Juan 12:42 - Qullan Arunaca

⁴² Uqhampachas walja judionacaw Jesusar iyawsapjjäna, yakhep jilïri wali aytat jakenacasa. Ucampis jupanacajj janiw jakenacan ist'cata arsupcänti, fariseonacar ajjsaratanacap laycu, sinagogat jan jaksuyasiñataqui.

Aymar Bibliia 1986

⁴² Uqhampachas walja judionacaw Jesusar iyawsapjjäna, yakhep jilïri wali aytat jakenacasa. Ucampis jupanacajj janiw jakenacan ist'cata arsupcänti, fariseonacar ajjsaratanacap laycu, sinagogat jan jaksuyasiñataqui.

Qullan Arunaka DC

⁴² Ukhamäkipansa, judionakat waljaniw Jesusar iyawsapxäna, wali aytat jilïri jaqinakatsa iyawsapxarakïnwa. Ukampis jupanakax fariseonakar axsarasaw jan qhan arsupkänti, sinagogat jan jaqunukuyasiñataki.

Juan 12:42 Jak'a apnaqawi uñst'ayäwi

Proverbios 29:25

Jakenacar ajjsarañajj sipitar uñtatawa, ucampis qhititejj Tatitur iyawsqui ucawa imatäni.

Isaías 51:7

“Ist'apjjeta jumanaca, qhitinacatejj yatipcta cunatejj chekäqui uca, nayan yatichäwinacajj sum catoker marca. Jan ajjsarapjjamti jaken jan wali parlatanacapjja, janiraqui jaken jisc'achäwi arunacapampis sustjasipjjamti,

Isaías 57:11

“¿Qhitiraqui uca diosanacasti, cawquïrinacarutejj jumajj ajjsarcayäta, jach'añchcaraquïyäta nayar apanucusa, uqhamat nayat k'ala armt'asiñamataquisti? Cunapachatejj jumajj nayaru jan jach'añchquïyästa ucqhajja, nayajj amuquïscayätwa, jan amuyiriquiw tucuraquïyätjja.

Isaías 66:5

Tatitun arunacap ist'apjjam, jumanaca qhitinacatejj arunacapa phokhapcta ucanaca: “Jumanacan yakhepa marca masinacamajja qhitinacatejj jumanacar uñisipctam, arcnakapjjaractam nayan sutejja aytasipjjatam laycu, ucanacasti sapjjewa: ‘Tatitojj jach'a cancañap uñacht'aypanaya, jumanacarusti c'uchicwa uñjañ munapjjsma’ sasa. Ucampis jupanacajj mä p'enka jisc'achjataw uñjasipjjani.

Jeremías 38:19

Sedequías reyisti ucjjarojj saraquïnwa: —Cawquïri judionacatejj caldeonacan amparanacapancjje ucanacaruw nayajj ajjsarta; nayatejj jupanacan amparanacapan uñjasï ucapachasti jupanacajj nayarojj walwa nuwjapjjetani —sasa.

Mateo 10:32

“Take qhitinacatï jakenacan nayrakatapan nayaru uñt'itanejja, nayasti juparojj alajjpachanquir Awquejjan nayrakatapanjja uñt'araquïwa.

Lucas 12:8

“Sapjjsmawa, take qhititejj jakenac nayrakatan nayat arsunejja, Jaken Yokapasti uqhamaraquiw Diosan angelanacap nayrakatanjj jupanacatjj arsuraqui.

Lucas 23:13

Ucapachaw Pilatojj sacerdotenacan jilïrinacaparu, autoridadanacaru uqhamarac take jakenacaruw tantthapïna.

Lucas 6:22

“Cusisiñanïpjjtaw cunapachatï jakenacajj uñisipcätam ucapachajja, uqhamarac jupanacat jakonucupcätam, cunayman jan wali sapjjaraquïtam, uqhamarac sutinacamsa ñankha sutjam amuyapjjaraquini, Jaken Yokap laycu ucapachajja.

Juan 11:45

Mariaru chuymachiri sarapcatayna uca judionacatjja waljaniw Jesusan luräwinacap uñjasina juparojj iyawsapjjäna.

Juan 12:11

jupa laycu walja judionacan Jesusar iyawsañatac t'akaktapjjatap laycu.

Juan 16:2

Jumanacarojj sinagoganacatjja jaksupjjätamwa, yakhepanacarojj jiwayapjjätamwa; uca luratapampejj Diosaru sirvipcaspa uqham amuyasipjjani.

Juan 19:38

Uca pasatatsti, judionacaru ajjsarasin Jesusaru jamasat arquiri Arimateanquir Joseaw jutäna, ucatsti Pilatoruw achict'asïna Jesusan janchip apasjjañataqui. Pilatosti churayjjewa. Ucatsti Joseajj sarasinjja Jesusan janchipjja apasjjänwa.

Juan 3:2

Aca Nicodemosti arumaw saräna Jesusar uñjt'aniñataqui, ucatsti saraquïnwa: —Yatichiri, yatipjjtwa Diosajj jumar qhitanitapa nanacar yatichiri; janiraquiw qhitis aca milagronac lurcaspati, janitejj Diosajj jupampïspa ucajja —sasa.

Juan 7:13

Ucampis judionacar ajjsarañatjja janiw qhitis Jesusjjat khan parlcänti.

Juan 7:31

Ucampis waljaninacaw jupar iyawsapjjäna, sapjjaraquïnwa: —Cristojj jutcani ucqhajja ¿juc'ampi milagronaca unañchanactï luraspa aca jaket sipansa? —sasa.

Juan 9:22

Acjj awquinacapajj sapjjänwa judionacar ajjsarasina, jupanacan qhititejj “Jesusajj Cristowa” sisqui ucaru sinagogat jaksuña amtapjjatap laycu.

Juan 9:34

Ucatsti sapjjaraquïnwa: —Jumajj juchan phokt'ataw naciwayta, ¿ucattï yatichañ munapjjesta? —sasa. Uc sasinsti sinagogatjja jaksupjjänwa.

Hechos 5:41

Apostolonacasti jilïrinacan nayrakatapatjja cusisitaw mistuwayjjapjje: —Diosajj jiwasanacarojj walicwa ajllisistojja aqham Tatitun sutip laycu t'akhesiñasataquejja —sasa.

Romanos 10:10

Chuymampiwa iyawsañajja Diosampi catokatäñataquejja, lacampisti arsuñawa Jesucriston khespiyatäñatakejja.

1 Juan 4:15

Qhititejj arsquejja: “Jesusajj Diosan Wawapawa” sasa, uquïrejja Diosanwa jaqui, Diosasti jupanaraqui.

1 Juan 4:2

Aqhamatwa jumanacajj uñt'apjjäta maynejj Diosan Ajayupanïtapjja: Qhititejj sisqui —“Jesucristojj janchin juti” sasa, uquïristi Diosanquiriwa.