Juan 4:6 - Qullan Arunaca

⁶ Ucawjanwa utjäna uma phuju, Jacobon phujupa sata. Jesusajj thac jutcäwin karjatänwa, ucatsti Jacobon phujupjjaruw kont'asi. Ucqhasti niya chica uru horasänwa.

Aymar Bibliia 1986

⁶ Ucawjanwa utjäna uma phuju, Jacobon phujupa sata. Jesusajj thac jutcäwin karjatänwa, ucatsti Jacobon phujupjjaruw kont'asi. Ucqhasti niya chica uru horasänwa.

Qullan Arunaka DC

⁶ Ukawjan Jacobun uma phuch'upaw utjäna. Jesusasti thakhi sarkäwix qaritänwa, ukat jupax uka phuch'u jak'ar qunt'asïna. Ukapachasti niya chika urüxänwa.

Juan 4:6 Jak'a apnaqawi uñst'ayäwi

Mateo 27:45

Ucapachaw take orakpachajj ch'amact'äna, chica urut kalltasina quimsa horascama.

Mateo 4:2

Jesusasti ucapachajj jan mank'ataw sarnakäna pusi tunca urumpi pusi tunca arumampi, ucatsti mank'at awtjayasiraquïna.

Mateo 8:24

Kotanjama sarasquipansti mä jach'a thayaw sartäna, ucatwa kota mathapejj botjjaru mantanjjäna, Jesusasti ucchañcamajj iquiscänwa.

Lucas 2:7

Ucat jupajj tayna yokall wawap wawachasïna, ucatsti wawa isinacamp q'irt'asaw mä uywa mank'añawjaru ict'ayäna, korpachasiñajj jupanacatac jan utjatap laycu.

Lucas 9:58

Jesusajj saraquiwa: —Kamakenacajj putunacaniw, jamach'inacas tapaniraquiwa, ucampis jaken Yokapanjj janiw cawqhar p'ekepa samart'ayañataquis utjquiti.

Juan 11:9

Jesusasti jupanacarojj saraquïnwa: —¿Mä urojj tunca payani horanejjaya? Qhititejj urunjj sarnakqui ucajj janiw lanctasquiti, aca oraken khana uñjatap laycu.

Juan 4:12

Nanacan nayra Jacob awquejjaw aca phojjja jaytawayapjjetu; aca pachpa phujutwa jupajj umäna, uca pachparaqui wawanacapasa, uywanacapasa. ¿Jumasti jupat sipansa juc'ampïsmati? —sasa.

Juan 4:5

Samaria chek pascasinjja Sicar sat marcaruw puri, Jacobojj José yokaparu herencia orake churcatayna uca chekaru.

Juan 4:7

Ucancquipansti Samarianquir mä warmiwa uca phujuru purini um apsusiñataqui. Jesusasti warmirojj sänwa: —Um wajjt'ita —sasa.

2 Corintios 8:9

Jumanacasti Tatit Jesucriston munasiñapjja niya yatjjapjjtawa. Jupajj wali kamirïnwa, ucampis jan cunaniw tucuwayi jumanacar munasina, uqhamata jumanacajj uqham tucutapampi kamirquipstapjjañamataqui.

Hebreos 2:17

Ucataquipï waquisïnjja take cunansa jilanacapjam tucuyatäñapajja, qhuyapayasiri, cheka jach'a sacerdotëñapataqui Dios nayrakatana, uqhamarac sacrificio toke take jakenacaru juchanacap apakañataqui.

Hebreos 4:15

Jiwasan uca jach'a jilïr sacerdotesasti qhuyapt'ayasistaspawa t'uqha cancañasanjja, jupa quicparaquiw take casta yant'anaca jiwasjama t'akhesiwayi, ucampis jan juchar purisa.