Joel 1:18 - Qullan Arunaca

¹⁸ ¡Uywanacas wararipjjewa! Vacanacasti inamayaquiraquiw pastsa thakasipqui, ovejanacas tampacha tampacharaquiw jiwarasqui.

Aymar Bibliia 1986

¹⁸ ¡Uywanacas wararipjjewa! Vacanacasti inamayaquiraquiw pastsa thakasipqui, ovejanacas tampacha tampacharaquiw jiwarasqui.

Qullan Arunaka DC

¹⁸ ¡Uywanakasti wal wararipxi! Vacanakas inamayakiw chhuxllanak thaqhasipki; oveja tamanakas tampacharakiw jiwaraski.

Joel 1:18 Jak'a apnaqawi uñst'ayäwi

1 Reyes 18:5

Acab reyisti Abdías mayordomoparojj sänwa: —Sartasim, sarañäni orakpacha muytiri, uqhamarac uma jalsunaca, jawiranaca uñjiri, inacha jicjjatsna pastonaca caballonacaru, mulanacaru jacayascañataqui. Jan uqham lurcañäni ucasti, jan uywaniwa kheparañäni —sasa.

1 Reyes 8:5

Salomón reyimpi, uqhamarac take israelita jakenacampi tantachasipcäna ucqhajja, arca nayrakatancapjjänwa sacrificionaca loktasina waljpacha ovejanaca, toronaca janiw jact'añjamäcänti.

Jeremías 12:4

¿Cunapachcamas orakejj wañäni, pampanacan koranacas wañsuscaraquini? Animalanacasa, jamach'inacasa jiwarasipquiwa, aca marcan jaquir jakenacan ñankha luratanacap laycu, jupanacasti janiw luratanacapjja jumajj uñjcasmas uqham amuyapquiti.

Oseas 4:3

Ucatwa aca marcajj lutt'at sarnakasqui; aca marcan jaquirinacasti jan ch'amaniquëjjapjjewa; pampanquir animalanacasa, jamach'inacasa, jach'a kotanquir chawllanacasa jiwarjjapjjaquiwa.

Joel 1:20

Pampanquir animalanacas jumaruw art'asinipjjtam, jawiranacan umanacas wañsjjatap laycu, ninasti pastonacjja k'alwa nacsuwayjjaraqui.

Amós 1:2

Saraquïnwa: “Cunapachatï Tatitojj Jerusalén marcana, Sión kolluta wali jach'a arumpi art'i ucapachajj uywa mank'aña pastonacas pharsuwa, Carmelo sat kollusti k'alaw wañsuraqui.”

Habacuc 3:17

“Janisay higo kokanacajj pankarcpan, janisay uva alinacas, olivonacas achcpan; yapunacas janisay achunac churcpan; ovej tamanacas k'alasay tucusiscpan, janisay uywanacajj uyunacan utjcjjpan,

Hageo 1:10

Ucatwa jumanacataquejj jallojj jan purquiti, ni orakes achu churcaraquiti.

Romanos 8:22

Jichhürcamajj yattanwa cunjämtejj aca Diosan lurat orakejj wal t'akhisisqui, cunjämtejj mä wawachasir warmejj wararisqui uqhama.