Jeremías 9:18 - Qullan Arunaca

¹⁸ ¡Jïsa, janc'aqui jutapjjpan, ucatsti jiwasat wararipjjpan; nayranacasasti jachampi phokhantatäpan, nayra mankhanacasansti jachajj jilarquiriraquïpan!

Aymar Bibliia 1986

¹⁸ ¡Jïsa, janc'aqui jutapjjpan, ucatsti jiwasat wararipjjpan; nayranacasasti jachampi phokhantatäpan, nayra mankhanacasansti jachajj jilarquiriraquïpan!

Qullan Arunaka DC

¹⁸ 18 (17) ¡Jïsa, jank'ak jutapxpan, ukatsti jiwasat jachapxpan; nayranakasasti jachampi phuqhantatäpan, ajanunakasansti jachax warasirakpan!

Jeremías 9:18 Jak'a apnaqawi uñst'ayäwi

Salmos 119:136

Umjamaw jachajj nayranacajjat warasi, yatichäwiman jan yäkatätap laycu.

Isaías 22:4

Ucatwa sistjja: “Jithektapjjam nayatjja, chuyma cawcst'ataw jachañ munta, marcajjan aynacht'atapatsti jan chuymachapjjestati.”

Jeremías 13:17

Jumanacatejj jan ist'asipcätajja, jumanacan jach'a jach'a tucupjjatamatjja jamasan jacharaquï; nayranacajjatsti jachanacaw sararaquini, Tatitun tamaparu preso apasjjapjjatap laycu.

Jeremías 14:17

Jakenacarusti saraquim: ‘Nayranacajjatjja, jachanacajj uruy aruma sarpan, jan t'act'asa, marcajjan jach'a aynacht'äwip laycu, jach'a chhojjrip laycuraqui.

Jeremías 3:24

Yakha diosanacar mä p'enka yupaychatasajja, cuntejj awquinacasajj wawäcäyätan ucapacha jicjjatapcatayna uca apt'asiyistu; ovejanaca, uywanaca, uqhamaraqui yokall, imill wawanacsa.

Jeremías 3:25

Jichhajj amuqui p'enkasiñatsa alt'asipjjañäni, mä p'enkan imjjatatjama, jiwasasti wawatpacha jichhacamajja, awquinacasasa juchanacacwa Dios Tatitutaquejj lurtanjja, janiraquiw juparojj jaysctanti.”

Jeremías 4:20

Jan walt'añanacat yatiyäwinacaw puriniraqui; take marcpachaw jichhajj t'unjataraqui. Campamentonacajjas acatjamat t'unjataw uñjasipjje, carpanacajjas k'ala t'unjatapuniwa.

Jeremías 6:26

¡Marcajja, jichhajj chhanqha isinacampi isthapisim t'akhesitam uñacht'ayañ laycu; khellaru sunt'suraquim, luto isinacampi isthapisim, wal jacharaquim, cunapachatejj mä sapa yokall wawajj jiwquis uqhama; jiwasaru t'unjiristi janc'aquiw jutaraquini jiwasanacar t'unjañataqui!

Jeremías 7:29

¡Jerusalén, ñic'utam mururasim ucatsti liwtam! ¡Wasara kollu patanacansti llaquiscañ k'ochunac k'ochuraquim! Tatitusti jakenacamataquejj coleratawa, apanucjjaraquiwa, jaytjjaraquiwa.

Jeremías 9:1

¡Nayranacajjan jachapajj mä uma jalsjamäspa, walja jaliri umanacjama, uqhamat uruy aruma jachañajjataqui, marcajjan jiwarat jakenacatjja!

Jeremías 9:10

“Jachapjjam, aykopjjaraquim kollunacatjja, suma ch'ojjña orakenacatsti jachasisa k'ochupjjam, ucanacasti k'ala naqhantatäjjiwa, janiraquiw qhitis uca cheka pascjjeti, janiraquiw uywanacan wararitapas ist'ascjjeti, jamach'inacasa, monte animalanacasa jayaruw sarjjapjjatayna.

Jeremías 9:20

Warminaca, Tatitun arunacapa ist'apjjam, cuntejj siscani ucanacsti suma isch'uquipjjam. Wawanacamarusa jachañ yatichapjjam, amiganacaparusti aqhama warariñaraqui:

Lamentaciones 1:2

Arumanacasti jachcäwiw tucusiscaraqui; ajanunacapansti jachaquiw jalascaraqui. Take munirinacapasti janiw maynis jupar chuymachirejj utjquiti. Take amigonacapasti mayswa uñtjjapjje, uñisirinacapaw tucjjaraqui.

Lamentaciones 2:11

Jachcäwisa nayrajj usjjetuwa, chuymas waystañjamacwa munjjetu. Jakenacajjan marcapa t'unjata uñjasajja, callenacan wawanacaru mank'atjama jiwarasquiri uñjasasa janiw ch'amajj utjcjjetuti.

Lamentaciones 2:13

Suma muncaña Jerusalén marca, ¿cunampiraqui jumarusti chicachasiyirisma? Suma muncaña Sión marca, ¿cunampiraqui jumarusti chuymachirisma? Juman t'unjäwimasti jach'a kotar uñtata jach'araquiwa; ¿qhitirac jichhasti jumaru chuymachiristamsti?

Lamentaciones 2:18

Suma Sión marca, Tatitut yanapa mayim. ¡Jachanacamasa jawirar uñtata uruy aruma jalarayam! ¡Jachascaquim jan samart'asa, nayranacamasa janiraqui samarpati!

Lamentaciones 3:48

Nayranacajjatsti jachajj umjamaw jalaraquitu, nayan munat marcajja t'unjata uñjasajja.

Amós 5:16

Aqham siw take ch'amani Tatitu Diosajja: “Take plazanacanwa jachañajj utjani, take callenacanwa warariñajj utjani, pampan utjirinacarusti llaquisiñaruraquiw jawsapjjani, uqhamarac jachiri jakenacarusti jachañaruraqui.

Lucas 19:41

Jerusalén marca jac'ar purisinsti, Jesusajj marca uñjasinjja jachänwa,