Jueces 18:2 - Qullan Arunaca

² Ucampis Dan sat tribunquirinacajja Zora, Estaol sat marcanacatjja qhithapjjänwa pheska jan ajjsarir jakenaca. Jupanacasti sarapjjänwa uñakeri, uqhamarac uca chekanaca uñjiri. Aca pheska uñakerinacasti Efraín satancqui uca kollunacaruw sarapjjäna, ucatsti puripjjaraquïnwa Micaian utaparu, uca arumajja ucanwa ict'awayapjjäna.

Aymar Bibliia 1986

² Ucampis Dan sat tribunquirinacajja Zora, Estaol sat marcanacatjja qhithapjjänwa pheska jan ajjsarir jakenaca. Jupanacasti sarapjjänwa uñakeri, uqhamarac uca chekanaca uñjiri. Aca pheska uñakerinacasti Efraín satancqui uca kollunacaruw sarapjjäna, ucatsti puripjjaraquïnwa Micaian utaparu, uca arumajja ucanwa ict'awayapjjäna.

Qullan Arunaka DC

² Ukat Dan ayllunkirinakax Sorá, Estaol chiqanakat phisqa jan axsarir jaqinak uraq uñaqanipxañapatak khithapxäna. Uka phisqa uñaqanakax Efraín qullunakaruw sarapxäna, ukatsti Micaías chachan utaparuw puripxäna, ukan uka arumax qurpachasipxäna.

Jueces 18:2 Jak'a apnaqawi uñst'ayäwi

Génesis 42:9

Ucat Joseajj cuna samcanactejj samcasirïcän ucanacwa amtasïna, saraquïnwa: —Jumanacajj uñakanacäpjjtawa, cawqhatcha marcarojj aynacht'ayañjamäsqui uc uñakeriw jutapjjtajja —sasa.

Proverbios 20:18

Suma amtäwinacajja suma ewjja arunacampiwa wact'ayasi; uqhamarac guerran nuwasiñataquisa wali yatiñampi sarañawa.

Números 13:17

Moisesasti Canaán oraker qhitasinjja jupanacarojj sänwa: —Sarapjjam Néguev sat chekanjama, maqhatapjjam kollu tokenacaru.

Lucas 14:31

Jan ucajj cawquïr reyis, yakha reyimp nuwasir sarañapäni ucajja ¿janit ucajj nayrakatajj kont'asisinjj amuyt'ascaspajja, cunjämsa tunca waranka soldadompejj nuwasispa, pä tunc warank soldadompi jupampi nuwasir jutirimpejja?

Josué 15:33

Pampa tokenacansti acnïri marcanacaw wact'äna: Estaol, Zora, Asena,

Josué 19:41

Acnïri marcanacaraquiw wact'äna: Zora, Istaol, Er-semes,

Josué 2:1

Josué chachasti Sitim chekatjja pä jakenacaruw jan qhitinsa uñjcata qhitäna aqham sasa: “Sarapjjam, uñjanipjjaraquim cunjamätaynas uca orakejja uqhamaraqui Jericó marcasa” sasa. Uqhamaw jupanacajj Jericó marcaru puripjjäna mä jan wali sarnaquir warmin utaparu, jupasti Rahab sutinïnwa, ucanaracwa uca arumajj jupanacajj korpachasipjjäna.

Josué 2:2

Ucatsti mayni jakew Jericó marcan reyiparojj yatiyäna aqham sasa: —Israelit jakenacaw jichha arumajj marcasar mantanipjje jiwasar uñakeri —sasa.

Jueces 13:2

Zora sat marcanjja, Dan tribunsti mä chachawa utjäna Manoa sat sutini. Warmipasti jan wawachasirïnwa.

Jueces 13:25

Mä urusti Sansón chachajj Zora, Estaol sat marcanac taypincqui, uca Dan tribun campamentopancquipanjja Diosan ajayupawa jupana uñstäna.

Jueces 16:31

Ucjjarusti Sansón chachan jilanacapa, uqhamarac take familianacapaw jutasina jiwata janchipa apasjjapjjäna, ucatjja imt'apjjaraquïnwa Zora, Estaol sat marcanac taypiru, Manoa sat awquipan imäwiparu. Sansón chachajj pä tunca maranacaw Israel marcarojj apnakawayänjja.

Jueces 17:1

Efraín satan kollunacapansti mä jakew jacäna Micaía sat sutini.

Jueces 18:11

Sojjta pataca jakenacaw Dan sat tribunquiritjja Zora, Estaol sat chekanacatjja wali nuwasiñ armanacampiw mistsupjjäna.

Jueces 18:13

Ucqhatsti Efraín sat kollunacaruw sarapjjäna; puripjjaraquïnwa Micaian utaparu.

Jueces 18:3

Micaian utapar jac'achasinjja levita waynan parlasitap uñt'apjjäna, ucatsti jisct'iriw sarapjjäna: —¿Qhitisa acar irpantam? ¿Cunatsa acawjancta? ¿Cunsa acan thakta? —sasa.

Jueces 18:8

Ucatsti uca pheska uñakerinacajj cutt'jjapjjänwa Zora, Estaol cawqhanccäntejj jilanacapajj ucaru. Ucampis mayninacajj jisct'apjjänwa: —¿Cunjämas sarapjjtam? —sasa. Uñakerinacajj sapjjaraquïnwa:

Jueces 19:1

Israel marcana jan reyejj utjcäna uca urunacasti mä levitawa Efraín sat kollunacat jayana jacäna, jupajj Belenanquir Judá sat marcanquir mä warmimpiw uñtasjjäna.

Jueces 19:18

Ucat levitasti saraquïnwa: —Nanacasti Belenanquir Judá sat marcatwa jutapjjta, jichhasti sarasipctwa Efraín satäquis uca kollunacaru; nayajj ucanwa jacasta. Ucampis nayajj Belenancascäyätwa, jichhasti utaruwa cutt'ascta, acanjja janiw qhitsa jicjjatcti nayaru korpacht'iri.