Josué 7:9 - Qullan Arunaca

⁹ Cananeo jakenacas, uqhamaraqui take aca orakenacan jaquir jakenacasa jichhajj yatipjjaniwa cunatï Israel marcarojj pasqui ucjja; take jupanacaw mayacht'asisina nanacar t'unjapjjetani. Jichhasti ¿jumajj cunsa luräta jach'a sutimajj jan p'enkachatäñapataquejja? —sasa.

Aymar Bibliia 1986

⁹ Cananeo jakenacas, uqhamaraqui take aca orakenacan jaquir jakenacasa jichhajj yatipjjaniwa cunatï Israel marcarojj pasqui ucjja; take jupanacaw mayacht'asisina nanacar t'unjapjjetani. Jichhasti ¿jumajj cunsa luräta jach'a sutimajj jan p'enkachatäñapataquejja? —sasa.

Qullan Arunaka DC

⁹ Cananeonakasa, uka chiqan jakir jaqinakasa ukanak yatipxaniwa, ukatsti jupanakax mayacht'asisin nanakar chhaqtayañkamaw tukjapxitani. Jumasti, ¿kunarak luräta jach'a sutiman jan p'inqachatäñapatakisti? —sasa.

Josué 7:9 Jak'a apnaqawi uñst'ayäwi

Salmos 115:1

Tatay, khapak sutimarojj jach'añchasimaya, janis nanacarojj jach'añchapquita; munasiñam laycu, chekapätam laycuy jach'añchasim.

Salmos 48:10

Diosay, takpach oraken sutimajj jach'añchatawa, aytat cancañamajj orak tucuscamaw puri; ch'amamajj asqui cancañamp phokt'atawa.

Salmos 79:9

Khespiyir Diosajjay, juman jach'a sutim laycuy arjjatapjjeta, khapak sutim laycuy khespiyapjjeta, juchanacat pampachapjjaraquita.

Salmos 83:4

Jupanacajj nanacar t'unjiriw jutañ amtapjje, marcarojj chhaktayañ munapjje, Israelan sutipan jan mayamp amtatäñapataqui.

Salmos 83:5

Juma contra sayt'asiñataquiw mä arusjäwi lurapjje, mä wawaquiw jumataquejj arusipjje:

Éxodo 32:12

¿Cunjämaraqui jaytätasti Egipcionacaru aqham sas parlirsti: ‘Diosasti jan wali amtäwimpiw irpsuwayi wasara kollunacana jiwarayañataqui, uqhamat aca oraketa chhaktayañataqui’ sasa? Uqhamasti janiquiy colerasimti, cuntejj amtcta ucjja armasjjaquimaya janiquiy jan walt'añar uscumti.

Ezequiel 20:9

Ucampisa sutejjan jach'añchäwip laycuw luraracta, uqhamat yakha marcanac nayrakatan jan mayjt'ascañataqui, cawquïri marcanac taypintejj jupanacajj jacapcän uca marcanac nayrakatana, uca marcanac nayräjjanracwa jupanacaru uñstäyätjja, uqhamaraqui Egiptot apsjjañataquis arsuraquïyätjja.

Joel 2:17

Sacerdotenacasti jachapjjpan, Tatitur sirvirinacasa Tatitun altarap nayräjjansti sapjjaracpan: “Dios Tata, marcamarojj perdonam; janirac munamti marcamatjja qhitin larusiñapsa, uqhamaraqui jan munamti yakha nacionanacan marcamar apnakañapsa, Diosar jan uñt'ir jakenacana jan sasipcañapataqui: ‘¿Cawquincarac Diosapasti?’ ” sasa.

Miqueas 7:10

Uñisirejjas ucjja uñjaraquiniwa, ucasti p'enkachjataraquïniwa. Jupasti nayarojj saraquitänwa: ‘¿Cawquincaraqui Tatit Diosamasti?’ sasa, ucampis jichhajj juparojj callenquir ñek'er uñtata taquichasita uñjañajja nayataquejj sumäniwa.

Números 14:13

Ucampis Moisesajj Tatiturojj sänwa: —Jumaw jach'a ch'amamampi Egiptot aca marcar irpsunipjjesta. Cunapachatejj egipcionacajj cuntï lurcäta uc yatipjjani ucqhajj,

Juan 12:28

Awquiy, sutimajj jach'añchatäpan. Ucatsti mä aruw alajjpachat ist'asïna: Nayajj jach'añchawayjjtwa, wasitampis jach'añchascaquïwa” sasa.

Deuteronomio 9:28

Jan cunsa parlapjjañapataqui cawquïri marcattï irpsunipquista ucana: Diosajj janiw uca cawquïri oraktï churä siscäna ucar puriyañjja muncänti, jupanacar uñisisinjja wasara tokeruw irpsuwayi ucan jiwarayañataqui, sasa.

Josué 7:10

Ucatsti Diosajj Josué chacharojj sänwa: —Sayt'asim, ¿cunats jumajj oraker alintata ucancascta?

Josué 7:8

¡Ay, Tata! Jichhasti camacharaquï, ¡aca israelit jakenacajj uñisirinacapar uñjasajj jaltjjapjjaquiraquisä!

1 Samuel 12:22

Tatitusti sutipar munatap laycojja janiw apanucupcätamti, jupasti jumanacarojj marcapwa tucuyasiñ munapjjtam.