Juan 4:46 - Qullan Arunaca

⁴⁶ Jesusasti wasitampiwa Galileanquiri Caná sat chekaru purïna, cawquintejj umat vinor tucuycäna ucaru. Ucansti utjänwa reyin mä jach'a oficialapa, wawapasti Capernaum marcana usutäscänwa.

Aymar Bibliia 1986

⁴⁶ Jesusasti wasitampiwa Galileanquiri Caná sat chekaru purïna, cawquintejj umat vinor tucuycäna ucaru. Ucansti utjänwa reyin mä jach'a oficialapa, wawapasti Capernaum marcana usutäscänwa.

Qullan Arunaka DC

⁴⁶ Jesusasti wasitampiw Galileankir Caná sat chiqar purïna, kawkhantix umat vinor tukuykän ukaru. Uka markansti reyin utt'ayat mä jach'a jilïriw utjäna, wawapaw Cafarnaúm markan usutäskäna.

Juan 4:46 Jak'a apnaqawi uñst'ayäwi

Salmos 50:15

llaquincasin jawsanita; nayajj khespiyämawa, jumasti jach'aruw aptitäta” sasa.

Salmos 78:34

Diosajj jiwaraycän ucapachaquiw juparojj thakapjjäna, janc'aquiw Diosar maqhatjjañataquejj thakapjjäna;

Oseas 5:15

“Ucatsti utjäwejjaruw cuttawayjjä, jupanacan juchanacap uñt'asiñapcama, nayar thakeri jutapjjañapcamaraqui. ¡Llaquisiñanacapanwa nayarojj thakapjjetani!”

Mateo 15:22

Canaananquir mä warmiraquiw ucapachajj Jesusan ucarojj wal arnakt'asis jutäna: —Tata, Davidan wawapa, qhuyapt'ayasiquitay nayarojja. Phuchajjaw supayampi sinti t'akhesiyat uñjasi —sasa.

Mateo 4:13

Janiraquiw Nazaretar kheparcänti, jan ucasti Capernaum marcaruw sarjjäna; uca marcasti kota thiyancänwa, Zabulón, uqhamarac Neftalí sisqui uca chekana.

Mateo 9:18

Take acanaca Jesusajj siscäna ucchañcamasti, judionacan mayni jilïripaw purini, ucatsti nayrakataparu quillt'asisinjja juparuw sï: —Phuchajjawa anchhitaqui jiwjje, ucampis jumatejj jutasmajja, amparamampi jupjjaru lokjjatt'araquisma ucqhajj, wawajjajj jactjjaspawa —sasa.

Lucas 4:23

Jesusasti jupanacarojj sänwa: —Jichhajj jumanacajj sapjjetätaw aca säwi: ‘Kolliri, jumapach kollasim’ sasa. Ucatsti sapjjaraquitätawa: ‘Cunanactejj Capernaum marcanjj lurctas ucanacjja aca marcamanjja luraraquim’ —sasa.

Lucas 7:2

Ucansti mä romano capitanaw utjäna mä uywatani, juparusti wal munasïna. Uca uywatasti usuntata niya jiwirjamäscänwa.

Lucas 8:42

Jupasti mä sapa imill wawaniquïnwa, tunca payan maranjama, ucawa jiwañampïscäna. Saripansti walja jakenacaraquiw arcasinjja Jesusarojj ñekthapipjjäna.

Juan 2:12

Acanac pasjjepansti Jesusajj sarawayjjänwa Capernaum sat marcaru, taycapampi, jilanacapampi, discipulonacapamp cuna; uca marcanjja mä kawkha uruw kamarapjjäna.

Juan 21:2

Ucancasipcänwa Simón Pedro, Tomás, cawquïrirutejj Mellizo sas sutichapcäna, Galilean Caná marcanquiri Natanael, Zebedeon yokanacapa, Jesusan yakha pani discipulonacapampi.

Josué 19:28

ucatsti acnïri marcanacampi cunaraquïnwa: Abdón, Rehob, Hamón, Caná marcanaca, uqhamata jach'a Sidón marcaru purisa.