Jueces 1:16 - Qullan Arunaca

¹⁶ Hobab quenita sata Moisesan awcch'ipan wawanacapasti Palmeras sat marcatsti Judá tribunquirinacampiw mistsupjjäna Judá wasararu Arad sat chekata aynacharu. Ucatsti ucaruwa kheparapjjäna ucanquir jakenacampi chica jacañataqui.

Aymar Bibliia 1986

¹⁶ Hobab quenita sata Moisesan awcch'ipan wawanacapasti Palmeras sat marcatsti Judá tribunquirinacampiw mistsupjjäna Judá wasararu Arad sat chekata aynacharu. Ucatsti ucaruwa kheparapjjäna ucanquir jakenacampi chica jacañataqui.

Qullan Arunaka DC

¹⁶ Moisesan awkch'ipat saraqiri quenita wawanakapasti, Judá ayllunkirinakamp chikaw Jericó markat mistupxäna, ukatsti Arad sat chiqankki uka wasararuw sarapxäna, ukan jupanakax ukankir jaqinakamp jakiri qhiparapxäna.

Jueces 1:16 Jak'a apnaqawi uñst'ayäwi

1 Crónicas 2:15

Ozem ucasti sojjtïri wawapa; David ucasti pakallköri wawapa.

1 Crónicas 2:55

uqhamarac soferitanacan familianacaparaqui, jupanacasti Jabes ucan jacapjjäna, ucanacasti tirateonaca, simeateonaca, sucateonaca ucanacäpjjänwa. Acanacasti Hamat ucat jutir quenitanacäpjjewa, jupasti Bet-recab ucan awquipänwa.

2 Crónicas 28:16

Uca urunacansti Acaz reyejj qhitanacwa Asiria marcaru qhitäna yanapa mayiniapataqui.

Éxodo 18:1

Moisesan Jetro sat awcch'ipajj Madián orakenjja sacerdotënwa, jupasti yatïnwa cuntejj Diosajj Moisesataqui, uqhamarac Israel marcataquis lurcän ucjja. Uqhamarac yatiraquïnwa Tatitojj Egiptota apsunitapa.

Éxodo 18:12

Moisesan Jetro awcch'ipajj mä uywa Diosaru sacrificio loktasin nact'ayäna, uqhamarac yakha ofrendanacampi uqhama. Aaronampi, israelanquir take jilïrinacampisti sarapjjänwa Moisesan awcch'ipampi cheka Diosan nayrakatapana mank'aniñataqui.

Éxodo 18:27

Uca khepatsti Moisesajj awcch'iparojj qhitjjänwa, ucatsti awcch'ipajj marcaparuw sarawayjjäna.

Éxodo 18:7

Moisesasti awcch'ipar catoker mistsunisinjja p'ekepa alt'asinwa aruntäna, jamp'att'araquïnwa. Ucatsti aruntasa catokasinsti carpaparuw mantapjjäna.

Éxodo 3:1

Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

Éxodo 4:18

Moisesasti, Jetro sat awcch'ipan utapar cutt'asinjja sanwa: —Nayajja Egipto marcar cutt'añajjawa cawqhancapquitejj marca masi jilanacajjajj ucaru. Nayajja uñjaniñwa jupanacarojj munta jacasipcpachati janicha uca —sasa. Ucatsti Jetro awcch'ipajj saraquïnwa: —Uqhamajj saramaya, waliqui —sasa.

Jeremías 35:2

“Recabita jakenacan ucaru saram ucatsti jupanacampi parlaraquim. Templon utjquis ucanacat mä utaru irpantaraquim take jupanacaru, ucansti vino umarayaraquim” sasa.

Números 21:1

Cunapachatejj Néguev chekan jaquiri, Arad marcanquir cananeo reyejj israelitanacan Atarim thaquinjam jutascatapatjja ist'än ucqhajj, israelitanacampi nuwasiriw mistunïna, ucatsti yakhepanacarojj prisioneronacwa catuntanipjjäna.

Mateo 3:1

Uca urunacansti, Bautisiri Juanajj Judea wasararuw jutäna Diosan arunacap parlasa.

Deuteronomio 34:3

Uqhamaraquiw Néguev sat orake, Jordán jawiran vallenacapa, Jericó marcan pampanacapa, palmeranacan marca, Zoar sat orakcama.

Deuteronomio 34:4

Ucatsti Tatitu Diosajj sänwa: “Aca orakenacwa nayajj arojjampi arsusina churä sayäta Abrahamaru, Isaacaru, Jacoboru, uqhamaraqui wawanacaparusa. Nayaw munta quipca nayranacamampi uñjañama, ucampis janiraquiw ucarojj mantcätati” sasa.

Josué 12:14

Horma marcan reyipa, Arad marcan reyipa;

Josué 18:21

Mä toketsti cawquïri marcanacatï Benjamín tribun wawanacaparu wact'cäna ucanacajj acanacänwa: Jericó, Bet-hogla, Emec-casis uca marcanaca.

Jueces 1:15

Ucat jupasti saraquïnwa: —Nayajja mayiñwa munsma, niyaquejjay Néguev chekarojj orake churchistajja, jichhasti churaraquitaya jalsu phuch'unaca —sasa. Ucatsti Caleb awquipajja churänwa jalsu phuch'unacjja amstancqui ucata, uqhamarac aynachancqui ucatsa.

Jueces 3:13

Eglón sat reyisti mayacht'asïnwa, amonitanacampi, amalecitanacampi. Ucatsti israelitanacaru atipjasinsti Palmeras sat marcwa catuntasipjjäna.

Jueces 4:11

Cedes sat marca jac'anjja Zaanaim sat encina jac'an Heber sat quenitajj utapwa lurasïna, jupasti mayni quenitanacatjja jayaruw sarakjjatayna, jupajj Hobab sata, Moisesan awcch'ipat sarakeriraquïnwa

Jueces 4:17

Hazor sat marca apnaker Jabín sat reyimpi, Heber sat quenitan familiapampisti sumancapjjänwa, uqhamïpansti Sisarajja cayuqui jaltjjasinsti Heber sat quenitan Jael sat warmipan utaparuw purïna.

1 Samuel 15:6

Ucat quenitas sat jakenacarojj saraquïna: “¡Sartapjjam ucqhata! ¡Jumanacajj amalecita jakenac taypit mistuwayjjapjjam, jan nayan jumanacaru jupanacampi chica t'unjañajjataqui, jumanacasti sumaquiracwa uñjapjjayätajj israelitanacarojj, cunapachatejj Egiptot jutapcän ucapachajja!” sasa. Quenitas sat jakenacasti amalecitas sat jakenac taypitjja mistuwayjjapjjänwa.

1 Samuel 27:10

Ucat Aquis reyisti jisct'araquirïnwa: “¿Cawquïri marcsa jichhajj saqueyjaractajja?” sasa. Davidasti saraquirïnwa: “Judá oraket aynachanquir marcanacwa, uqhamaraqui Jerameelat aynachanquir marcanaca, quenitanacan orakepat aynachanquirinacaruwa” sasa.

1 Samuel 30:29

uqhamarac Racal chekanquirinacarusa, uca quipcaraqui Jerameel marcanacan utjirinacarusa, quenitanacan marcanacapan utjirinacarusa,