Juan 6:31 - Qullan Arunaca

³¹ Nayra awquinacasajja wasaranjja maná t'ant'wa mank'apjjäna, cunjämtï Kellkatanjj sisqui: ‘Diosajj alajjpach maná t'ant'wa churäna’ —sasa.

Aymar Bibliia 1986

³¹ Nayra awquinacasajja wasaranjja maná t'ant'wa mank'apjjäna, cunjämtï Kellkatanjj sisqui: “Diosajj alajjpach maná t'ant'wa churäna” —sasa.

Qullan Arunaka DC

³¹ Nayra awkinakasax wasaran maná t'ant'a manq'apxäna, kunjämtix Qillqatan siski: “Diosax alaxpach maná t'ant'a churäna” —sasa.

Juan 6:31 Jak'a apnaqawi uñst'ayäwi

Nehemías 9:15

Ucatjja mank'at awtjatäpcäna ucqhasti alajjpachatwa t'ant'a churaniractajja sist'asipjjañapataqui, uqhamarac umat pharjatäpcäna ucqhasti karkatwa uma jalsuyarapïyätajja umt'apjjañapataqui. Ucatjja arsüyätawa cawquïr oraktejj churañataqui parlcayäta ucar mantapjjañapataqui.

Nehemías 9:20

Ucjjarusti jumajj jupanacarojj churtawa suma ajayuma jupanacar yatichañataqui; janipuniw maná t'ant'jja mank'añapataqui pist'aycäyätati, uqhamarac umsa churäyäta pharjatäpcäna ucqhajja.

Salmos 105:40

Mank'añ mayitajja, p'isakanac apayanïna, alajjpach t'ant'ampiw sisarayäna.

Éxodo 16:35

Israelitanacasti pusi tunca maraw maná t'ant'jja mank'apjjäna, Canaán orak thiyanacan jakenacajj jacapqui uca orakenacar puriñcama.

Juan 6:32

Jesusasti jupanacarojj sänwa: —Khanacwa sapjjsma, janiw Moisesajj alajjpach t'ant'jja churcänti, jan ucasti Awquejjaw chekpach alajjpach t'ant'jja churi.

Juan 6:49

Nayra awquinacamajj wasaran maná t'ant'wa mankapjjäna, uqhampachasa jiwarapjjewa.

Juan 6:58

Alajjpachat sarakanir t'ant'atwa parlta. Aca t'ant'asti janiw nayra awquinacamajj maná t'ant'a mankapcäna uqhamäquiti. Jupanacasti uqhampachas jiwarapjjänwa, ucampis qhititejj aca t'ant'atjja mank'cani ucajja wiñayataquiw jacani —sasa.

1 Corintios 10:3

Takeniw pachpa ajay mank'a mank'apjjänjja,

Deuteronomio 8:3

Diosajj walsa t'akhesiyapcchïyätam mank'atsa awtjayasa, jupajj maná sat mank'aña churapjjäyätam, cawquïri mank'añtï jan jumanacasa ni awquinacamasa uñt'apcän ucanaca, uqhamat jumanacar uñacht'ayañataqui jakejj jan t'ant'a sapampiqui jacatapa jan ucasti take cawquïri arunacatï Tatitu Diosan lacapat mistqui ucanacampi jacataparaqui.

Josué 5:12

Ucatsti Diosajj janiw maná sat mank'jja juc'ampi apayancjjänti, israelitanacasti cuntejj Canaán oraken achcänjja ucacwa uca marajj mank'apjjäna.

Apocalipsis 2:17

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucanacarusti maná sat imantat t'ant'atwa mank'ayäjja; ucatsti mä jank'o kala churaraquëjja. Uca kalansti mä machak sutiw kellkt'ata, uca sutsti janiw qhitis yatquiti jan ucasti qhititejj catokqui ucaquiw yati.’