Jueces 18:2 - Qullan Arunaka DC

² Ukat Dan ayllunkirinakax Sorá, Estaol chiqanakat phisqa jan axsarir jaqinak uraq uñaqanipxañapatak khithapxäna. Uka phisqa uñaqanakax Efraín qullunakaruw sarapxäna, ukatsti Micaías chachan utaparuw puripxäna, ukan uka arumax qurpachasipxäna.

Aymar Bibliia 1986

² Ucampis Dan sat tribunquirinacajja Zora, Estaol sat marcanacatjja qhithapjjänwa pheska jan ajjsarir jakenaca. Jupanacasti sarapjjänwa uñakeri, uqhamarac uca chekanaca uñjiri. Aca pheska uñakerinacasti Efraín satancqui uca kollunacaruw sarapjjäna, ucatsti puripjjaraquïnwa Micaian utaparu, uca arumajja ucanwa ict'awayapjjäna.

Qullan Arunaca

² Ucampis Dan sat tribunquirinacajja Zora, Estaol sat marcanacatjja qhithapjjänwa pheska jan ajjsarir jakenaca. Jupanacasti sarapjjänwa uñakeri, uqhamarac uca chekanaca uñjiri. Aca pheska uñakerinacasti Efraín satancqui uca kollunacaruw sarapjjäna, ucatsti puripjjaraquïnwa Micaian utaparu, uca arumajja ucanwa ict'awayapjjäna.

Jueces 18:2 Jak'a apnaqawi uñst'ayäwi

Génesis 42:9

Ukat Joseax kuna samkanaktix jupanakxat samkasirïkäna ukanak amtasïna, ukat jupanakar sarakïna: —Jumanakax uñaqanakäpxtawa, kawkhatcha markarux aynacht'ayañjamäski uk uñaqiriw jutapxtaxa —sasa.

Proverbios 20:18

Amtäwinakax suma iwxa arunakampiw wakt'ayasi; nuwasïwir sarañatakis wali yatiñampi wakt'ayañawa.

Números 13:17

Moisesax Canaán uraqir jupanak khitkän ukapachasti, akham sänwa: —Négueb wasar chiqanjam sarapxam, ukatsti qullu tuqinakaruw makhatapxäta.

Lucas 14:31

Jan ukax kawkïr reyis, yaqha reyimpi nuwasir sarañapäkani ukaxa, ¿janit jupax qunt'asisin nayraqat amuyt'askaspaxa, kunjämsa tunka waranqa soldadompix saykataspa, pä tunka waranqa soldadompi jutiriruxa?

Josué 15:33

Pampa tuqirux aknïr markanakaw wakt'äna: Estaol, Sorá, Asná,

Josué 19:41

Aka uraqinsti Sorá, Estaol, Ir-semes,

Josué 2:1

Josué chachax Sitim chiqat pani uñaqir jaqinak jamasat khithäna, jupanakarusti sänwa: “Sarapxam, kunjamätaynasa uka uraqixa, Jericó markasa uk uñaqanipxam” sasa. Jupanakasti sarapxänwa, Jericó markar purisax mä jan wali sarnaqir warmin utaparuw puripxäna, sutipax Rahab satänwa, uka arumax ukan qurpachasipxäna.

Josué 2:2

Ukampis mayni jaqiw Jericó markan reyiparux uk yatiyäna akham sasa: —Israelit jaqinakaw jichha arumax markasar uñaqir mantanipxi —sasa.

Jueces 13:2

Sorá chiqana, Dan ayllunkir mä chachaw utjäna Manoa sutini. Warmipasti janiw wawanïkataynati, jupax jan wawachasir warmïnwa.

Jueces 13:25

Mä urusti, Sansonax Sorá, Estaol chiqanak taypina, Dan chiqankir campamentonkkipan, Tatitun ajayupax jupa tuqi uñacht'ayasiñ qalltäna.

Jueces 16:31

Uka qhipatsti, Sansonan jilanakapax taqpach wila masinakapampi jutasin janchip apasxapxäna, ukatsti Sorá, Estaol chiqanak taypinkir uraqiruw imt'xapxäna, Manoa awkipan imäwiparu. Sansonax pä tunka maraw Israelitanakarux irpatayna.

Jueces 17:1

Efraín sata qullunakan mä jaqiw jakäna Micaías sutini,

Jueces 18:11

Ukatsti Sorá, Estaol chiqanakat Dan ayllunkiri jaqinakax suxta patakaniw nuwasiñatak wali wakicht'ata mistuwayapxäna,

Jueces 18:13

Ukawjatsti Efraín qullunakaruw sarapxäna, ukatsti Micaías chachan utaparuw puripxäna.

Jueces 18:3

Micaías chachan utapankasinsti, levita waynarux parlasitapat yaqha chiqankirïtap amuyapxäna, ukat jupar jiskt'apxäna: —¿Khitirak akar irpantamsti? ¿Kunatarak akanktasti? ¿Kunatakirak akar juttasti? —sasa.

Jueces 18:8

Ukhamasti uka phisqa uñaqanakax Sorá, Estaol chiqaruw kutt'xapxäna, kawkhankkäntix masinakapax ukawjaru, jupanakasti jiskt'apxänwa: —¿Kunjämakis sarnaqanipxta? —sasa. Jupanakasti sapxänwa:

Jueces 19:1

Israel markan reyix janïr utjkän uka urunakansti, Efraín qullunakan mä levitaw jakäna, jupasti Judá uraqin Belén markankir mä warmimpiw chikäna.

Jueces 19:18

Levitasti sänwa: —Nanakax Judá uraqinkir Belén markat jutasipkta, jichhasti Efraín qullunakat juk'amp jayaruw sarasipkta, ukawjan nayax jakasta. Nayax Belenankaskäyätwa, jichhasti utaruw kutt'askta, akan janiw khitsa nayaru qurpacht'iri jikxatkti.