Jeremías 7:26 - Qullan Arunaca

²⁶ Ucampisa jumanacajj janiw nayarojj jaysapquistati, ni ist'apcaraquistasa, jan ucasti juc'ampi khoru chuymaniw sarnakapjjtajja nayra awquinacamatsa juc'ampi.

Aymar Bibliia 1986

²⁶ Ucampisa jumanacajj janiw nayarojj jaysapquistati, ni ist'apcaraquistasa, jan ucasti juc'ampi khoru chuymaniw sarnakapjjtajja nayra awquinacamatsa juc'ampi.

Qullan Arunaka DC

²⁶ Ukampis jumanakax janiw nayarux jaysapkistati, janiw ist'apkarakistasa, jan ukasti, nayra awkinakamat sipansa juk'ampi qhuru chuymaniw tukupxtaxa.

Jeremías 7:26 Jak'a apnaqawi uñst'ayäwi

1 Reyes 14:22

Ucampis Roboaman luratanacapajj janiw walïcänti Tatitun nayrakatapana, ucatsti juc'ampwa colerayäna nayra awquinacapana jucha luratanacapata sipansa.

1 Reyes 14:9

ucampis jumajja jan waliwa sarnaktajja, jumat nayräpqui ucanacat sipansa juc'amp jan wali; jumasti nayar colerayañataquiwa yakha diosanaca lurastajja, uqhamarac yakhan lantinacapa hierro umatatayasina, ucatsti nayarojj jisc'achistawa.

2 Reyes 17:14

Ucampis jupanacajj janiw ist'añ munapcänti, jan ucasti kala chuymaniw tucupjjäna nayra awquinacapjama, jupanacasti janiw Tatit Diosapar iyawsapcänti.

2 Reyes 17:15

Uqhamarac jupanacajj jisc'achapjjaraquïnwa leyinacaparu, uqhamarac nayra awquinacapampi suma parlt'äwiru mantapcäna ucanacsa, camachi arunaca jupanacar churatäcäna ucanacsa. Ucjjarusti inamaya yakha diosanacan khepapwa arcapjjäna. Ucatsti jupanacpachawa inamayaru puripjjäna, jupanacar muytqui uca maya marcanacar uñtata, Tatitojj ucanacatracwa ewjjawayäna: “Janiw jupanacjamajj lurätati” sasa.

2 Crónicas 30:8

Uca laycu jumanacasti janiy nayra awquinacamjama jan ist'asiri tucupjjamti, Tatitumpejj sumancjjapjjam wasitata suma amtäwiru jupamp mantañataqui, ucatsti jutjjapjjam santuarioparu, jupasti wiñayataquiwa uca santuario yakhachasi. Jumanacasti Tatit Diosamar sirvipjjam, jupasti janiw jumanacataquejj colerascjjaniti.

2 Crónicas 33:10

Tatitusti Manasés reyirojj parlänwa, uqhamarac marcaparusa, ucampis janiw jupar ist'apcänti.

2 Crónicas 33:23

Ucampis jupajj janiw Tatitun nayrakatapana jisc'ar tuct'cänti Manasés awquipjama, jan ucasti juc'ampiw juch luräna.

Nehemías 9:29

Jumasti jupanacarojj ewjjt'äyätawa leyinacama phokhapjjañapataqui; ucampis jupanacajja walicjamacwa amuyasipjjäna, ucatsti janiw arunacamarojja ist'apcänti. Ucatsti jupanacajj janiw phokhapcänti camachi arunaca, qhitinacatejj phokhasina jacaña jicjjatapjjañanacapäcäna ucjja; jupanacajj juma contraw tucupjjäna, uqhamarac chuymanacapa kalarayasisa janiw ist'apcänti.

Proverbios 29:1

Qhititejj chekachatajj jan ist'asiñ munqui ucajja, mäquiwa tucjatäni jan mayampitaqui.

Isaías 48:4

Cunjämtejj nayajj juman jan ist'asirïtam yatiyätjja, mä fierror uñtata wali ch'ollkhëtawa, broncer uñtata jan c'umt'cayaraquïtawa,

Isaías 5:4

¿Cunampicha uva yapojjaru waquisïnjja lurañajja? ¿Cuncha nayajj jan ucajj armpachätjja? Nayajj suma mojjsa uvanacan achuñapwa suyascäyätjja, ¿cunatarac uqhamasti c'allc'u uvanac achusti?

Jeremías 11:8

Ucampisa janiw nayarojj jaysapquituti, ni ist'apcaraquitusa, jan ucasti chuymanacapan jan wali amtatanacaparuquiw arcjjapjje. Cuntejj nayajj jupanacaru siscäyät uca arunacsti janiw phokhañ munapcänti, ucatpï jupanacjjarojja cuntejj arust'äwin yatiycäyäta uca mutuyäwi apayantjja.’ ”

Jeremías 16:12

Jumanacasti uca nayra awquinacamat sipansa juc'ampi jan walïpjjtawa, sapa maynisa chuymanacapan jan wali amtatanacaparuquiwa arcjjapjje, janiraquiw nayarojj ist'apquituti.

