Josué 24:2 - Qullan Arunaca

² Takpach Israel marcaruw parläna: —Aqham siwa Israel marcan Diosapajja: ‘Nayrapachajj jumanacan nayra awquinacamajj, Taré chacha, Abraham, Nacor sat wawanacapampejja, Eufrates sat jawira lacanacan jacapjjäna, uqhamaraquiw yakha diosanacaru yupaychapjjäna.

Aymar Bibliia 1986

² Takpach Israel marcaruw parläna: “Aqham siwa Israel marcan Diosapajja: ‘Nayrapachajj jumanacan nayra awquinacamajj, Taré chacha, Abraham, Nacor sat wawanacapampejja, Eufrates sat jawira lacanacan jacapjjäna, uqhamaraquiw yakha diosanacaru yupaychapjjäna.

Qullan Arunaka DC

² taqpach Israel markaruw säna: —Israelan Tatitu Diosapax akham siwa: ‘Nayrapachax, jumanakan nayra awkinakama Térah chachax, Abraham, Nacor wawanakapampix Éufrates jawir thiyanakan jakapxäna, jupanakasti yaqha diosanakaruw yupaychapxäna.

Josué 24:2 Jak'a apnaqawi uñst'ayäwi

Génesis 11:22

Serugasti quimsa tunca maranïnwa cunapachatejj Nacor wawapajj nascän ucapachajja.

Génesis 11:24

Nacorasti pä tunca llätuncani maranïnwa cunapachatejj Taré wawapajj nascän ucapachajja.

Génesis 11:26

Taresti pakallk tunca maranïnwa cunapachatejj Abram, Nacor, uqhamarac Harán wawanacapajj nascän ucapachajja.

Génesis 11:27

Acanacaw Taré chachan wawanacapajja, jupasti Abram, Nacor, uqhamarac Harán ucanacan awquipänwa. Lot chachan Harán awquipasti,

Génesis 31:19

Labanan yakha tokeru ovejanacapat t'arwanac yawiri sarañcamasti, Raquelajj tatapan diosanacapwa lunthatsuwayäna.

Génesis 31:30

Ucampisa sintipuni awquiman utapar cuttanjjañ munchiyäta ucasti jichhajj jutjjaracta ucapachasti, ¿cunatarac diosanacajj lunthatanistasti? —sasa.

Génesis 31:32

Ucampisa inas acan cawquïrisa diosanacam catuscchejja, ucajj, ¡jiwayatäpan! Nayan familianacajjajj testigowa, cunamsa cat-tjja, jumanquïrsti apasjjamaya —sasa. Ucampisa Jacobojj janiw yatcänti Raquelan uca diosanac lunthatanitapjja.

Génesis 31:53

Jichhajj Abraham achachilaman, uqhamarac Nacor achachilajjan Diosapay uñjpan —sasa. Jacobosti uqhamajj cawquïri Diosarutejj Isaac awquipajj yupaychcäna ucan sutipjjaruw juramento luräna.

Génesis 35:4

Jupanacasti take uca yakha diosanacjja Jacoboruw catuyjjapjjäna, uqhamarac jinchunacapan utjcän uca aretenacsa, Jacobosti ucanacjja encinas sat mä koka c'uchuruw allintjjäna, Siquem jac'ana.

1 Crónicas 1:27

uqhamarac Abram, ucasti Abrahamäjjaraquiwa.

Isaías 51:2

Abraham awquimaru, uqhamaraqui jumanacar jacañ churiri Sara taycamaru uñtapjjam. Cunapachatejj nayajj jupar jawscta ucqhajj sapaquïscänwa, ucampis nayajj bendistwa, walja wawanac churasa.

Ezequiel 16:3

Ucatsti saraquïm: ‘Aqham siw Tatitojja: Jerusalén marca, juman kalltäwimajj aqhamawa: Cananeat jutir wawätama, awquimajj mä amorreo jakënwa, taycamasti mä hitita warmiraqui.

Lucas 3:34

Judasti Jacobon yokapänwa, Jacobosti Isaacan yokapänwa, Isaacasti Abrahaman yokapänwa, Abrahamasti Taren yokapänwa, Taresti Nacoran yokapänwa,

Deuteronomio 26:5

ucapachasti jumajj aca arunacwa Diosam nayrakatan khanañchäta: ‘Nayan awquinacajjasti, arameo jakenacäpjjänwa, juc'aniquiraquïnwa. Egipto marcaruw sarjjapjjäna, cawqhantejj jupanacajj jacañatac kheparapjjäna, ucatsti mä jach'a marcaw tucjjapjjäna, wali ch'amani, uqhamarac waljaniru tucusa.

Josué 24:15

Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.