Jueces 1:16 - Qullan Arunaka DC

¹⁶ Moisesan awkch'ipat saraqiri quenita wawanakapasti, Judá ayllunkirinakamp chikaw Jericó markat mistupxäna, ukatsti Arad sat chiqankki uka wasararuw sarapxäna, ukan jupanakax ukankir jaqinakamp jakiri qhiparapxäna.

Aymar Bibliia 1986

¹⁶ Hobab quenita sata Moisesan awcch'ipan wawanacapasti Palmeras sat marcatsti Judá tribunquirinacampiw mistsupjjäna Judá wasararu Arad sat chekata aynacharu. Ucatsti ucaruwa kheparapjjäna ucanquir jakenacampi chica jacañataqui.

Qullan Arunaca

¹⁶ Hobab quenita sata Moisesan awcch'ipan wawanacapasti Palmeras sat marcatsti Judá tribunquirinacampiw mistsupjjäna Judá wasararu Arad sat chekata aynacharu. Ucatsti ucaruwa kheparapjjäna ucanquir jakenacampi chica jacañataqui.

Jueces 1:16 Jak'a apnaqawi uñst'ayäwi

1 Crónicas 2:15

Ósem, ukhamarak David.

1 Crónicas 2:55

Jabés chiqan jakapkän uka soferitanakan wila masinakapa, jan ukax tirateonaka, simateonaka, sucateonaka. Jupanakaw Hamat chachat saraqir quenitanakaxa, jupasti Bet-recab chachan awkipänwa.

2 Crónicas 28:16

Uka urunakansti, Ahaz reyix khithanak Asiria markar khithäna reyipat yanap mayiñataki,

Éxodo 18:1

Jetró chachax Moisesan awkch'ipänwa, Madián markan sacerdoteparakïnwa, jupasti taqi kuntix Diosax Moisesampitaki, Israel markapampitakis lurkatayna ukanak yatïna, kunjämtix Tatitux Egiptot jupanakar irpsunkatayna ukanak yatirakïna.

Éxodo 18:12

Jetró chachasti ukspachaw mä uywa katusin nakt'at wilañcha Diosar luqtäna, ukhamarak yaqha waxt'anakampi. Uka qhipatsti, Aaronampi, Israelan jilïrinakapampix Moisesan awkch'ipamp chikaw Diosan nayraqatapan manq'apxäna.

Éxodo 18:27

Uka qhipatsti Moisesax awkch'ipar sum khithanukxäna, awkch'ipasti markaparuw kuttawayxäna.

Éxodo 18:7

Moisesasti Jetró awkch'ipar katuqiriw mistuwayäna. Ukatsti jupan nayraqatapan alt'asisaw jamp'att'arakïna; aruntasisasti chhujllaruw mantapxi.

Éxodo 3:1

Moisesax Jetró awkch'ipan ovejanakap awatïna, uka awkch'ipasti Madián chiqan sacerdotënwa. Mä urusti, Moisesax wasaranjam ovejanak anakïna, ukatsti Diosan Horeb sat qullupkamaw purïna.

Éxodo 4:18

Moisesasti, Jetró awkch'ipan utapar kutt'asin jupar säna: —Egipto markar kutt'añaxawa, kawkhankapkitix marka masi jilanakaxax ukaru. Jupanakax jakasipkpachati janicha uk uñjiriw sarañ munta —sasa. Jetró awkch'ipasti sarakïnwa: —Ukhamax saramaya, walik saräta —sasa.

Jeremías 35:2

“Recabita jaqinakan ukar saram ukatsti jupanakampi parlanim. Jupanakarusti Utaxan utjkis ukanakat mä utar irpantam, ukankxapxani ukkhasti, vino umt'apxañapatak churarakim” sasa.

Números 21:1

Négueb wasarankir Arad markan cananeo reyix jakäna, jupasti israelitanakan Atarim thakhinjam jutasipkatapat ist'asinxa, jupanakamp nuwasiriw mistüna, ukatsti jupanakar nuwantasin yaqhipanakar katuntawayäna.

Mateo 3:1

Mä qawqha maranakatsti, Bautisir Juanax Judea wasararuw Diosan arunakap parlir misttanïna.

Deuteronomio 34:3

Uka chiqatpach Moisesax aynach tuqinkir wasar uñtäna, Jordán jawiran qhirwapa, Jericó markar muyuntki uka pampanaka, Sóar markakama. Jericó markax Palmeranakan Marka satarakiwa.

Deuteronomio 34:4

Ukan Tatitux Moisesar säna: “Aka uraqinak nayax Israelar churä. Ukham nayax nayra awkinakamar arsuwayta, Abrahamaru, Isaacaru, Jacoburu. Nayax kipka nayranakamamp uñjañam munta, ukampis janiw uka uraqirux mantkätati” sasa.

Josué 12:14

Hormá, Arad,

Josué 18:21

Kawkïr markanakatix Benjamín ayllunkir wila masi tamanakapar wakt'käna ukanakax akanakänwa: Jericó, Bet-hoglá, Émec-quesís,

Jueces 1:15

Phuchhapasti sänwa: —May achikt'asiñ munsma, niyakixay jan umani uraqinak churchistaxa, jichhax uma jalsunakay churarakita —sasa. Caleb awkipasti amsta chiqankiri, aynach chiqankiri uma jalsunak churäna.

Jueces 3:13

Israel markar nuwantañatakisti, Eglón reyix amonitanakampi, amalecitanakampiw mayacht'asïna, ukatsti Jericó marka katuntasïna.

Jueces 4:11

Quedes sat chiqa jak'anxa, Saanaim sat encina thiyan Héber sat quenita jaqix utap lurasïna, jupasti mayni quenitanakat jayaruw saraqxatayna, jupanakax Hobab sata, Moisesan awkch'ipat saraqirïpxarakïnwa.

Jueces 4:17

Sísara chachasti kayukiw Jael warmin chhujllapar jaltxäna, jupax Héber quenita chachan warmipänwa, ukapachax Hasor markan Jabín reyipampi, Héber quenita jaqin utapankirinakapampix sumankañaw utjäna,

1 Samuel 15:6

Quenitas sat jaqinakarusti sarakïnwa: —¡Jithiqtapxam! ¡Amalecita jaqinak taypit mistupxam, ukhamat nayan jumanakar jan jupanakamp chika tukjañaxataki; jumanakasti israelitanakarux sum uñjapxäyätaxa kunapachatix Egiptot jutapkän ukaxa! —sasa. Quenitanakasti amalecita jaqinak taypit mistuwayxapxänwa.

1 Samuel 27:10

Ukat Aquís reyix jiskt'irïna: Jichhürux “¿kawkïr markan yänakapsa lunthatjantaxa?” sasa. Davidasti sarakirïnwa: “Judá uraqit aynachankki uka markata”, jan ukax, “Jerahmeelat aynachankir markata”, ukhamarak “quenitanakan uraqipat aynachankir markata” sasa.

1 Samuel 30:29

Racal uka chiqanakan jakasirinakaru, uka kipkaraki Jerahmeel markanakana, quenitanakan markanakapan utjasirinakarusa,