Juan 12:13 - Qullan Arunaca

¹³ Ucatsti layminac qhuchurasin mistupjjäna Jesusar catokañataqui; aqham sasaw jach'at art'apjjäna: —¡Jach'achatäpan Diosaru! ¡Bendecitäpan Tatitun sutiparu jutirejja! ¡Bendecitäpan Israelan Reyipajja! —sasa.

Aymar Bibliia 1986

¹³ Ucatsti layminac qhuchurasin mistupjjäna Jesusar catokañataqui; aqham sasaw jach'at art'apjjäna: —¡Jach'achatäpan Diosaru! ¡Bendecitäpan Tatitun sutiparu jutirejja! ¡Bendecitäpan Israelan Reyipajja! —sasa.

Qullan Arunaka DC

¹³ Ukatsti palmerat layminak khuchhurasin Jesusar katuqiriw mistunipxäna, akham arnaqt'asisa: —¡Diosaxay, qhispiyapxita! ¡Tatitun sutipar jutirix qullanäpan! ¡Israelan Reyipax qullanäpan! —sasa.

Juan 12:13 Jak'a apnaqawi uñst'ayäwi

Isaías 44:6

Tatitojja, jach'a reyi, Israelan khespiyiripa, take ch'amani Tatitojj siwa: “Nayätwa kalltas, tucuyasa; nayat yakhajj janiw juc'ampi diosajj utjquiti.

Oseas 3:5

Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Levítico 23:40

Kallta urusti kokanacatjja cawquïri frutanacatejj sumäcani ucanacwa apakapjjäta, uqhamarac palmera ramanaca, ucjjarusti wali ch'ojjña kokanacatsa, saucenacatsa ramanaca apakapjjaraquïta, ucatsti pakallko urunacaraquiw Tatitun nayrakatapan cusisipjjäta, jupasti jumanacan Tatitu Diosamawa.

Sofonías 3:15

Diosaw apaktam juchanacamat mutuyatäñjja, uqhamaraqui uñisirinacamarus jakonucuraquiwa. Israelan reyipa, Tatitu Diosaw jumanac taypincasqui; janiw cunaru ajjsarañamas utjquiti.

Mateo 23:39

Ucampis sapjjsmawa, janiw mayampis uñjapquitätati, cunapachatejj: ‘¡Bendicitäpan Tatitun sutiparu jutirejja!’ sapcäta ucürcama.”

Mateo 27:42

“Jupajj yakhanacarojj khespiyiwa, ucampis jupa quipcarusti janiraquis khespiyasiñataqui ch'amanïquitï. Chekapuni Israelan Reyipächi ucajja, crusat sarakanpan ucatwa jiwasajj iyawsapjjañäni.

Juan 1:49

Natanaelajj ucjjarojj sänwa: —Yatichiri, jumajj Diosan Yokapätawa, Israel marcan Reyipa —sasa.

Juan 12:14

Jesusajj mä asno jicjjatäna, ucaruw konjjatawayäna, cunjämtï Kellkatanjj sisqui uqhamarjama:

Juan 12:15

“Jan ajjsaramti, Sión marca; uñtam, Reyimaw juti, mä asnor konjjatata.”

Juan 19:15

Judionacajj juc'ampiwa art'apjjäna: —¡Jiwpan! ¡Jiwpan! ¡Ch'accatam! —sasa. Pilatosti jupanacarojj saraquïnwa: —¿Jumanacan reyimaruti ch'accatäjja? —sasa. Sacerdotenacan jilïrinacapajj ucjjarojj sapjjaraquïnwa: —Nanacan reyejjajj romanonacan emperadorapaquiwa, janiw juc'amp yakha reyinacajjajj utjapquituti —sasa.

Apocalipsis 15:3

Diosan sirviripa Moisesan k'ochunacapwa k'ochupjjaraquïna, uqhamarac Corderon k'ochupsa, aqham sasa: “Jach'ätawa, muspharcañaraquïtawa. Jumaraquïtaw take cun luriri jach'a Diosajja. Sarnakäwinacamas chekaparaquiwa, marcanacan Reyipa.

Apocalipsis 19:16

Mantopjjarusti, uqhamarac charapjjarusa aca suti kellkt'ataraquïnwa: “reyinacans Reyipa, munañaninacans Munañanipa” sasa.

Apocalipsis 7:9

Ucatsti uñjaractwa walja jakenaca take marcanacata, cunayman janchini, uqhamarac take casta parlani. Jupanacasti trono nayräjjan uqhamarac Cordero nayräjjapan sayt'atäsipcänwa. Waljanïpjjapunïnwa, janiraquiw qhitis jact'caspati, jank'o isincamaquïpjjänwa, amparanacaparojj palmanacas ayt'atcamaquiraquïnwa.