Juan 12:13 - Qullan Arunaka DC

¹³ Ukatsti palmerat layminak khuchhurasin Jesusar katuqiriw mistunipxäna, akham arnaqt'asisa: —¡Diosaxay, qhispiyapxita! ¡Tatitun sutipar jutirix qullanäpan! ¡Israelan Reyipax qullanäpan! —sasa.

Aymar Bibliia 1986

¹³ Ucatsti layminac qhuchurasin mistupjjäna Jesusar catokañataqui; aqham sasaw jach'at art'apjjäna: —¡Jach'achatäpan Diosaru! ¡Bendecitäpan Tatitun sutiparu jutirejja! ¡Bendecitäpan Israelan Reyipajja! —sasa.

Qullan Arunaca

¹³ Ucatsti layminac qhuchurasin mistupjjäna Jesusar catokañataqui; aqham sasaw jach'at art'apjjäna: —¡Jach'achatäpan Diosaru! ¡Bendecitäpan Tatitun sutiparu jutirejja! ¡Bendecitäpan Israelan Reyipajja! —sasa.

Juan 12:13 Jak'a apnaqawi uñst'ayäwi

Isaías 44:6

Tatitu, jach'a reyi, Israelan qhispiyiripa, taqi ch'amani Tatitux siwa: “Nayätwa qalltasa, tukuyasa; nayat juk'ampix janiw yaqha diosax utjkiti.

Oseas 3:5

Uka qhipatsti israelitanakax kuttanxapxaniwa, Tatit Diosaparuw thaqhapxani, David reyiparuw thaqhapxarakini. Uka qhipa urunakansti, askinak katuqapxatapatxa, alt'at chuymampiw Tatitur jak'achasipxani.

Levítico 23:40

Qallta urusti kawkïri achunakatix quqanakan sumäkani ukanak apaqapxäta, palmeranakata, wali ch'uxñantat quqanakata, jawirankki uka saucenakat layminak apaqapxäta, ukatsti paqallqu urunakaw Tatit Diosaman nayraqatapan kusisipxäta.

Sofonías 3:15

Tatituw juchanakamat mutuyatäñxa apaqtam, uñisirinakamarus jaqunukurakiwa. Israel markan Reyipa Tatituw, juma taypinkaski; janiw kunat axsarañamas utjañapäkxiti.

Mateo 23:39

ukatsti sapxsmawa, jichhürut uksarux janiw uñjapkitätati, kunapachatix: ‘¡Tatitun sutipar jutirix qullanäpan!’ sapkäta ukürkama.”

Mateo 27:42

—Yaqhanakarux qhispiyiwa, jupa pachpasti janiw qhispiyaskiti. Jupatix Israelan Reyipächixa, cruzat saraqanpan, ukat juparux taqiniw iyawsañäni.

Juan 1:49

Natanaelasti sarakïnwa: —Yatichiri, ¡jumax Diosan Yuqapätawa, Israel markan Reyipa! —sasa.

Juan 12:14

Jesusax mä asno jikxatäna, ukaruw lat'xatawayäna, kunjämtix Qillqatan siski ukhamarjama:

Juan 12:15

“Sión marka, jan axsaramti; uñtam, Reyimaw jutaski, mä asnor lat'xatataw jutaski.”

Juan 19:15

Judionakasti juk'ampiw art'apxäna: —¡Cruzar ch'akkatam! ¡Cruzar ch'akkatam! —sasa. Pilatosti jupanakarux jiskt'änwa: —¿Jumanakan reyimarut ch'akkatästi? —sasa. Sacerdotenakan jilïrinakapasti sapxarakïnwa: —Nanakan reyixax Cesarakiwa, janiw juk'amp yaqha reyix utjapkituti —sasa.

Apocalipsis 15:3

Ukatsti Diosan luqtiripa Moisesan q'uchupampi, ukhamarak Corderon q'uchupampi q'uchupxäna, akham sasa: “Taqi ch'aman Tatit Diosay, luratanakamax jach'awa, muspharkayarakiwa. Markanakan Reyipa, sarnaqäwinakamax chiqapawa, askirakiwa.

Apocalipsis 19:16

Isipansa, charapansa mä suti qillqt'atarakïnwa: “reyinakansa Reyipa, munañaninakansa Munañanipa” sasa.

Apocalipsis 7:9

Uka qhipatsti, walja jaqinak uñjta taqi markanakata, kunayman janchini, kunayman parlani; uka jaqinakasti waljanipunïnwa, janiw khitis jakt'irjamäkänti. Jupanakasti qhapaq qunuñ nayräxana, Cordero nayräxan sayt'atäsipkänwa, janq'u isin isthapitkamakïnwa, amparanakapar layminakas ayt'atkamakirakïnwa.