Josué 24:2 - Qullan Arunaka DC

² taqpach Israel markaruw säna: —Israelan Tatitu Diosapax akham siwa: ‘Nayrapachax, jumanakan nayra awkinakama Térah chachax, Abraham, Nacor wawanakapampix Éufrates jawir thiyanakan jakapxäna, jupanakasti yaqha diosanakaruw yupaychapxäna.

Aymar Bibliia 1986

² Takpach Israel marcaruw parläna: “Aqham siwa Israel marcan Diosapajja: ‘Nayrapachajj jumanacan nayra awquinacamajj, Taré chacha, Abraham, Nacor sat wawanacapampejja, Eufrates sat jawira lacanacan jacapjjäna, uqhamaraquiw yakha diosanacaru yupaychapjjäna.

Qullan Arunaca

² Takpach Israel marcaruw parläna: —Aqham siwa Israel marcan Diosapajja: ‘Nayrapachajj jumanacan nayra awquinacamajj, Taré chacha, Abraham, Nacor sat wawanacapampejja, Eufrates sat jawira lacanacan jacapjjäna, uqhamaraquiw yakha diosanacaru yupaychapjjäna.

Josué 24:2 Jak'a apnaqawi uñst'ayäwi

Génesis 11:22

Serug chachasti kimsa tunka maranïnwa kunapachatix Nahor wawapax yurkän ukkhaxa.

Génesis 11:24

Nahor chachasti pä tunka llätunkani maranïnwa kunapachatix Térah wawapax yurkän ukkhaxa.

Génesis 11:26

Térah chachasti paqallq tunka maranïnwa, kunapachatix Abram, Nahor, Harán wawanakapax yurkän ukkhaxa.

Génesis 11:27

Térah chachan wawanakapax akanakänwa, Abram, Nahor, Harán ukanaka. Harán chachasti Lot jaqin awkipänwa,

Génesis 31:19

Labanasti uka urux yaqha chiqaruw ovejanakapat t'awra yawir saräna, ukchañkamasti Raquelax tatapan diosanakap lunthatsuwayäna.

Génesis 31:30

Jumatix awkiman utapar kuttañpun munchïyäta, jichhax niyarak sarxta ukasti, ¿kunatarak diosanakax lunthatanistasti? —sasa.

Génesis 31:32

Ukampisa inas akan kawkïrisa diosanakam katuskchi, jupasti ¡jiwayatäpan! Nayan wila masinakaxax uñjasipkiwa, saskakita, kuncha jumankïr katutätxa, jichhax apasxam —sasa. Ukampis Jacobux janiw yatkänti Raquelan uka diosanak lunthatanitapxa.

Génesis 31:53

Jichhasti Abraham achachilaman Diosapay uñjpan, Nahor achachilaxan Diosapas uñjarakpan —sasa. Ukhamasti Jacobux kawkïri Diosarutix Isaac awkipax yupaychkäna ukan sutipxaruw juramento luräna.

Génesis 35:4

Jupanakasti kuna yaqha diosanakapatix utjkäna ukanak Jacobur katuyxapxäna, jinchunakapar uchasipkän uka aretenaksa, Jacobusti ukanak encina sat quqa k'uchuruw allintxäna, Siquem jak'ana.

1 Crónicas 1:27

Abram, jupasti pachpa Abraham chachawa.

Isaías 51:2

Jupanakan suma luräwinakap uñtapxam. Kunapachatix Abrahamar jawskäyäta ukkhaxa, jupax sapa jaqikïnwa, ukampis nayax askinak churta, ukatsti walja wawanak churarakta.

Ezequiel 16:3

Ukatsti sarakim: ‘Tatitux akham siwa: Jerusalén marka, jumax cananea uraqin yurirïtawa, awkimax amorreo jaqiwa, taykamasti hitita warmirakiwa.

Lucas 3:34

Judasti Jacobun yuqapänwa, Jacobusti Isaacan yuqapänwa, Isaacasti Abrahaman yuqapänwa, Abrahamasti Terahn yuqapänwa, Terahsti Nahoran yuqapänwa,

Deuteronomio 26:5

jumasti aka arunak Diosam nayraqatan qhanañchäta: ‘Nayra awkinakaxax arameo muyuyku jaqinakänwa, juk'anikirakïnwa. Egipto markar jakiriw jupanakax sarxapxatayna, ukansti mä jach'a markaw tukupxatayna, wali ch'amani, waljani tukuñkama.

Josué 24:15

Ukampis janitix Tatitur yupaychañ munapksta ukaxa, jichhüruy ajllisipxam khitirutix yupaychañ munapkta ukaru: Éufrates jawir thiyanakan nayra awkinakamax yupaychapkäna uka diosanakaruti, jan ukax, aka uraqin jakir amorreo jaqinakan diosanakaparucha. Ukampis nayampi, wila masinakaxampix Tatituruw yupaychapxä —sasa.