Jueces 12:1 - Qullan Arunaka DC

¹ Efraín ayllunkir chachanakax tantacht'asisin, Jordán jawir makhatapxäna, ukatsti Safón tuqiruw sarapxäna, ukan Jefté chacharux sapxäna: —¿Kunatsa jumax amonitanakamp nuwasir sapak sarta, nanakar jan yatiyasa jumamp chika sarañanakaxatakisti? ¡Jichhasti nanakax jumarux utamamppach phichhantapxäma! —sasa.

Aymar Bibliia 1986

¹ Efraín sat tribunquir jakenacajj tantacht'asisinjja, Jordán jawira maqhataniwayasajja Zafón sat chekaruw jutapjjäna, purisinsti Jefté chacharojj sapjjänwa: —¿Cunatsa juma sapaqui amonitanacampi nuwasiri sarta nanacaru jan yatiyasa jumampi chica sarañanacajjataqui? Jichhasti nanacajj jumjja utamamppacha phichhantawayapjjäma —sasa.

Qullan Arunaca

¹ Efraín sat tribunquir jakenacajj tantacht'asisinjja, Jordán jawira maqhataniwayasajja Zafón sat chekaruw jutapjjäna, purisinsti Jefté chacharojj sapjjänwa: —¿Cunatsa juma sapaqui amonitanacampi nuwasiri sarta nanacaru jan yatiyasa jumampi chica sarañanacajjataqui? Jichhasti nanacajj jumjja utamamppacha phichhantawayapjjäma —sasa.

Jueces 12:1 Jak'a apnaqawi uñst'ayäwi

Salmos 109:4

Munasiñanïtax laykuw k'arintapxitu; ukchañkamasti Diosat mayista.

Eclesiastés 4:4

Jan inakt'as irnaqaña, nayraqatar sartañax maynit maynikam jilankañ thaqhatapak uñjarakta, ukasti inamayarakikiwa, thayarus katthapiñ munksna ukhamakiwa.

Oseas 13:1

Kunapachatix Efrainankir jaqinakax arsupkän ukkhaxa, Israelan maynïr ayllunakapax axsartañampiw isch'ukipxäna; ukampis Efrainax Baal diosar yupaychasa jucha luratapat jiwarakïna.

Marcos 3:24

Mä markan jakirinakapatix payar t'aqjtatäspaxa, uka markax q'alaw tukusispa;

Juan 10:32

Jesusasti jupanakarux sarakïnwa: —Jumanak nayraqatan Awkixan ch'amapampix askinak lurta; ¿kawkïr lurataxatarak qalampi k'upjañ munapxistasti? —sasa.

Santiago 3:16

Kawkhantix uñisisiñasa, uñkatasiñas utjki ukkhanxa, pixtusiñanakampi jan walt'añanakampikiw utji.

Jueces 11:40

Ukat israelitanak taypin uka saräwix utji, sapa maraw tawaqunakax tantachasipxi, Jefté chachan phuchhapat pusi uru jachañataki.

Jueces 12:2

Jefté chachasti sänwa: —Nayampi, jaqinakaxampix amonitanakampiw jan walt'añan jikxatasipxäyäta, nayax jumanakar jawsayapxsmawa, ukampis jumanakax janiw nanakar arxatirix jutapktati.

Jueces 14:15

ukat pusïr urun Sansonan warmiparux sapxäna: —Chachamar arsuyam, kuntix uka jiskt'apax sañ munki uka, jan ukasti jumampiru, awkiman wila masipampirux ninampiw phichhantapxäma. ¡Jumanakasti nanakarux yänakaxa apaqañ laykukjamakiw jawsapxistaxa! —sasa.

Jueces 15:6

Filisteonakasti yatxatañaruw uchasipxäna, khitisa ukham lurpacha uk jiskt'asa, ukatsti Sansonan phuqsusiñat ukham luratapa, timnateo awkch'ipax warmip aparasin Sansonan mayni jilat masipar churatapata yatisinxa, filisteonakax sarasin warmimpiru, awkipampiruw ninampi phichhantapxäna.

Jueces 8:1

Efraín ayllunkirinakasti wali q'apisitaw Gedeonampi jiskhisipxäna, jupanakaru madianitanakampi nuwasiñataki jan yatiyatapata.