Juan 12:40 - Qullan Arunaka DC

⁴⁰ “Diosax jupanakarux juykhu tukuyi jupanakan jan uñjapxañapataki, chuymanakap qalarayi jupanakan jan amuyt'apxañapataki; jupanakan nayar jan kuttanipxañapataki, jupanakar jan k'umarachañaxataki.”

Aymar Bibliia 1986

⁴⁰ “Diosajj jupanacarojj juyqhwa tucuyi chuymanacapsa kalarayaraquiwa, jan nayranacapampi uñjapjjañapataqui, ni chuymanacapampis amuyt'apjjañapataqui; jan cuttanisinsa nayampi kollatäñapataqui.”

Qullan Arunaca

⁴⁰ “Diosajj jupanacarojj juyqhwa tucuyi chuymanacapsa kalarayaraquiwa, jan nayranacapampi uñjapjjañapataqui, ni chuymanacapampis amuyt'apjjañapataqui; jan cuttanisinsa nayampi kollatäñapataqui.”

Juan 12:40 Jak'a apnaqawi uñst'ayäwi

1 Reyes 22:20

Ukatsti Tatitux jiskt'änwa: “¿Khitirak Ahab reyir amtayiri saraspa, Galaadankir Ramot markar katuntañapataki, ukan jiwañapatakisti?” sasa. Mayninakax mayja parlapxäna, mayninakasti mayjarak parlapxäna.

Salmos 147:3

Jupaw chuyma usuchjatanakarux waliptayi, chhuxrinakapsa k'umaracharaki.

Salmos 41:4

4 (5) Nayax jupar sistwa: “Tatay, nayat khuyapt'ayasita, juch lurkta ukasa, k'umaracht'asita” sasa.

Salmos 6:2

2 (3) Tatay, nayat khuyapt'ayasita, ch'ama pisiw uñjasta. Tatay, wasitat k'umaraptayxita, taqpach janchixaw khathatiski.

Éxodo 10:1

Tatitux Moisesaruw säna: —Faraonan ukar saram, nayaw jupampiru, yanapirinakapampirux chuymanakap qalarayta, ukhamat jupanakar nayan jach'a muspharkañ chimpunakax uñacht'ayañaxataki,

Éxodo 11:10

Ukhamaw Moisesampi, Aaronampix taqi uka muspharkañanak faraonan nayraqatapan lurapxäna, ukampis Tatitux faraonan chuymap qalarayänwa, faraonasti janiw israelitanakarux Egiptot sarxapxañapatak antutañ munkänti.

Éxodo 14:17

Nayaw egipcionakarux chuymap qalarayä jumanakar arktaniñapataki; ukat faraonar nayan ch'aman kankañax uñacht'ayä, ukhamarak carronakaparu, caballonakaparusa.

Éxodo 14:4

Ukampis nayaw faraonarux chuymap qalarayä, ukat jumanakar arktanipxätam; nayasti jupampiru, taqpach ejercitopampiruw ch'amax uñacht'ayä. Ukhamat egipcionakax yatipxani nayan Tatitütaxa” sasa. Israelitanakasti kunjämtix Tatitux siskatayna ukham lurapxäna.

Éxodo 14:8

Tatitusti faraonarux chuymap qalarayäna, ukhamat israelitanakar arktañapataki, israelitanakax wali ch'amaniw mistuwayatayna.

Éxodo 4:21

Tatitusti, Moisesarux sataynawa: —Egiptor purkät ukkhaxa, faraonan nayraqatapan wali amuyumpipuniw muspharkañ chimpunak lurañamatak ch'am churksma ukanak luräta. Nayasti faraonan chuymap qalarayä, ukhamat israelitanakarux jan antutkaniti.

Éxodo 7:13

Ukhamäkipansa, faraonax chuymap qalarayasïna, janiw Moisesampiru, Aaronampir ist'añ munkänti, Tatitux siskatayna ukhamarjama.

Éxodo 7:3

Ukampis nayaw faraonarux chuymap qalarayä jan munañapataki, walja muspharkañ uñacht'äwinak Egipton lurarakï.

Éxodo 9:12

Ukampis Tatitux faraonan chuymap qalarayänwa, ukhamat Moisesampiru, Aaronampiru jan ist'añapataki, kunjämtix Tatitux Moisesar siskatayna ukarjama.

Isaías 26:11

Tatay, jupanakatakix mutuyäwimax wakichatawa, ukampis jupanakax janiw amuyasiñ munapkiti; kunapachatix juman markamar wali munasitam uñjapkan ukkhaxa, jupanakax mä p'inqaw uñjasipxani. ¡Phiñasiñamampiy jupanakar tukjam!

Isaías 29:10

Tatituw jumanakxarux mä jach'a iki apayani. Jumanak profetanakax markan nayranakapäpkasmas ukhamäpxañamänwa, ukampis janiw kuns uñjapktati.

Isaías 53:5

Ukampis jupax, jiwasan Tatitur saykatatas laykuw chhuxriñchjatänxa, jiwasan ñanqha luratanakas laykuw wali t'aqhisiyatänxa; jupan t'aqhisitapasti jiwasatakix sumankañ apani, chhuxrinakap laykuw qullat uñjasiraktanxa.

