjjaraquïna. Uqhamäquipansti tawakon awquipajj mayiraquïnwa mä arumampi cusisita kheparapjjañapataqui.

Qullan Arunaca

⁶ Panpachaniw konthapita mank'apjjäna, uqhamarac umapjjaraquïna. Uqhamäquipansti tawakon awquipajj mayiraquïnwa mä arumampi cusisita kheparapjjañapataqui.

Jueces 19:6 Jak'a apnaqawi uñst'ayäwi

2 Samuel 13:28

uywatanakaparusti sarakitaynawa: “Amnonar walpun amuyapxäta machantatäxani ukapachaw nayax sapxäma: ‘Jiwayapxam’ sasa, ukatsti jumanakax jiwayapxätawa. Jupar jiwayañ janiw axsarapxätati, nayaw sapxsma. Ukhamasti ch'amañcht'asipxam, jan axsarapxamti” sasa.

1 Reyes 21:7

Ukat Jezabel warmipax säna: —¡Israel markan jumaxay munañanïstaxa! Jichhasti sartasin manq'asim, jan llakisimti. ¡Nayaw Nabot chachan uva yapup jikxatayäma! —sasa.

Ester (hebreo) 1:10

Phunchhäwin paqallq urüxipansti, reyix vinomp umjasisax wali kusisitänwa, ukatsti Mehumán, Biztá, Harboná, Bigtá, Abagtá, Zetar, Carcás, jupan munasit uka paqallqu chachanakaruw khithäna,

Salmos 104:15

ch'amanchir t'ant'a jikxatañapataki, chuymapar kusisiyir vino apsusiñapataki, ajanupas aceitjam lliphipiñapataki.

Lucas 12:19

Ukatsti naya pachpaw sarakï: Jilata, walja yänakaw utjtam walja maratak imata; jichhasti samart'am, manq'asim, umt'asim, kusisirakim’ sasa.

1 Tesalonicenses 5:3

Kunapachatix jaqix akham siskani: “Taqi kunas sumakïskiwa, janiw kunas kamachkaniti” sasa, jupanakxarux ukkhaw t'unjäwix akatjamat jutani, kunjämtix usur jaqi warmin wawachasiñap urux purinki ukhama; ukatsti janiw jaltapkaniti.

Apocalipsis 11:10

Aka uraqin jakirinakasti wal kusisipxani jupanakan jiwarapxatapata. Kusisiñatsa jupanakkamaw churäwinaksa waxt'asipxani, uka pani profetanakan jaqinakar wali t'aqhisiyirïtap layku.

Apocalipsis 11:13

Ukapachaw mä jach'a uraq khathatix sartäna, uka uraq khathatisti markan mä qawqha chiqanakap t'unthapïna, paqallqu waranqa jaqinakarakiw uka uraqi khathatimpix jiwaräna. Qhiparirinakasti, axsarañatsa alaxpachankir Diosaruw yupaychapxäna.

Jueces 16:25

Jupanakasti sinti k'uchikiw jikxatasipxäna, ukatsti Sansonar irpanipxañapatakiw mayipxäna jupat sawkasiñataki. Ukhamasti carcelat Sansonar irpsunipxäna, jupar uñjasinsti wal kusisipxäna, ukat pä piläranak taypiruw sayt'ayapxäna.

Jueces 19:7

Levitax sarxarkchïn ukasa, awkch'ipax achikt'asïnwa, ukat jupax qhiparäna.

Jueces 19:9

Kunapachatix levitax uñt'atapampi, uywatapampi sarxañatak sartxän ukkhaxa, awkch'ipax sarakikïnwa: “Niy jayp'üxiwa, jichha arumampi qhiparapxakim, qharüruw willjtat sarxapxäta” sasa.

Jueces 9:27

uka jaqinakasti uva apthapiriw pampar sarapxäna, uka uvat vino lurapxäna, ukatsti mä jach'a phuñchhäwi lurapxäna, diosanakapan utapan manq'asa, umasa, Abimélec chachar ñanqhachasa.

Rut 3:7

Booz chachax manq'aña, umt'añ tukt'ayxasinxa, wali kusisitaw cebada phina jak'ar ikt'ir sarxäna. Ikjataxäna ukkhasti, Rut warmix k'achat jak'achasisin jak'aparuw ikkatäna.

1 Samuel 25:36

Abigail warmisti utapar kuttanxän ukkhaxa, Nabal chachaparux reyitakjam mä jach'a manq'äwi luraskir jikxatäna. Jupasti wali k'uchikïnwa, wali machantataraki. Ukat jupax qhipüru willjtakamax janiw kunsa chachaparux siskänti.