Josué 12:1 - Qullan Arunaca

¹ Acanacaw Israel marcan atipjat reyinacajja, cawquïrinacatï Jordán jawirat inti jalsu token utjapcän ucanacajja, uqhamaraqui cawquïri orakenactï catuntapqui, Arnón sat jawirata Hermón sat kollucama take Jordán jawiran vallenac cuna.

Aymar Bibliia 1986

¹ Acanacaw Israel marcan atipjat reyinacajja, cawquïrinacatï Jordán jawirat inti jalsu token utjapcän ucanacajja, uqhamaraqui cawquïri orakenactï catuntapqui, Arnón sat jawirata Hermón sat kollucama take Jordán jawiran vallenac cuna.

Qullan Arunaka DC

¹ Israelitanakax Jordán jawirat inti jalsu tuqin atipt'apkän uka reyinakax akanakawa, ukhamarak kawkïr uraqinaktix Arnón jawirat Hermón qullukama, Jordán qhirwat inti jalsu tuqinkir uraqinakamppach katuntapkän ukanakasa akanakawa:

Josué 12:1 Jak'a apnaqawi uñst'ayäwi

1 Reyes 4:19

Uri ucan Geber yokapasti, Gad sat oraketa, ucasti amorreonacan Sihón sat reyipan orakepänwa, uqhamarac Basán ucanquir Og sat reyin orakeparaqui. Ucjjarusti mä gobernadoraw utjaraquïna take marcjjaru.

Salmos 133:3

Hermón kollut saraker sulla umjamawa, Sión kolljjar purir umar uñtataraquiwa. Ucawjaruw Tatitojj asquip apayani: ucasti wiñay jacañawa.

Salmos 136:21

Reyinacan orakenacap marcapar catuyiriru: qhuyapayasiñapajj wiñayawa.

Salmos 89:12

Jumaw amsta toksa, aynach toksa lurtajja, Tabor kollump Hermón kollumpejj cusisitaw sutim jach'añchapjje.

Isaías 16:2

Moab marcan jaquirinacasti Arnón sisqui uca chekanjja tapat jaltiri sustjat jamach'inacjamaw qhathatisipqui.

Números 21:13

Uca chekat sartawayasinjja Arnón sat jawir qhurcataruw sayt'apjjäna. Aca jawirasti wasarana jicjjatasiraqui, amorreonacan orakepatwa mistuniraqui, ucsti Moab orakempi, amorreonacan orakepampwa jaljaraqui.

Números 21:21

Israelitanacajj jakenacwa qhitapjjäna amorreonacan Sehón sat reyiparu aqham sañapataqui:

Números 21:24

Ucampisa israelitanacajj sayt'asipjjänwa, jupanacarusti atipjapjjaraquïnwa, ucatsti orakenacapwa catuntasipjjäna, Arnón jawirata Jaboc sat jawircama, uqhamarac amonitanacampi korpasqui uca chekcama, cawquïritejj wali suma sayt'ayatäna.

Números 32:19

Cunjämatejj nanacan orakenacajjajj Jordán jawir inti jalsu tokencqui, janiw nanacajj mayipcti orakenacjja Jordán jawirat maysa thiyarojja ni qhaysa chekanacarusa.

Números 32:32

Armantataw Canaán orakerojj maqhatapjjä Tatitu Diosaru ist'asina, ucampisa Jordán jawira inti jalsu toke orakenwa kheparapjjä, nanacan orakejjarjama —sasa.

Números 32:33

Uqhamaw Moisesajj churäna Gad, uqhamarac Rubén tribunacaru, chicat Manasés triburusa Sehón sat amorreo reyin orakenacapa, uqhamarac Og sat Basán reyin orakepa, take cawquïri marcanacatejj jupanccäna, take yapunacasa muyuntcäna ucanacampi chica.

Deuteronomio 2:24

‘¡Jichhasti sartasipjjam, sarantapjjam, uca Arnón jawirsa maqhatapjjaraquim! Nayaw uca amorreo Sehón sutini Hesbón marcan reyiparojj amparamar catuysma uqhamaraqui take marcapsa. ¡Orakepar mantapjjam ucatsti jupanacampejj nuwantasipjjaraquim!

Deuteronomio 2:32

“Sehón reyisti take ejercitopampiw jiwasampi jiquintasiñatac mistunïna, ucat Jahaza chekan nuwantasiñataqui.

Deuteronomio 3:1

“Ucatsti yakha thaquinjam sarapjjtan Basán toker sarasina, ucampis uca marcan Og sutini reyipajj takpach ejercitopampiw jiwasampi nuwantasiñatac mistunïna Edrei sat chekaru.

Deuteronomio 4:44

Aca yatichäwinacwa Moisesajj Israel marcaru churäna,

Deuteronomio 4:46

cunapachatï jupanacajj Jordán jawirat inti jalsu tokena jicjjatasipjjäna, cawquïri valle Bet-peor sat orake uñcatasincqui ucqhana; Sehón sat amorreonacan reyipan orakepana. Sehón reyisti Hesbón marcan jacäna, ucatsti Moisesampi Israel marcampiw juparu atipjapjjäna, cunapachatï israelitanacajj Egipto marcat mistunipcän ucqha.

Deuteronomio 4:48

Jupanacan orakenacapasti muytanïnwa Aroer chekata, Arnón jawira lacanacata, Sirión sat kollunaccama, cawquïr kollutï Hermón sutinïcaraquïna.

Josué 1:15

cunapachatï Tatitojj jilanacamaru samaraña churcani ucqhacama, cunjamtï jumanacarojj samarañ churapjjtam uqhama, uqhamaraqui jupanacasa uca oraketa dueñöpjjañapcama, cawquïr oraktejj Diosajj churcani ucata. Ucatsti jumanacajj puedjjapjjätawa orakenacamar cuttanjjaña, Jordán jawirat accataru, cawqharutejj Moisesajj churapjjtam ucqharu, ucat uca orakjja mäpita wiñayataqui catuntasipjjañamataqui.

Josué 11:17

Cawqhattï Halac sat kollojj Seir chekaru maqhatqui, Baal-gad chekacama, cawqhantï Líbano sat marcan pampanacapajj Hermón sat kollu thiyancqui, take uca orakenaca Josué chachajj catuntasïna reyinacapar jiwarayas cuna.

Josué 11:3

uqhamaraqui inti jalanta, inti jalsu token cananeo jaquir jakenaca, amorreonaca, hititanaca, ferezeonaca, kollu token jaquir jebuseo jakenaca, uqhamaraqui Hermón sat kollun jaquir jakenaca, Mizpa sat orakena jaquirinaca; take ucanacampiw arust'asiñ munäna.

Josué 13:8

Rubén, Gad, uqhamaraqui chicat Manasés tribunacajj Moisesatjja catokapjjänwa uca orakenacjja Jordán jawirat inti jalsu tokeru.

Josué 22:4

Diosajj arunacapjja phokhewa, uqhamaraquiwa jilanacamas samaraña jicjjatapjjaraqui. Jichhajj cutjjapjjam utanacamaru, orakenacamarusa, cawquïrtï Diosan sirviripa Moisesajj churapjjtam Jordán jawirat inti jalsu tokeru.

Jueces 11:18

Ucjjarojj wasarnäma sarasinsti Edom, Moab sat orakenacnämwa muytawayapjjta Moab chekata inti jalsu tokeru puriñcama, ucqharu purisinsti campamento waquichasjjapjjta Arnón sat jawirat mayscataru. Ucampis janiw uca jawira maqhatapcti uca chekata Moab sat orakenacajj kalltawayatap laycu.