Juan 12:43 - Qullan Arunaca

⁴³ Diosamp jach'añchayasiñat sipansa, jakenacampiw jach'añchayasiñ munapjjäna.

Aymar Bibliia 1986

⁴³ Diosamp jach'añchayasiñat sipansa, jakenacampiw jach'añchayasiñ munapjjäna.

Qullan Arunaka DC

⁴³ Jupanakax jaqimp aytayasiñak munapxäna, Diosamp jach'añchayasiñat sipana.

Juan 12:43 Jak'a apnaqawi uñst'ayäwi

Salmos 22:29

Nayrakatapan alt'apjjam, juparuc yupaychapjjam, jilarquir utjirin jakenaca, lak'ar tucur jakenaca, jumanac pachpajj janiw jacañanïpctati.

Proverbios 29:25

Jakenacar ajjsarañajj sipitar uñtatawa, ucampis qhititejj Tatitur iyawsqui ucawa imatäni.

Mateo 6:2

“Cunapachatejj pist'ayasitanacaru yanapt'cäta ucqhajja, jan jakenacarojj yatiyamti, cunjämtejj c'ari parlirinacajj sinagoganacana, callenacana lurapqui uqhamjja. Jupanacasti jakenac nayrakatanjja wali sumat uñt'atäñwa munapjje. Nayasti khanacwa sapjjsma, uca luräwipatjja catokjjapjjewa.

Lucas 16:15

Jesusasti jupanacarojj saraquïnwa: “Jumanacasti jakenac nayrakatanjja asquit uñt'ayasipjjtajja, ucampis Diosajj chuymanacamjja sumwa uñt'apjjtamjja. Cunatejj jakenacataqui asquïqui ucajj Diosataquejj janiw walïquiti.

Lucas 19:17

Reyisti juparojj saraquiwa: ‘Waliqui; suma sirvirïtawa, niyaqui uc phokhañ yatstajja, tunca marcan jilïripat uchäma’ sasa.

Juan 12:26

Maynitejj sirviñ munchitu ucajja arquitpan, cawquinccätejj nayajj ucancaraquiniw sirvirejjajja. Qhititejj sirvquitani ucarojj Awquejjajj jach'añchaniwa —sasa.

Juan 5:41

“Nayajj janiw jakenacan jach'añchäwinacapjja catokcti.

Juan 5:44

Jumanacatejj jakenacan jach'añchäwinacapac maynit maynita catokapjjta ucatsti janiraqui mä sap Diosata jach'añchäwinacapa thakapcstati, ucarojja ¿cunjäms jumanacajj iyawsapjjasmajja?

Juan 7:18

Qhititejj jupa pachpat parlqui ucajja, jakempi jach'añchayasiñataquiquiw parli, ucampis qhititejj jupar qhitanqui ucaru jach'añchayañataqui parlqui ucan arunacapajj chekawa, janiraquiw cuna jan walis jupanjj utjquiti.

Juan 8:54

Jesusajj ucjjarojj saraquïnwa: —Naya pachpatejj jach'añchasëjja, jach'ar tucutajjajj janiw cunataquis walïcaniti. Ucampis qhititejj jach'a cancaña churquitojja ucajj Awquejjawa, qhitirutï jumanacajj ‘Diosajjaw’ sapcta uca pachpa.

Romanos 2:29

Jan ucasti chekpach judiöñajja, take chuymampi iyawsañawa. Circuncidatäñapasti chuyman circuncidatäñawa. Ucasti janiw cuna leyitsa jutquiti, jan ucasti ajayutwa juti. Qhititejj uqhamäqui ucajja Diosampi catokatawa, janiw jakenacampiti.

Romanos 2:7

Diosajj wiñay jacañwa churani take qhitinacatejj Diosan marcapa, cheka cancañampi jan inact'as thakerinacarojja.

1 Corintios 4:5

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

2 Corintios 10:18

Qhititejj jupapachpat jach'achasqui ucajj janiw asqui jaket uñt'atäquiti, jan ucasti qhitirutejj Tatitojj jach'achqui ucaw asqui jakejja.

1 Tesalonicenses 2:6

Janiw cunapachas jakempi jach'añchayasiñ thakapcti, jumanacatsa, yakhanacatsa. Nanacatejj munapjjeriscäyätjja, Criston qhitatanacjamajja munañanïñwa uñacht'ayapjjeriscasamäna.

1 Pedro 3:4

jan ucasti suma chuymanïpjjam, ucaw jan tucusquiri, suma muncañajja, llamp'u chuymani. Dios nayrakatansti ucajj wali asquiwa.

1 Samuel 15:30

—Chekpachansa, nayaw juchjja lurta —sasaw Saúl reyejj säna. Ucampisa take Israel marcan jilïri jakenac nayrakatanwa uqhamarac take Israel marcpacha nayräjjanwa achict'assma, nayarojj mä reyirjama uñjaquitaya. Uqhamajj nayampi chica sarañäni, Tatit Diosamar yupaychañataqui, —sasaw Saúl reyejj säna.

1 Samuel 2:30

Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: ‘Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.’