Isaías 6:10

Aka markan amuyupsa q'al pixtuntam, ukhamat jan amuyt'asipxañapataki, jinchunakapsti llupantam, ukhamat jan ist'apxañapataki, nayranakapsa juykhu tukuyam, ukhamat jan uñjapxañapataki, ukhamat nayan ukar jan kuttanisipkañapataki, nayan jupanakar jan qullaskañaxataki” sasa.

Isaías 6:9

Tatitusti sarakituwa: “Saram, aka markarux akham sarakim: ‘Ist'kasinsa, janiw amuyt'apkaniti, uñjkasinsa, janiw amuyapkaniti’ sasa.

Jeremías 3:22

¡Nayatak sayt'asir wawanaka, nayan ukar kuttanxapxam! ¡Nayaw ist'asir wawanakar tukuyxapxäma!” sasa. “Tatay, akankapxtwa, jumaruw makhatxapxsma, jumätaw nanakan Tatitu Diosaxaxa.

Jeremías 5:21

‘Jan amuyt'an t'axmar marka, aka arunak ist'am, nayranïskiwa, ukampis janiw uñjkiti, jinchunïskiwa, ukampis janiw ist'kiti.

Ezequiel 12:2

“Ezequiel, jumax saykatasir marka taypin jaktaxa. Jupanakax nayranïsipkiwa, ukampis janiw uñjapkiti, jinchunïsipkiwa, ukampis janiw ist'apkiti, saykatasir markätap layku.

Ezequiel 14:9

“Mä profetatix k'ari yatiyäwinak churanixa, nayaw uka profetar ukham yatiyañapatak lurtxa, ukampis uka profetarux mutuyasin Israel markaxat chhaqtayarakï.

Oseas 14:4

4 (5) Tatitux israelitanakarux siwa: “Phiñasiñaxax t'akurxiwa. Jichhasti kunja jach'äkitix munasiñaxax uk uñacht'ayarakï, janiw saykatasir markäkxapxaniti.

Oseas 6:1

Taqin jutapxam, Tatitun ukar kutkatxañäni. Jupaw usuchjistu, juparakiw k'umarachxistani; chhuxriñchjistuwa, juparakiw qullt'xistani.

Mateo 15:14

Jan yäqapxamti, jupanakax juykhükasin yaqha juykhunakar irpirïpxiwa. Mayni juykhutix juykhu masipar irpanixa, panpachaniw kuna p'iyarus jaquranttapxani —sasa.

Marcos 4:12

uñjkasinsa jan uñjapxañapataki, ist'kasinsa jan amuyt'apxañapataki, Diosar kutikipstasinsa juchanakapax jan pampachatäñapataki”.

Marcos 6:52

jupanakax janiw amuyt'apkataynati kuna muspharañatix t'ant'anakamp luraskän ukxa, qala chuymanïpxatap layku.

Lucas 4:18

“Tatitun Ajayupaw nayxanki, jan kunaninakar suma yatiyäwinak churañatakiw ajllisitu; llakt'atanakar chuymachiriw khithanitu, katuntatanakar qhispiyasiñ yatiyäwinak yatiyiriw khithanitu, juykhunakar uñatatayiri, t'aqhisiyatanakar qhispiyiri,

Lucas 8:10

Jesusasti jupanakar sarakïnwa: “Jumanakarux Diosaw yatiyapxtam kunanakatix qhapaq markapan imantatäki ukanaka; ukampis mayninakarux uñtasïwinak tuqiw parlta, uñjkasinsa jan uñjir tukupxañapataki, ist'kasinsa jan amuyt'apxañapataki” sasa.

Juan 12:39

Ukhamasti janiw iyawsirjamäpkänti; ukat Isaías profetax qillqäna akham sasa:

Juan 9:39

Ukatsti Jesusax sänwa: —Nayax akapachar taripañatakiw jutta, juykhunakan uñjapxañapataki, uñjapki ukanakasti juykhu tukupxañapataki —sasa.

Hechos 15:3

Jerusalenar sarkasinsti, jupanakax Fenicia, Samaria chiqanak sarakipawayapxäna. Ukawjanakansti kunjämtix jan judiöpkis ukanakax nayra iyawsäwinakap apanukusin Diosar arkapkäna ukanak yatiyapxäna. Uk ist'asinsti jilatanakax wal kusisipxäna.

Hechos 28:26

“Saram uka markaru, ukatsti sarakim: Jumanakax ist'apkätasa, janiw amuyt'apkätati; uñjapkätasa, janiw kuns uñjapkätati.

Hechos 3:19

Ukhamasti jan wali lurañanak apanukusin kutikipstapxam, Diosar makhatapxam juchanakam pampachañapataki,

Romanos 9:18

Ukhamasti Diosax khitirutix munki ukarux khuyapt'ayasiwa, khitirutix chuyma qalarayañ munki ukarusti qalarayarakiwa.

Deuteronomio 29:4

4 (3) Ukampis Tatitux jichhürkamaw jan churapktamti yatiñ kankañ chuyma, janirakiw taqi ukanakan kunat ukham lurasitapsa amuyt'ayapktamti.

Josué 11:20

Tatituw uka uñisirinakarux chuymanakap qalarayäna israelitanakar saykatañapataki, ukhamat israelitanakan jan khuyapt'ayasis q'al tukjañapataki, kunjämtix Tatitux Moisesar siskatayna ukhamarjama.