Josué 12:1 - Qullan Arunaka DC

¹ Israelitanakax Jordán jawirat inti jalsu tuqin atipt'apkän uka reyinakax akanakawa, ukhamarak kawkïr uraqinaktix Arnón jawirat Hermón qullukama, Jordán qhirwat inti jalsu tuqinkir uraqinakamppach katuntapkän ukanakasa akanakawa:

Aymar Bibliia 1986

¹ Acanacaw Israel marcan atipjat reyinacajja, cawquïrinacatï Jordán jawirat inti jalsu token utjapcän ucanacajja, uqhamaraqui cawquïri orakenactï catuntapqui, Arnón sat jawirata Hermón sat kollucama take Jordán jawiran vallenac cuna.

Qullan Arunaca

¹ Acanacaw Israel marcan atipjat reyinacajja, cawquïrinacatï Jordán jawirat inti jalsu token utjapcän ucanacajja, uqhamaraqui cawquïri orakenactï catuntapqui, Arnón sat jawirata Hermón sat kollucama take Jordán jawiran vallenac cuna.

Josué 12:1 Jak'a apnaqawi uñst'ayäwi

1 Reyes 4:19

Urí chachan Guéber yuqapasti, Gad uraqinkir jaqinak apnaqäna, uka uraqin Sihón sat reyin markapax jikxatasïna, uka reyisti amorreonakan reyipänwa, Basán uraqin Og sat reyin uraqip apnaqarakïna. Ukhamarusa, taqpach marka apnaqirix, mä sapa jilïrikiw utjäna.

Salmos 133:3

Hermón qullut saraqir sulla umjamawa, Sión qullxar purir umar uñtatarakiwa. Ukham suman jakirinakarux Tatitux jaya pacha jakañ churi.

Salmos 136:21

Reyinakan uraqinakap markapar katuyiriru, munasiñapax wiñayawa,

Salmos 89:12

12 (13) Jumaw amsta tuqsa, aynach tuqsa lurtaxa; Tabor qullumpi, Hermón qullumpix kusisitaw sutim jach'añchapxi.

Isaías 16:2

Moab markan jakirinakaxa, Arnón jawir chiqnäma makhatasasti, tapat jaltiri mulljat jamach'inakjamäpxiwa.

Números 21:13

Uka chiqat sartawayasin Arnón jawir khurkataruw utjnuqtapxarakïna. Uka jawirax, wasarankiwa, Moab uraqimpi amorreonakan uraqipampi jaljaraki.

Números 21:21

Israelitanakax jaqinak khithäna amorreonakan Sehón reyipar akham sañapataki:

Números 21:24

Ukampis israelitanakax sayt'asipxänwa, jupanakarux atipjapxarakïnwa, ukatsti uraqinakap katuntasipxäna, Arnón jawirata Jaboc sat jawirkama, amonitanakan uraqipampi qurpaski uka chiqkama, uka uraqisti suma uyuchrantatänwa.

Números 32:19

Nanakax janiw jupanakamp kuna uraqsa Jordán jawirat khurkatankirit jaljasiñ munapkti, nanakan katuqäwixax akankiwa, jawirat inti jalsu tuqina.

Números 32:32

Wakichrantataw Tatitur jaysas Canaán uraqir makhatapxä, ukampis nanakax Jordán jawirat akkatan jakiriw kuttanxapxä. Akäniw nanakan uraqixaxa —sasa.

Números 32:33

Ukhamaw Moisesax Gad, Rubén ayllunkirinakaru, Manasesan chikat ayllupar uka uraqit churäna. Sihón sat amorreo reyin uraqinakapa, ukhamarak Og sat Basán reyin uraqipa, jupanakan markanakapampi, markanak muyuntir pampanakapampi.

Deuteronomio 2:24

Tatitusti sänwa: ‘¡Jichhasti sarantapxam, uka Arnón jawir makhatapxarakim! Nayaw uka amorreo Sihón sat Hesbón markan reyiparu, ukhamarak markaparusa jumanakar katuyapxäma. ¡Uraqip katuntasipxam, jupanakamp nuwasipxarakim!

Deuteronomio 2:32

“Sihón reyisti taqi ejercitopampiw jiwasamp jikintasir mistunïna, Jahas chiqan nuwasiñataki,

Deuteronomio 3:1

“Uka qhipatsti yaqha thakhinjam Basán tuqir sarapxtan, ukampis Edrei sat chiqar purisasti Basán marka apnaqir Og sutin reyipax taqpach ejercitopampiw jiwasamp nuwasir mistunïna.

Deuteronomio 4:44

Aka yatichäwinak Moisesax Israel markar churäna,

Deuteronomio 4:46

Jordán jawirat inti jalsu tuqin jikxatasipkän ukapacha, Bet-peor sat uraqi uñkatas qhirwana; amorreonakan Sihón sat reyipan uraqipana. Sihón reyisti Hesbón markan jakäna, ukatsti Moisesampi Israel markampiw jupar atipjapxäna, israelitanakax Egipto markat mistunipkän ukapacha.

Deuteronomio 4:48

Jupanakan uraqinakapasti Sirión sat qullut qalltäna, uka qullusti Hermón sutimpi uñt'atarakiwa. Aroer chiqata, aynach tuqir muytanïna, Arnón jawir thiyanakata, Pisgá sat qullukama. Ukatsti Mar Muerto sat quta sarakipäna, Arabá sat taqpach uraqinakampi. Uka chiqan Moisesax, Jordán jawirat inti jalsu tuqin israelitanakarux Tatitun kamachi arunakap katuyäna.

Josué 1:15

Tatitun jupanakaru samaraña churañapkama, kunjämtix jumanakar churapktam ukhama, kawkïr uraqtix Tatitux churkani uka uraqin jupanakankañapkama. Ukatsti jumanakax jawirat akkatanki uka uraqinakamaruw kuttanxapxäta, kawkharutix Tatitun luqtiripa Moisesax churapktam uka uraqi wiñayatak katuntasipxañamataki —sasa.

Josué 11:17

Halac sat qullut Seír tuqir makhatki ukkhata, Baal-gad chiqakama, ukasti Líbano pampanakankiwa Hermón qullu kayuna; Josué chachax uka chiqankir reyinakarux katuntasin taqiniruw jiwarayäna,

Josué 11:3

inti jalsu, inti jalanta tuqinkir cananeo, amorreo, hitita, ferezeo jaqinakampi, qullunakankir jebuseonakampi, Mispá uraqin Hermón sat qullunkir heveonakampi.

Josué 13:8

Rubén, Gad ayllunakampi, ukhamarak Manasés ayllunkir chikat jaqipampix, Jordán jawirat inti jalsu tuqiruw Moisesat uraqinak katuqapxäna.

Josué 22:4

Diosax arsutapar phuqhiwa, jilanakamas samarañ jikxatapxaraki, ukhamasti, utanakamar sarxapxam, kawkïr uraqtix Tatitun luqtiripa Moisesax Jordán jawirat inti jalsu tuqir churapktam uka uraqir kuttxapxam.

Jueces 11:18

Ukatsti, wasaranjam sarasinxa Edom, Moab uraqinak chiqa muytawayapxta, Moab chiqata inti jalsu tuqir puriñkama, ukatsti ukawjaruw utjnuqtapxta, Arnón jawirat mayskataru. Ukampis janiw makhatapkti, ukawjat Moab uraqinakan qalltatap layku.