Juan 8:15 - Qullan Arunaca

¹⁵ Jumanacajj juchañchapjjtawa acapachan leyinacaparjama. Nayajj janiw qhitirus juchañchcti,

Aymar Bibliia 1986

¹⁵ Jumanacajj juchañchapjjtawa acapachan leyinacaparjama. Nayajj janiw qhitirus juchañchcti,

Qullan Arunaka DC

¹⁵ Jumanakax jaqin amuyuparjamakiw juchañchapxtaxa. Nayasti janiw khitirus juchañchkti;

Juan 8:15 Jak'a apnaqawi uñst'ayäwi

Amós 5:7

¡Ay cunaquïcani jumanacataquejja leyinacajjsa c'allc'uru tucuyapjjatamatjja, uqhamaraqui cheka uñjäwsti taquichasipjjatamata!

Amós 6:12

¿Caballonacajj karkanac pataru misttapjjaspati? ¿Kotanjja kholliñajj waquisispati? ¡Ucampis jumanacajj cheka uñjäwjja venenoruw tucuyapjjtajja, uqhamarac asqui luräwin achupsti c'allc'ururaqui!

Habacuc 1:4

Leyinacajj janiw phokhascjjeti, cheka uñjäwisti taquichasitaraquiwa, jan wali lurir jakesti, asqui jakerojj arcnakaraquiwa, cheka uñjañasti maysar uñtayatawa.

Lucas 12:14

Jesusajj juparojj sänwa: —Jake, ¿qhitis jumanacjjaru juesata, jan ucajj jaljiritsa uchasitojja? —sasa.

Juan 12:47

Ucampis qhititejj arunacajj ist'ejja, ucatsti janirac ucarjama lurqui ucarojja janiw juchañchcti. Nayajj janiw acapacharu juchañchiri jutcti, jan ucasti khespiyiriw jutta.

Juan 18:36

Ucjjarojj Jesusajj sänwa: —Nayan reinojjajj janiw acapachancquiti. Uqhamäspa ucajja, arquirinacajjajj nuwasipjjasapänwa judionacaru jan catuyatäñajjataqui. Ucampis nayan reinojjajj janiw acapachancquiti —sasa.

Juan 3:17

Diosajj janiw Yokapjja acapachar juchañchañataqui qhitanquiti, jan ucasti acapachajj jupa toke khespitäñapataquiw qhitani.

Juan 7:24

Jan juchañchapjjamti uñcatasaquejja, jan ucasti juchañchapjjam cunatï chekäqui uqhamarjama —sasa.

Juan 8:11

Warmisti saraquïnwa: —Janiw qhitis, Tata —sasa. Jesusasti ucjjarojj saraquïnwa: —Uqhamasti janiw nayas juchañchcaracsmati; jichhajj sarjjam, janiraqui juc'amp juch lurcjjamti —sasa.]

Romanos 2:1

Take ucanac luratam laycusti jumajj jan cuna arsusiñaniw uñjastajja jumajj qhitïscamsa. Jakenacarusti juchañcharactawa uqham juchañchasinsti juma quipcaw juchañchastajja, juman uca quipca luratam laycu.

1 Corintios 2:15

Ucampis qhititï Diosan Ajayupanïqui ucajj sumwa amuyt'aspa, janiraquiw juparojj qhitis juchañchcaspati.

2 Corintios 5:16

Ucataracwa nanacajj jan qhititsa cunjämäquitejj aca orakenjja uqhamar lup'cjjapjjti. Nayrajj aca oraken Cristor janchin uñt'apcchïyät ucasa, janiw jichhajj lup'cjjapjjti cunjämäcäntejj jupajj uqhama.

Santiago 2:4

ucapachajj jumanacajj jakjja ajllisipctawa, ucatsti taripirïpcasmas uqhamaraquiw tucupjjtajja uca jan wali amtäwinacamampejja.

1 Samuel 16:7

Ucampis Tatitojj sänwa: “Jan jumajj uñnakapataqui, uqhamarac jach'a tansätapatacsa ajllimti, nayajj ucanacjja maysaruw apanuctjja. Janiw cuntejj jakejj uñcatqui uqhamäcaniti; jakejj uñnakacwa uñjejja, ucampisa nayajj jaken chuymapwa yatiractjja, ucwa uñjaractjja.”