Jueces 1:23 - Qullan Arunaca

²³ Aca marcasti nayrajj Luz sat sutinïnwa, ucampis jupanacajja nayrakatajj uñakerinacwa qhitapjjäna. Diosasti jupanacarojj yanapänwa.

Aymar Bibliia 1986

²³ Aca marcasti nayrajj Luz sat sutinïnwa, ucampis jupanacajja nayrakatajj uñakerinacwa qhitapjjäna. Diosasti jupanacarojj yanapänwa.

Jueces 1:23 Jak'a apnaqawi uñst'ayäwi

Génesis 28:19

Uca chekansti nayrajj mä marcaw utjatayna, ucasti khana marca satänwa, ucampis Jacobojj uca marcan sutipjja trocänwa Betel sutimpi.

Génesis 35:6

Jacobompi, uqhamarac jupampi chica sarapcänsa uca jakenacampisti Luz sat marcaruw puripjjäna, mä sutipasti Betel sataraquïnwa, ucasti Canaán oraken jicjjatasi.

Génesis 48:3

Josearusti saraquïnwa: —Take ch'amani Diosaw nayarojj Luz sisqui uca marcan uñstitu, Canaán orakena, ucatsti aca arunacampiw bendiciraquitu:

Josué 16:1

Cawquïri orakenacatejj Josean wawanacaparu suerteta wact'cän ucanacajj Jordán jawirat kalltäna, Jericó marcäquis ucqhata, ucatsti sarascaquïnwa inti jalsu tokeru, Jericó marcan phuch'unacap tokeru, uqhamaraqui wasara tokeru Jericó marcan kollunacapäquis ucsaru Betel tokeru puriñcama;

Josué 16:2

Betel chekatjja pasascaquïnwa Luz sat chekanjama, sarascaquïnwa arquitas marcan orakep pasasina, Atarot chekar puriñcama;

Josué 18:13

Uca chekatsti sarascaquïnwa Luz sat chekaru (cawqhatï Betel satäcaraqui) uca aynacharu, ucatsti sarakänwa Atarot-adar sat kollu chekaru, cawquïritï Bet-horón sutin lugaräqui uca aynacharu.

Josué 2:1

Josué chachasti Sitim chekatjja pä jakenacaruw jan qhitinsa uñjcata qhitäna aqham sasa: “Sarapjjam, uñjanipjjaraquim cunjamätaynas uca orakejja uqhamaraqui Jericó marcasa” sasa. Uqhamaw jupanacajj Jericó marcaru puripjjäna mä jan wali sarnaquir warmin utaparu, jupasti Rahab sutinïnwa, ucanaracwa uca arumajj jupanacajj korpachasipjjäna.

Josué 7:2

Josué chachajj mayni jakenacaruw Jericó marcat qhitäna Hai sat orakeru, cawquïri marcatï Betel chekancqui ucaru, uqhamarac Bet-avén marca jac'ana, ucatsti aqham sänwa: “Sarapjjam uñjanipjjaraquim cunjämätaynas uca marcajj uca” sasa. Ucatsti jupanacajj sumwa uca marcjja uñakanipjjäna.

Jueces 1:22

José sat tribunquirinacajj amtasipjjänwa Betel marca nuwantas catuntasiñataqui.

Jueces 18:2

Ucampis Dan sat tribunquirinacajja Zora, Estaol sat marcanacatjja qhithapjjänwa pheska jan ajjsarir jakenaca. Jupanacasti sarapjjänwa uñakeri, uqhamarac uca chekanaca uñjiri. Aca pheska uñakerinacasti Efraín satancqui uca kollunacaruw sarapjjäna, ucatsti puripjjaraquïnwa Micaian utaparu, uca arumajja ucanwa ict'awayapjjäna.