Juan 12:20 - Qullan Arunaka DC

²⁰ Jerusalenar Pascua urun yupaychir sarapkatayna uka jaqinakatxa, griego jaqinakaw ukankarakïna.

Aymar Bibliia 1986

²⁰ Jerusalenaru fiesta urunacajj yupaychir sarapcatayna; uca jakenacatjja maynïrinacajj griegonacänwa.

Qullan Arunaca

²⁰ Jerusalenaru fiesta urunacajj yupaychir sarapcatayna; uca jakenacatjja maynïrinacajj griegonacänwa.

Juan 12:20 Jak'a apnaqawi uñst'ayäwi

Isaías 11:10

Uka uru purinkan ukkhasti, Davidat mayni saraqiripaw uka marka apnaqañatak qunt'asini, taqi markanakaruw mayawjar tantacht'ani. Markapasti jach'ar aptatäña, ch'amanirakiw tukuni.

Marcos 7:26

Uka warmix janiw judía warmïkänti, jan ukax Fenicia markankirïnwa. Jupasti phuchhapat ñanqha ajayu alissuñapatakiw Jesusar achikt'asïna.

Juan 12:1

Pascua jach'a urutak suxtürükipan Jesusax Betania markaruw saräna, jupax jaktaykatayna uka Lazarox kawkintix jakkäna uka markaru.

Juan 12:19

Ukatsti fariseonakax jupanakkamaw sasipxäna: —Jumanakax uñjxapxtawa, janiw kunas lurañjamäkiti. Taqiniw jupar arkapxi —sasa.

Juan 7:35

Judionakasti jupanakkamaw jiskt'asipxäna: —¿Kawkirurak sarxpachänisti, jiwasanakan jupar jan jikxatañatakisti? ¿Jaya markanakar ananukut judionakan ukarut sarpachäni, ukatsti Diosar jan uñt'ir jaqinakar yatichirich sarpachänixa?

Hechos 14:1

Iconio markar purisinsti, Pablompi Bernabeampix judionakan sinagogaparuw mantapxäna. Ukan jupanakax jaqinakar Jesusat arsupxäna, waljaniw iyawsapxäna, judionakatsa jan judionakatsa.

Hechos 16:1

Pablompi Silasampix Derbe, Listra markanakaruw puripxäna. Ukansti mä waynaw jakäna, Timoteo sutini, jupasti Tatitur iyawsirïnwa, jupan taykapax iyawsiri judío warmïnwa, awkipasti griego jaqirakïnwa.

Hechos 17:4

Uka arunak ist'asinsti, yaqhip judionakax iyawsapxänwa. Ukat Pablompir Silasampir jaqkattapxäna. Diosar yupaychir griego jaqinakampita, wali aytat warminakampit waljaniw iyawsapxarakïna.

Hechos 20:21

Judionakarusa jan judionakarus sapxsmawa: ‘Diosar kutikipstapxam, Tatit Jesucristosar iyawsapxarakim’ sasa.

Hechos 21:28

jach'at arnaqasisa: “¡Israelitanaka, yanapt'apxita! ¡Aka jaqiw taqi chiqan markasataki, Moisesan kamachipataki, Tatitun utapatak jan walinak yatichas sarnaqi! Jichhasti jan judío jaqinakaruw Tatitun utapar irpantaniraki, qullan Chiqäwja q'añuchayasa” sasa.

Hechos 8:27

Felipesti iyawsasaw saräna. Uka thakhi sarkasinsti, Etiopía markankir mä jaqimpiw jikisïna. Uka jaqix aytat jaqïnwa, Etiopía markankir Candace sat reinan qullqi katuripänwa. Uka jaqisti Diosar yupaychiriw Jerusalenarux saratayna.

Romanos 1:16

Janiw nayax Diosan suma yatiyäwi arunakapat p'inqaskti, ukasti Diosan ch'amapawa, taqi khitinakatix iyawsapki jupanakan qhispiyasiñ jikxatañapataki, nayraqatax judionakaru, ukhamarak jan judiöpki jupanakarusa.

Romanos 10:12

Janiw yaqha yaqhäñax utjkiti; judionakatakisa, jan judionakatakis pachpa Tatituw taqinin Tatitupaxa, jupar art'asirinakarux taqpachaniruw taqi kun jilarkir churi.

Gálatas 2:3

Jupanakax janiw khitirus circuncisión katuqayañ wayt'apkänti; Tito jilatarus janirakiw wayt'apkänti, griego jaqïkchïn ukasa.

Gálatas 3:28

Tatit Jesucristor mayachatäxasin, janiw judío jaqïñasa, griego jaqïñasa, t'aqhisiyat jaqïñasa, antutnukut jaqïñasa utjkxiti, chachasa, warmisa yaqhäkiti; taqi jumanakax mayakïxapxtawa.

Colosenses 3:11

Jichhax janiw wakiskirïkxiti judío jaqïñasa, griego jaqïñasa, circuncisión katuqat jaqïñasa, janirakiw wakiskirïkxiti jaya jaqïñasa, jan amuyt'anïñasa, uywat jaqïñasa, jan uywat jaqïñasa; jan ukasti Cristow taqi kunaxa, jupaw taqi kunankaraki.