Jueces 19:10 - Qullan Arunaca

¹⁰ Ucampis levitajja janiw uca arumampi kheparaña muncänti, jan ucasti sarawayjjänwa uñt'atapampi, uywatapampi, uqhamarac pä carunt'at asnonacapampi. Jupanacajj Jebús sat Jerusalén marcaruw jac'achapjjäna.

Aymar Bibliia 1986

¹⁰ Ucampis levitajja janiw uca arumampi kheparaña muncänti, jan ucasti sarawayjjänwa uñt'atapampi, uywatapampi, uqhamarac pä carunt'at asnonacapampi. Jupanacajj Jebús sat Jerusalén marcaruw jac'achapjjäna.

Qullan Arunaka DC

¹⁰ Ukampis levitax janiw uka arumampi qhiparañ munkxänti, jan ukasti uñt'atapampi, uywatapampiw sarawayxäna, ukhamaraki pä karunt'at asnopampi. Kunapachatix Jebús sat Jerusalén markar jak'achasipkän ukkhasti,

Jueces 19:10 Jak'a apnaqawi uñst'ayäwi

2 Samuel 5:6

Rey Davidampi, jakenacapampisti Jerusalenaruw sarantawayapjjäna, jebuseo jakenacar nuwantañataqui, jupanacasti ucsa tokenacanwa jacapjjäna. Ucampisa jebuseonacajj amuyapjjaraquïnwa, Davidajj janis uca marcar mantcaspa uqhama, ucatsti sapjjaraquïnwa: “Janiw jumajj acar mantancasmati, juyqhunacampi, cojonacampiquiw jumarojj jarct'apjjätamjja, jan mantaniñamataqui” sasa.

Josué 15:63

Ucampis Judá tribun wawanacapajj janiw Jerusalén marcan jebuseo jakenacarojj jakonucuñ puedcänti, jichhürcamas jupanacajj jacasipcaquiwa Judá tribun wawanacapampi chica.

Josué 15:8

Ucatsti maqhatascaquïnwa Ben-hinom vallenjama, Jebús Jerusalén sutini aynachcama, ucatsti sarascaquïnwa kollu patanjama, cawquïritï intis jalantqui Ben-hinom sat valle tokencqui uca chekacama, Refaim valle amstacamaraqui.

Josué 18:28

Zela, Elef, Jebús (cawquïritï Jerusalén sutinïcaraquïna,) uqhamaraqui Gabaa, Quiriat marcanaca; ucampisti tunca pusin marcanaca, jisc'a marcanacampi cuna. Uca orakenacaw wact'äna Benjamín tribun wawanacaparojja.

Jueces 1:8

Judá tribunquirinacasti Jerusalén marca catuntasipjjäna. Ucatsti uca marcanquirinacarojj espadampcamaw jiwarayapjjäna, utanacarusti ninampiraquiw phichantapjjaraquïna.

Jueces 19:9

Cunapachatejj levitajj sartjjäna sarjjañataqui, uñt'atapampi, uqhamarac uywatapampi, awcch'ipajja saraquiquïnwa: “Niya jayp'öjjewa; kheparjjapjjaquim cusisita jichha arumampi, arumarjiwa wali alwata sarjjapjjäta” sasa.