Juan 8:15 - Qullan Arunaka DC

¹⁵ Jumanakax jaqin amuyuparjamakiw juchañchapxtaxa. Nayasti janiw khitirus juchañchkti;

Aymar Bibliia 1986

¹⁵ Jumanacajj juchañchapjjtawa acapachan leyinacaparjama. Nayajj janiw qhitirus juchañchcti,

Qullan Arunaca

¹⁵ Jumanacajj juchañchapjjtawa acapachan leyinacaparjama. Nayajj janiw qhitirus juchañchcti,

Juan 8:15 Jak'a apnaqawi uñst'ayäwi

Amós 5:7

¡Ay kunakïkan jumanakatakixa, chiqa kankañsa k'allk'uruw tukuyapxtaxa, aski kankañarusa takichasipxaraktawa!

Amós 6:12

¿Caballonakax qarqanak patanjam jalapxaspati? ¿Quta taypin qhulliñax wakisispati? ¡Jumanakax chiqa kankañxa jiwayir qullaruw tukuyapxtaxa, aski luräwin achupsti k'allk'uruw tukuyapxaraktaxa!

Habacuc 1:4

Kamachinakax janiw phuqhaskxiti, chiqa uñjäwis takichasitawa, jan wali jaqisti, aski jaqirux arknaqiwa, chiqa uñjañasti maysar uñtayatawa.

Lucas 12:14

Jesusasti juparux sänwa: —Jilata, ¿khitirak jumanakar taripirit uchitusti, jan ukax yänak jaljirit utt'ayitusti? —sasa.

Juan 12:47

Ukampis khititix arunakax ist'i, ukat ukarjam jan phuqki ukarux janiw nayax juchañchkti; janiw nayax akapachar juchañchir jutkti, jan ukasti qhispiyiriw jutta.

Juan 18:36

Jesusasti sarakïnwa: —Nayan markaxax janiw akapachankirïkiti. Ukhamäspa ukasti, arkirinakaxax nuwasipxasapänwa judionakar jan katuyatäñaxataki. Ukampis nayan markaxax janiw akapachankirïkiti —sasa.

Juan 3:17

Diosax janiw Yuqap akapachar juchañchañatak khithankiti, jan ukasti akapachan jupa tuqi qhispitäñapatakiw khithani.

Juan 7:24

Janiy aliq uñkatasak taripapxamti. Taripapxät ukkhasti, kunatix chiqäki ukhamarjamay lurapxam —sasa.

Juan 8:11

Warmisti sarakïnwa: —Tatay, janiw khitisa —sasa. Jesusasti juparux sarakïnwa: —Nayas janirakiw juchañchksmati; jichhax sarxam, jan juk'amp juch lurkxamti —sasa.

Romanos 2:1

Jumasti mayninakar taripatam laykuxa, janiw jan juchanit uñt'atäkasmati, khitïskamsaya. Mayninakar taripasax jumapachaw juchañchjastaxa, jumax jupanakjamaw luraraktaxa.

1 Corintios 2:15

Ukampis khititix Diosan Ajayupanïki ukax taqi kunsa chiqaparuw amuyi, janiw khitis jupar taripkaspati.

2 Corintios 5:16

Ukat nanakax jan khititsa akapachan amtäwinakaparjam lup'kxapxti; nayrapachax uka amtäwinakarjam Cristot lup'ipkchïyäta ukasa, jichhax janiw jupat ukham lup'kxapxti.

Santiago 2:4

ukampix jumanakax yaqhachnukusipktawa, jan wali amtañampiw taripasipktaxa.

1 Samuel 16:7

Ukampis Tatitux sänwa: “Jan jumax uñnaqapaki, ukhamarak jach'a tansätapaksa uñkatkamti, janiw nayax jupar ajlliskti. Jaqix uñnaqak uñkati, ukampisa nayax jaqin chuymap uñjaraktxa” sasa.