Juan 16:19 - Qullan Arunaca

¹⁹ Jesusajj yatïnwa cuntejj jisct'asiñ munapjjäna uca, ucatsti saraquïnwa: —Nayajj sapjjäyäsmawa: ‘Mä juc'a urunacatjja janiw uñjcjjapjjetätati, ucatsti mä juc'ampjarojj wasitampi uñj-jjapjjaraquitätawa’ sasa. ¿Acti jumanacajj jisct'asisipcta?

Aymar Bibliia 1986

¹⁹ Jesusajj yatïnwa cuntejj jisct'asiñ munapjjäna uca, ucatsti saraquïnwa: —Nayajj sapjjäyäsmawa: “Mä juc'a urunacatjja janiw uñjcjjapjjetätati, ucatsti mä juc'ampjarojj wasitampi uñj-jjapjjaraquitätawa” sasa. ¿Acti jumanacajj jisct'asisipcta?

Qullan Arunaka DC

¹⁹ Jesusasti kuntix yatiqirinakapax jupar jiskt'asiñ munapkän uk amuyäna, ukat sarakïna: —Nayax sapxäyäsmawa: “Akat mä qawqha urunakatxa, janiw uñjkxapxitätati, ukampis uka qhipat wasitat uñjapxarakitäta” sasa. ¿Ukti jumanakax jiskt'añ munapxista?

Juan 16:19 Jak'a apnaqawi uñst'ayäwi

Mateo 6:8

Janiy jupanacjamäpjjamti, Awquimajj janïr arsupctas ucqhaw yatjje cuntï jumanacajj mayipcäta ucjja.

Mateo 9:4

Jesusasti yatiraquïnwa cuntejj jupanacajj lup'ipcän ucjja, ucatwa jupanacarojj saraquïna: —¿Cunatsa uqham jan wali amtañanïpjjta?

Marcos 9:32

Jupanacasti Jesusan parlatapjja janiw amuyt'apcänti, jupar jisct'añsa ajjsarapjjaraquïnwa.

Juan 13:33

Munat wawanacajja, mä juc'a urunacampiquiw jumanacampïyajja. Jumanacajj nayarojj thakapjjetätawa, ucampis cunjämtejj judionacaru sisctjja uqhamaracwa sapjjsma jichhajja: ‘Janiw jumanacajj sarapcasmati cawquïrutejj nayajj sarcä ucarojja.’

Juan 14:19

Mä juc'ampitjja jakenacajj janiw juc'ampi uñjcjjapjjetaniti, ucampis jumanacajj uñjasipquitätawa, jumanacajj jacapjjätawa nayan jacascatajj laycu.

Juan 16:16

“Mä juc'a urunacampitjja janiw uñjcjjapjjetätati, ucampis mä juc'ampjarojj uñj-jjapjjaraquitätawa, nayajj cawquincquitejj Awquejj ucar sarascatajj laycu.

Juan 16:18

¿Camsañs munpacha: —‘Mä juc'a urunacat’ sasajja? Janiw cunat parlataps amuyctanti —sasa.

Juan 16:23

“Ucürunjja janiw cuns jisct'jjapjjetätati. Khanacwa sapjjsma, Awquiru cuntejj nayan sutejjaru mayipcäta ucjja churapjjätamwa.

Juan 16:26

Ucürunjja jumanacajj mayipjjätawa nayan sutejjaru. Janiw sapcsmati: Nayajj Awquirojj mayïwa jumanacataqui, sasa,

Juan 16:30

Jichhaw uñjapjjta take cun yatitama, janiraquiw munascjjeti jumaru qhitin jisct'asiñapasa. Ucatwa iyawsapjjta Diosat jutatama —sasa.

Juan 21:17

Quimsïri cutinjja jisct'äscaquïnwa: —Simón, Jonasan yokapa, ¿munistati? —sasa. Pedrojj llacthapisïnwa quimsa cuti: “Munistati” sas jisct'atapata. Jupasti sänwa: —Tata, jumaw take cuns yatta. Jumaw yatta nayajj jumaru munatajj-jja —sasa. Jesusasti sänwa: —Uqhamajj ovejanacajj awatim.

Juan 6:61

Jesusasti uqham parlaquipasipjjatanacap yatisinjja jupanacarojj saraquïnwa: —¿Acajj mayjt'ayapjjtamti?

Juan 7:33

Ucatsti Jesusajj saraquïnwa: —Nayajj jumanacampejj juc'ataquiquiw acancä, ucatsti qhitanquitu ucaruw cutt'awayjjä.

Hebreos 4:13

Janiw cunas Diosan luratanacapatjja jupat imantascaspati, take cunaw khanstayata, uqhamarac jist'arata qhitirutejj jaqhuta churcañäni ucan nayrakatapanjja.

Apocalipsis 2:23

Wawanacaparus jiwarayaraquïwa, uqhamatwa take iglesianacajj yatipjjani nayajj jaken amuyupsa, chuymapsa uñt'atajja; jumanacarusti luräwinacamarjamaraquiw sapakat mayniru churapjjäma.