Juan 12:40 - Qullan Arunaca

⁴⁰ “Diosajj jupanacarojj juyqhwa tucuyi chuymanacapsa kalarayaraquiwa, jan nayranacapampi uñjapjjañapataqui, ni chuymanacapampis amuyt'apjjañapataqui; jan cuttanisinsa nayampi kollatäñapataqui.”

Aymar Bibliia 1986

⁴⁰ “Diosajj jupanacarojj juyqhwa tucuyi chuymanacapsa kalarayaraquiwa, jan nayranacapampi uñjapjjañapataqui, ni chuymanacapampis amuyt'apjjañapataqui; jan cuttanisinsa nayampi kollatäñapataqui.”

Qullan Arunaka DC

⁴⁰ “Diosax jupanakarux juykhu tukuyi jupanakan jan uñjapxañapataki, chuymanakap qalarayi jupanakan jan amuyt'apxañapataki; jupanakan nayar jan kuttanipxañapataki, jupanakar jan k'umarachañaxataki.”

Juan 12:40 Jak'a apnaqawi uñst'ayäwi

1 Reyes 22:20

Ucatsti Tatitojj jisct'änwa: ‘¿Qhitis sarani Acab reyiru amtayiri Galaadanquir Ramot marcar nuwantiri, ucatsti jupajj ucan jiwañapataquejja?’ sasa. Mayninacajj maywa parlapjjäna, mayninacasti yakhraqui parlapjjaraquïna.

Salmos 147:3

Jupaw chuyma usuchjatanacarojj waliptayi, chhojjrinacap c'umaracharaqui.

Salmos 41:4

Nayajj jupar sistwa: “Tatay, nayat qhuyapt'ayasita, juch lurcta ucasa, q'umaracht'asita” sasa.

Salmos 6:2

Tatay, nayat qhuyapt'ayasita, ch'ama pisiw uñjasta, Tatay, wasitat c'umaraptayjjeta, takpach ch'aqhanacajjaw qhathatisqui.

Éxodo 10:1

Tatitusti Moisesarojj sänwa: —Faraonan ucaru saram, nayasti faraonampiru, sirvirinacapampirusti chuymanacapjja kalarayäwa uqhamata jan munañapataqui, ucat jupanac taypina jach'a muspharcañ unanchanacajja uñacht'ayañataqui.

Éxodo 11:10

Ucat Moisesampi, Aaronampejj take uca muspharcañanacwa lurapjjäna faraonan nayrakatapanjja. Ucampis Tatitojj faraonarojj chuymapwa kalarayäna, ucatsti israelitanacarojj janiw antutañ muncänti Egiptota sarjjapjjañapataquejja.

Éxodo 14:17

Ucampis nayajja, egipcionacarojja chuymapwa kalarayäjja colerasisa jumanacaru arctanipjjañapataqui, ucatsti nayajj ch'amajjwa uñacht'ayäjja faraonaru, soldadonacaparu, carronacaparu, uqhamarac caballonacaparusa.

Éxodo 14:4

Ucampis nayajja, faraonarojj chuymapwa kalarayäjja khoruchasiñapataqui, ucatsti arctanipjjätamwa; ucat ch'amajjwa uñacht'ayäjja juparu, uqhamarac take ejercitoparusa. Uqhamatwa egipcionacajj yatipjjani nayajj Tatitütajja.” Ucatsti israelitanacajj uqhamawa lurapjjäna.

Éxodo 14:8

Tatitusti Egiptonquir rey faraonarojj chuymapwa kalarayäna, uqhamata israelitanacar arctañapataqui. Ucampis israelitanacajj mistuwayapjjänwa wali ch'amani.

