Josué 7:12 - Qullan Arunaca

¹² Ucatpï israelitanacajj jan uñisirinacapampejj nuwasiñ puedcanitejja, jupanacajj jaltapjjaniwa, nayasti maldicipjjämawa janitï jumanac taypit uca juchan jakeru jiwayapcät ucajja.

Aymar Bibliia 1986

¹² Ucatpï israelitanacajj jan uñisirinacapampejj nuwasiñ puedcanitejja, jupanacajj jaltapjjaniwa, nayasti maldicipjjämawa janitï jumanac taypit uca juchan jakeru jiwayapcät ucajja.

Qullan Arunaka DC

¹² Ukat israelitanakax uñisirinakapan nayraqatapan jan sayt'asipkaniti, jupanakax jaltxapxakiniwa, jichhax israelitanak pachpaw tukjatäñaru purisipki. Jumanakatix kuntix t'unjatäñapaki ukanak jan mäki tukjapkäta ukaxa, nayax janiw mayampsa jumanakampïkxäti.

Josué 7:12 Jak'a apnaqawi uñst'ayäwi

Salmos 44:10

Timasirinacajjan jac'aparuw cutjtayanipjjesta, uñisirinacajjasti yänacajj aparapjjetu; munataparjamaw take cun apasipjje.

Salmos 60:10

Diosay, jumajj apanucjjapjjestawa, janiw nuwasir tamajjamp chicajj mistcjjtati.

Proverbios 28:1

Ñankha lurir jakejja jan qhitin arcnakcataw jaltjje, ucampis asqui jakenacajja janiw cunarus ajjsarquiti, mä leonjamawa ch'aman sayt'asi.

Isaías 59:2

Ucampisa jumanacan ñankha luratanacamasti, mä perkjamaw sayt'i jumanacampi Diosampi jaljasajja; jumanacan juchanacamaw jupan ajanupjja imantasiyi, janiraquiw ist'añsa munapctamti.

Jeremías 23:33

“Jeremías, mä jaketejja, jan ucajj mä profetasa, mä sacerdotesa jisct'ätam ucapachajja: ‘¿Cawquïrisa Tatitun ewjjapajja?’ sasa. Ucapachasti jupanacarojj saraquim: ‘Tatitojj siwa: Jumanacäpjjtawa nayan ewjjanacajjajja, ucampisa nayajj antutt'äwa’ sasa.

Jeremías 6:8

Jichhajj Jerusalén yatekamaya, jan ucasti nayajj jumatjja mayjt'ataw sarjjä, mä wasararuw tucuyäma, jan jakeni antutaraquïma.”

Oseas 9:12

Wawanacapajj jilarcani ucasa, nayaw wawanacapjja jan mayani apakjjä. ¡Ay aca jakenacata, cunaquïcani nayatejj jupanacat jithektjjä ucapachajja!

Habacuc 1:13

Jumajj sinti k'omätaw take jan walinaca catokañataquejja, janiw take chuymampi ñankharus uñch'uccaractati. ¿Cunjämraqui jumasti jiwayirinacarus amuqui uñch'uctasti? ¿Cunataraqui amuquïtasti jan wali jakenacajj jupanacat juc'ampi asquïpqui ucanacar tucjasqui ucqhajja?

Números 14:39

Cunapachatejj Moisesajj take israelitanacar yatiyäna, cuntejj Tatitojj siscatayna take ucanaca, ucapachajj jupanacajj llaquitaw jicjjatasipjjäna.

Números 14:42

Jan sarasipcaquimti, Tatitusti janiw jumanacampïcjjeti. Uñisirinacamasa atipjapjjätamwa.

Números 14:43

Qhä nayrakatanjja amalecitanaca, cananeonacaw suyapjjtam jumanacampi nuwasiñataqui, uqhamarac jumanacar jiwarayañataqui. Jumanacasti Tatitu Diosarojj apanucupjjtawa, jupasti janiw jumanacampi chicäcjjeti —sasa.

Números 14:45

Ucatsti uca chekan jaquir amalecitanaca, cananeonacaw mistunipjjäna, israelitanacar Horma sat chekacama khepanacapat arctanisa, jupanacar k'al atipjañcama.

Deuteronomio 7:26

Ucatsti jan jumanacajj utanacamaru apasipjjamti cunatï maldicitäqui ucanacjja, jan uqhamata jumanacas t'unjatäpjjañamataqui. Take ucanacwa t'unjapjjäta ucatsti maldicitätwa uñt'apjjaraquïta.

Josué 6:18

Jumanacasti janiraquiw cunsa aptasipjjätati, ni cunsa llamct'apjjaraquïtati aca marcanjja, jan ucasti takew t'unjatäñapa Tatitur loktatäcaspas uqhama. Jumanacatï jan uqham lurapcäta ucqhajj Diosan maldicionapaw aca Israel marcaru jutani.

Jueces 16:20

art'äna: —¡Sansón, filisteonacaw jumaru catuntiri jutapjjatayna! —sasa. Ucatsti Sansón chachajj iquïwit sartasinjja amuyasïnwa maya cutinacjama atipt'aña, ucampis janiw amuycänti Diosajja juparu apanucjjatapjja.

Jueces 2:14

Uqham uñjasinsti Diosajj Israel marca contra colerasisajja lunthatanacampiw cunanacapatejj jupanacan utjqui ucanaca aparayäna, uqhamarac uca thiyanacan jaquir uñisirinacapampiraquiw tucjayaraquïna, jupanacajja janiw sayt'asipcänti.

Jueces 2:4

Angelajj uqham parlaña tucuyjjepansti, takpach israelitanacaw wali jach'at wararisina jachapjjäna.

1 Samuel 14:38

Ucat Saúl reyejj saraqui: —Jichhajj jac'achasinipjjam take ejerciton jilïrinacapa; yatjjatapjjam qhitis jichhürojj uca jucha luri.