Jeremías 17:23

Ucampisa jupanacajj janiw nayarojj ist'apquitänti, ni jaysapcaraquitänsa, jan ucasti jupanacajj kala chuymanïpjjänwa, janiw nayar ist'añjja munapcänti ni yatekañsa munapcaraquïnti.

Jeremías 19:15

“Israelan take ch'amani Dios Tatitupajja aqham siwa: ‘Aca marcarojja uqhamaraqui yakha jac'anquiri marcanacarusa, cuna mutuyäwtejj jupanacataqui arscta ucwa apayanëjja, cuna arunactejj nayajj arscäyäta uca arunacataqui c'ullusipjjatam laycu, janiraqui uca arunacaru jaysapjjatam laycu.’ ”

Jeremías 22:21

Cunapachatejj jumajj wali suma sarnakascäyäta ucapachaw nayajj jumarojj parlsma, ucampis janiw ist'añ munctati. Wayna cancañamatpacha uqhampuniw sarnaktajja; ¡arunacajj ist'añsti janipuniw munctati!

Jeremías 25:3

“Cunapachatejj Amón jaken yokapa Josiasajj Judá orake tunca quimsani mara apnakascäna ucat jichhacamajja, niya pä tunca quimsani maranacaw pasjje, Tatitusti nayaruw parlitäna, nayasti jumanacarojj mayampi mayampwa parlapjjaracsma, ucampisa jumanacajj janiw nayarojj ist'apquistati.

Jeremías 25:7

Ucampisa jumanacajj janiw nayarojj ist'añ munapquistati, jumanac pachpan lursusita diosanacaru yupaychasaw nayarojj colerjayapjjesta; take ucasti jumanacatac pachpa jan walïniwa. Tatituw ucjja arsu.’

Jeremías 26:5

uqhamaraqui nayar sirviri profetanacan arunacaparusa janiraqui ist'apcaniti, uca profetanacsti nayajj mayampi, mayampwa qhitanta, jumanacasti jupanacarojj janiw ist'apctati,

Jeremías 29:19

Jumanacajj janiw nayar sirviri profetanacajj cuna arunactejj ewjjapctam uca arunacarojj ist'apctati uca laycu, nayasti mayampi mayampwa jumanacarojj uca profetanacjja qhitanipjjaracsma, ucampis jumanacajj janiw jupanacarojj ist'apctati. Naya Tatituw ucjja arsta.

Jeremías 3:13

Juchamaqui uñt'asim, Dios Tatitutaquiw sayt'astajja, yakha munirinacan khepap jalaractajja, take jach'a kokanac c'uchuru, arunacajjsti janiw ist'caractati. Naya Tatituw ucjja arsta’ ” sasa.

Jeremías 32:23

Ucampisa cunapachatejj jupanacajj aca orakeru mantanipjjän ucapachasti, aca oraksa catuntasipjjän ucapachasa, janiw jumarojj ist'apcäyätamti, uqhamaraqui cuna arunactejj siscäyäta ucanacsa janiw phokhapcaraquïyätamti, take cuntejj jumajj jupanacaru siscäyäta uca arunacsti janiw catokapcänti. Ucatwa jichhajj take aca t'akhesiñanac apayantajja.

Jeremías 34:14

Jupanacarojj saraquiyätwa: Sapa pakallko mara pasjjepanwa, cawquïri hebreo jaketejj jupa pacha aljasi ucatsti sojjta mara sirviraqui ucarojj antutjjapjjätaw sasa. Ucampisa nayra awquinacapajj janiw nayarojj ist'apquitänti, ni jaysapcaraquitänsa.

Jeremías 35:15

Nayar sirviri profetanacajjarusti mayampi mayampwa qhitanipjjsma jumanacaru aqham sañapataqui: Uca jan wali sarnakäwinacamsa uqhamaraqui jan wali luräwinacamsa apanucupjjam. Janiraqui yakha diosanacan khepapsa sarjjapjjamti ni ucanacarusa yupaychapjjaraquimti, uqhamatwa cuna oraktejj nayajj jumanacarusa uqhamaraqui nayra awquinacamarus churcäyät ucan jacasipjjätajja sasa. Ucampisa janiw jumanacajj nayan arunacajjarojj jaysapcäyätati ni ist'apcaraquïyätasa.

Jeremías 35:17

Ucatwa, naya Israel Diosapa take ch'amani Diosajj sistjja: Judá oraken uqhamaraqui Jerusalén marcan utjasiri jakenacjjarojja cunayman jan walinacwa apayanëjja, cuntejj jupanacaru yatiycta take ucanaca. Nayasti jumanacarojj parljjayapjjsmawa, ucampis jumanacajj janiw nayarojj ist'apquistati, jumanacarojj jawsapjjsmawa, ucampis jumanacajj janiw jaysapquistati.’ ”

Jeremías 44:16

“Cuna arunactejj jumajj Tatitu toket apanipjjesta ucanacarojj janiw ist'apcäti.