Éxodo 4:21

Tatitusti, Moisesarojj sascaquïnwa: —Cunapachatejj Egiptor purïta ucqhajja faraonan nayrakatapanjja wali amuyumpipuniwa cawquïr ch'amtejj churcsma muspharcañ unanchanaca lurañamataqui ucanacjja luräta. Ucampis nayajja faraonan chuymapjja kalarayäwa, uqhamat israelitanacarojj jan antutañapataqui.

Éxodo 7:13

Ucampis faraonajj chuymapjja wali kalarayasïna, janiraquiw ist'añ muncänti cuntejj Tatitojj siscäna uca arunacjja.

Éxodo 7:3

Ucampis nayawa faraonarojj chuymap kalarayäjja jan munañapataqui, uqhamarac Egiptonjja nayaraquiwa walja muspharcañ uñacht'äwi milagronacjja luraraquëjja.

Éxodo 9:12

Ucampis Diosajja, faraonarojj chuymapwa mayjt'ayäna, kalarayaraquïnwa uqhamat jan munañapataqui, ucatsti faraonajj janiw ist'añ muncänti cuntejj Diosajj siscäna ucjja.

Isaías 26:11

Tatay, jupanacataquejj mutuyäwimajj waquichatawa, ucampis jupanacajj janiw amuyasiñ munapquiti; cunapachatejj juman marcamar wali munasitam uñjapjjan ucqhajj, mä p'enkaw jupanacajj uñjasipjjani. ¡Añchaquiti juman colerasiñamajj jupanacaru tucjcani!

Isaías 29:10

Tatituw jumanacjjarojj qhitani mä jach'a iqui. Profetanacajj marcan nayrapäcaspas uqhamawa, ucampis Tatitojj uca nayranacapjja ch'okantiwa.

Isaías 53:5

Ucampis jupajj jiwasan Diosasataqui sayt'asitas laycuw chhojjriñchjatänjja, jiwasan ñankha luratanacas laycuw wali t'akhesiyatänjja; jupan t'akhesitapasti jiwasataquejj sumancañ apani, chhojjrinacap laycuw kollata uñjasiractanjja.

Isaías 6:10

Aca marcan amuyupsti chhaktayam, jinchunacapsti llupt'araquim, nayranacapsa ch'okantam, jan uñjapjjañapataqui ni ist'apjjañapataquisa, ni amuyt'apjjañapataquisa, uqhamat jan nayaru cuttanipjjañapataqui, nayas janiraquiw jupanacarojj kollcäti” sasa.

Isaías 6:9

Jupasti saraquituwa: “Saram, ucatsti aca marcarojj aqham saraquim: ‘Ist'apcanisa, janiw amuyt'apcaniti, uñjapcanisa, janiw amuyt'apcaniti’ sasa.

Jeremías 3:22

Nayatac sayt'asir wawanaca, nayan ucar cuttanjjapjjam, nayaraquiw jumanacarojj naya toke sayt'asitanacamatjja kollart'jjapjjäma” sasa. “Acancapjjtwa, jumaruw maqhatjjapjjaracsma, jumätaw nanacan Tatitu Diosajjajja.

Jeremías 5:21

‘Aca arunac ist'am, jan amuyt'an marca, nayranïsquiwa, ucampis janiw uñjquiti, jinchunïscaraqui, ucampis janiw ist'quiti.

Ezequiel 12:2

“Jumasti jake, mä khoru marca taypinwa jactajja. Jupanacajj nayranïsipquiwa, ucampis janiw uñjapquiti,

Ezequiel 14:9

“Mä profetatejj c'ari yatiyäwinac churani ucajja, nayaw uca profetarojj uqhama yatiyañapataqui lurtjja, ucampisa uca profetarojj mutuyasin Israel marcajjat chhaktayaraquëjja.

Oseas 14:4

Tatitojj siwa: “Naya contra sayt'asitanacapatjja kolljjatjjäwa; jupanacarusti munasiraquïwa jan waquiscchi jupanacar munañajj ucasa, jupanacataqui colerasitajjasti apartjjaraquituwa.

