Jueces 12:1 - Qullan Arunaca

¹ Efraín sat tribunquir jakenacajj tantacht'asisinjja, Jordán jawira maqhataniwayasajja Zafón sat chekaruw jutapjjäna, purisinsti Jefté chacharojj sapjjänwa: —¿Cunatsa juma sapaqui amonitanacampi nuwasiri sarta nanacaru jan yatiyasa jumampi chica sarañanacajjataqui? Jichhasti nanacajj jumjja utamamppacha phichhantawayapjjäma —sasa.

Aymar Bibliia 1986

¹ Efraín sat tribunquir jakenacajj tantacht'asisinjja, Jordán jawira maqhataniwayasajja Zafón sat chekaruw jutapjjäna, purisinsti Jefté chacharojj sapjjänwa: —¿Cunatsa juma sapaqui amonitanacampi nuwasiri sarta nanacaru jan yatiyasa jumampi chica sarañanacajjataqui? Jichhasti nanacajj jumjja utamamppacha phichhantawayapjjäma —sasa.

Qullan Arunaka DC

¹ Efraín ayllunkir chachanakax tantacht'asisin, Jordán jawir makhatapxäna, ukatsti Safón tuqiruw sarapxäna, ukan Jefté chacharux sapxäna: —¿Kunatsa jumax amonitanakamp nuwasir sapak sarta, nanakar jan yatiyasa jumamp chika sarañanakaxatakisti? ¡Jichhasti nanakax jumarux utamamppach phichhantapxäma! —sasa.

Jueces 12:1 Jak'a apnaqawi uñst'ayäwi

Salmos 109:4

Munasiñanïtajj laycojj c'arintapjjetuwa, ucchañcamasti Diosat mayista.

Eclesiastés 4:4

Uñjaractwa irnakañanacansa, uqhamarac suma lurañanacansa envidiasiñaquiw utji mayninac toke, ucasti inamayawa, thayarusa catthapï siscsna uqhama.

Oseas 13:1

Cunapachatejj Efrainanquir jakenacajj parlapjjän ucqhajja, Israelanquir yakha tribunacajj juparojj ajjsarapjjänwa; ucampis Efrainajj jiwawayjjewa cunapachatejj juch lurcäna Baal diosaru yupaychasa uca urutpacha.

Marcos 3:24

Mä marcantejj jilïrinacajj walja jaljtäwiru t'akjtaspajja ucat jupanaccam nuwasipjjaraquispa ucqhajja, uca marcajj janiw jayataquïcaspati.

Juan 10:32

Jesusasti jupanacarojj saraquïnwa: —Jumanacan nayrakatanacamanjj asquinacwa lurta Awquejjan ch'amapampi. ¿Cawquïri luratanacajjatsa kalampi c'upjapjjetäta?

Santiago 3:16

Cawqhantejj envidiasiñas, jiwasataquic munañas utjqui ucqhanjja, pejjtusiñanacampi jan walt'añanacampiquiw utji.

Jueces 11:40

Ucatwa israelitanac taypinjja mä costumbrejj utji sapa mara tawakonacajja Jefté chachan phuchapata pusi uru jachir sarapjjañapajja.

Jueces 12:2

Jefté chachasti saraquïnwa: —Nayampi, jakenacajjampi, mä nuwasiñaw amonitanacampejj utjapjjetäna, ucampis nayajja jumanacarojj jawsayapjjsmawa ucatsti janiw nanacar arjjatirejj jutapctati.

Jueces 14:15

Ucat pusi urunsti Sansón chachan warmiparojj sapjjaraquïnwa: —Chachamaru jisct'am nanacaru uca yatjjatañäqui uca yatiyañamataqui. Jan ucasti nanacajj ninampiw phichhantapjjäma jumaru, uqhamarac awquiman familiaparu. ¡Jumanacasti nanacarojj cunanacajjatejj utjapquitu uca aparaña laycucjamaquiw jawsthapipjjestajja! —sasa.

Jueces 15:6

Filisteonacajj yatjjatañaruw uchasipjjäna qhitisa uqham lurpacha uca. Ucatsti yatjjatapjjänwa Sansón chachan phoksusiñata uqhama luratapa, Timnateo sat awcch'ipajja warmipa aparasina Sansón chachan amigoparu churatapata. Uqham yatisinsti filisteonacajj sarapjjänwa warmimpiru, awquipampiru ninampi phichhantiri.

Jueces 8:1

Efraín sat tribunquirinacasti wali colerasisajj Gedeonaruw juchañchapjjäna, jupanacarojja madianitanacampi nuwasiñataquejj jan yatiyatapata.