Juan 12:20 - Qullan Arunaca

²⁰ Jerusalenaru fiesta urunacajj yupaychir sarapcatayna; uca jakenacatjja maynïrinacajj griegonacänwa.

Aymar Bibliia 1986

²⁰ Jerusalenaru fiesta urunacajj yupaychir sarapcatayna; uca jakenacatjja maynïrinacajj griegonacänwa.

Qullan Arunaka DC

²⁰ Jerusalenar Pascua urun yupaychir sarapkatayna uka jaqinakatxa, griego jaqinakaw ukankarakïna.

Juan 12:20 Jak'a apnaqawi uñst'ayäwi

Isaías 11:10

Uca urunjja Isaí chachan saphipat ch'ichtanir alejja mä unañchäcaspas marcanacataquejj uqhamaw sartani, marcanacasti jupar thakheriw sarapjjani, cawqhanccanitejj jupajj ucqhasti c'ajquirïniwa.

Marcos 7:26

Uca warmejj Sirofenicia sat yakha marcanquirïnwa. Jupasti phuchapat ñankha ajayu alissuñapataquiw Jesusar achict'asïna.

Juan 12:1

Pascua fiestataquisti sojjtüruquïpanwa Jesusajj Betaniaru saräna, Lazarojj jaccäna ucaru, cawquïrirutejj Jesusajj jiwatat jactayäna ucaru.

Juan 12:19

Ucatsti fariseonacajj jupanac puraw sapjjäna: —Jumanacajj uñj-jjapjjtawa, janiw cuns lurañjamäcjjeti. Takeniraquiw jupar arcjjapjje —sasa.

Juan 7:35

Uc ist'asinsti judionacajj jupanac puraw jisct'asiñ kalltapjjäna: —¿Cawquïrurac sarjjpachänisti jiwasanacan jan jicjjatañataquisti? ¿Griegonaca taypincqui uca mayni judionacan ucarut sarpachäni griego jakenacar yatichiri?

Hechos 14:1

Iconio marcanjja, Pablompi Bernabeampejj judionacan sinagogaparuw parlir mantapjjäna. Jupanacan parlatapatsti waljaniw iyawsapjjäna, judionacatsa jan judionacatsa.

Hechos 16:1

Pablompi Silasampisti Derbe uqhamaraqui Listra marcanacaruw puripjjäna. Ucansti Timoteo sutini mä iyawsiriruw jicjjatapjjäna. Ucasti mä iyawsiri judío warmin yokapänwa, awquipasti griego jakeraquïnwa.

Hechos 17:4

Uca arunac ist'asinsti, yakhep judionacajj iyawsapjjänwa. Ucatwa Pablompir Silasampir jakcattapjje. Diosar yupaychir griego jakenacasti waljaniraquiw iyawsapjjäna, uqhamarac wali aytat warminacatsa.

Hechos 20:21

Judionacarusa jan judiöpquis ucanacarus sapjjsmawa: ‘Jan wali luräwinacam jaytasa Diosar arrepientisipjjam, ucatsti Tatit Jesucristor iyawsapjjaraquim’ sasa.

Hechos 21:28

Jach'ataracwa arnakasipjje: —¡Israelanquir chachanaca, yanapt'apjjeta! Aca jakepï take chekan marcas contra, Moisesan leyinacap contra, aca templo contraraqui jan walinac yatichas sarnakejja. Jichhasti jan judío jakenacaruw irpantaniraqui aca temploru, uqhamat Diosan utap k'añuchayasa —sasa.

Hechos 8:27

Felipesti sartasinjja, iyawsasaw saräna. Uca thaqui sarcasinsti, Etiopianquir mä jakempiw jiquisïna. Jupasti eunucönwa, mä jilïrit utt'ayataraquïnwa, Etiopía marcanquiri Candace sata reinan kollke caturiparaqui. Aca jakesti Diosar yupaychiriw Jerusalenarojj saratayna.

Romanos 1:16

Janiw nayajj evangeliotjj p'enkascti, ucasti Diosan ch'amapawa take iyawsir jakenacar khespiyañataqui, nayrakata judionacaru uqhamarac jan judiöpquis ucanacarusa.

Romanos 10:12

Janiraquiw yakha yakhäñajj utjquiti judionacataquejja, ni yakhanacampisa, jupaquiraquiw takenin Tatitupajja take jupar art'asqui ucanacarusti take cuns churaraquiwa.

Gálatas 2:3

Nayamp chic sarcän uca Titosti janiraquiw juparojj mayitäcänti circuncisión lurañataquejja, griego jakëtap laycu.

Gálatas 3:28

Jupancjjasinjja janiw utjcjjeti judiosa, griegosa, esclavosa, libresa, chachasa ni warmisa. Cristo Jesusar mayachatäjjasinsti take jumanacajj mayaquëjjapjjtawa.

Colosenses 3:11

Janiw jichhajj utjcjjeti judiöñas, griegöñasa; circuncidatäñasa, jan circuncidatäñasa; jaya jakëñasa, jan amuyt'anïñasa, esclavöñasa, jan ucajj khespiyatäñasa; jan ucasti Cristow take cunajja, jupajj take cunancaraquiwa.