Jeremías 5:3

Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Jeremías 6:10

Nayasti saractwa: “¿Qhitirac ist'itani, nayan parlatajjarusti, uqhamaraqui aca yatiyäwi churatajjarusa? Tata, jinchunacapajj lluphantatawa, janiw ist'apcaraquiniti; arunacamatsti larusipjjaraquiwa, Arunacamsti janiw munapcaraquiti.

Jeremías 6:17

Tatitusti uñjirinac uscu, marcarusti saraquiwa: “Cuna unañchäwtejj churapcäma ucar sum suyapjjam” sasa. Ucampisa marcajj siwa: “Janiw nanacajj ist'apcäti” sasa.

Jeremías 7:24

Ucampisa janiw nayarojj ist'apquituti ni jaysapcaraquitusa, jan ucasti kala chuymanacapar jaysasaquiwa ñankha lurañanacaru catuyasjjapjjejja. Nayaru uñtañcamayasti, nayatjja maysaruw uñtapjjänjja.

Jeremías 9:13

Tatitusti ucjjarojj siwa: “Take acanacasti pasiwa, Israelitanacajj take yatichäwinacajj apanucupjjatap laycu, janiw nayarojj ist'apquitänti, janiraquiw yatichäwinacajjarjamas sarnakapcänti.

Ezequiel 12:2

“Jumasti jake, mä khoru marca taypinwa jactajja. Jupanacajj nayranïsipquiwa, ucampis janiw uñjapquiti,

Ezequiel 12:3

jinchunïsipquiwa, janiw ist'apquiti, khoru, naya toke sayt'asir marcanacäjjatap laycu.

Ezequiel 20:30

“Israel marcarojj saraquim: ‘Aqham siw Tatitojj: ¿Cunataraqui jumanacasti nayra awquinacamjamaraqui k'añuchasiñ munapjjta? ¿Cunataraqui nayarusti jan take chuymampi arcasa uca ajjtascañ yakha diosanacaru yupaychapjjtasti?

Daniel (hebreo) 9:6

Jumar sirviri profetanacamarusti jan ist'asaw sarnakapjjaracta, jupanacasti juman sutimjjaruw nanacan reyinacajjaru parlapjjaraquïna, jilïrinacajjarusa, nayra awquinacajjarusa, take Israel marcarusa.

Oseas 11:7

Uqhampachas marcajjajj nayat jayancañjja munascaquiwa; arnakasisipcaraquiwa, ucampis janiw qhitis jupanacan arnakasitapjja ist'quiti.

Zacarías 7:11

Ucampis marcajj janiw ist'asiñ munquiti. Takeniw cutt'awayjjapjje, okararaquiw tucupjje.

Malaquías 3:7

Jumanacasti awquinacamatpachwa nayan camachi arunacajjat saranucupjjtajja, janiraquiw phokhapcaractati. Naya take ch'amani Diosaw sapjjsma: ‘¡Nayaru cuttanjjapjjam ucatsti nayajj jumanacaru cuttanjjaraquïwa!’ Ucampisa jumanacajj sapjjtawa: ‘¿Cunatsa nanacajj jumaru cuttanipjjämajja?’ sasa.

Mateo 21:38

Yokapar uñjasasti yapuchirinacajj aqham sapjjänwa: ‘Acajjay herencia catokerejja. Jupajjay aca yapu herenciat catokchinejja. Jiwayapjjañäni ucat jiwasanac yap catusjjañäni’ sasa.

Mateo 23:32

¡Jichhajj tucuyapjjamay cuntejj jumanacan awquinacamajj kalltawaycäna ucjja!

Hechos 7:51

“Estebanajj sascaquïnwa: Jumanacajj sinti kala chuyman jakenacäpjjapuntawa. Jinchunacamasa Diosar jan uñt'ir jakenacanjamawa. Jumanacajj Kollan Ajayu conträpjjaractawa, cunjamäcäntejj awquinacamajj uqhamaraquïpjjtawa.

Romanos 2:5

Wali kala chuymanïtawa, janiraquiw uca jan wali luratanacamsa apanucuñ munctati. Ucatpï jichhajj juma pachpataqui uca jan wali luräwinacjja wal montonasctajja, cunürutejj Diosan chekapar taripañ urojj purincani ucürutaqui.

Deuteronomio 8:20

Cunjämtï Diosajj t'unjcani cawquïri marcanacatï sarnakäwinacaman jicjjatasini ucanacarojja, uqhamaraquiw jumanacajj t'unjatäpjjäta Tatitu Diosar jan ist'atanacam laycu.