Oseas 6:1

Takeni jutapjjam, Tatitun ucar cuttjjañäni. Jupaw usuchjistu, juparaquiw c'umarachjjestani; chhojjriñchjistuwa, juparaquiw kolljjatjjestani.

Mateo 15:14

Jaytapjjam; chekpachansa jupanacajj juyqhu irpirinacäpjjewa. Mayni juyqhutejj yakha juyqhuru irpani ucajja, panpachaw cuna p'iyarus jakoranttapjjani —sasa.

Marcos 4:12

uñjcasinsa jan uñjapjjañapataqui, ist'casinsa jan amuyt'apjjañapataqui, janirac Diosar cutiquipstasin juchanacapsa perdonatäñapataqui —sasa.

Marcos 6:52

Jupanacajj janiw amuyt'apcänti cuna milagrtï t'ant'anacamp lurascän ucjja, kala chuymanïpjjatap laycu.

Lucas 4:18

“Tatitun Ajayupaw nayjjanqui, suma yatiyäwinac pobrenacar churañataquiw ajllisitu; llact'at chuymanacar kolliriw qhitanitu, carcelanquirinacar khespita sarnakañat yatiyiriraqui, uqhamarac juyqhunacarus uñatatayiri; t'akhesiyatanacarus khespiyiriraqui;

Lucas 8:10

Ucat jupanacar saraquïna: —Jumanacarojj Diosaw yatiyapjjtam cunanacatejj alajjpachan imantatäqui ucanacjja; ucampis mayninacarojj uñtasitanac tok parltjja, uñjcasinsa jan uñjir tucupjjañapataqui, uqhamarac ist'casinsa jan amuyt'apjjañapataqui.

Juan 12:39

Uqhamasti janiw iyawsirjamäpcänti; Isaías profetajj kellkaraquïnwa aqham sasa:

Juan 9:39

Ucatsti Jesusajj sänwa: —Nayajj acapacharu juchañchañataquiw jutta, juyqhunacajj uñjapjjañapataqui, qhitinacatejj uñjapqui ucanacan juyqhu tucupjjañapataquiraqui —sasa.

Hechos 15:3

Jupanacarusti Antioquianquir iglesiaw qhitäna. Jerusalenar sarcasinsti, jupanacajj Fenicia tokenacwa pasapjjäna, uqhamarac Samaria tokenaca. Ucawjanacansti yatiyapjjänwa cunjämtï jan judiöpquis ucanacajj nayra iyawsäwinacap apanucusin Diosar arcjjapjjäna uca. Uc ist'asinsti take jilatanacajj wal cusisipjjäna.

Hechos 28:26

‘Saram, ucatsti uca jakenacar saraquim: Jumanacajj ist'asipcätawa, ucampis janiw amuyt'apcätati. Uñjapjjaraquïtawa, ucampis janiw amuyapcätati.

Hechos 3:19

Uqhamasti jan wali lurañanacjja apanucupjjam, ucatsti arrepientisipjjam juchanacamajj perdonatäñapataqui. Ucatwa Diosajj jumanacar cusiscañ urunac churapjjätam,

Romanos 9:18

Uqhamasti Diosajj qhuyapt'ayasiwa qhitirutejj munquis ucaruqui, uca quipcaraquiw chuyma kalarayi qhitinacarutejj chuymaps kalarayañ munqui ucanacarojja.

Deuteronomio 29:4

Ucampis Tatitu Diosajj jichhacamaw jan yatiñ cancañjja churapctamti ni take ucanacan cunat uqham lurasitapsa.

Josué 11:20

Dios quipcaraquiw uca jakenacarojj chuymanacap kalarayäna jupanacan wali ch'amampi israelitanacampi nuwasiñapataqui, ucata israelitanacan mayaqui t'unjatäñapataqui jan qhuyapayasisa cunjämtï Diosajj Moisesaru sawaycänjja uqhama.