Jeremías 7:26 - Qullan Arunaka DC

²⁶ Ukampis jumanakax janiw nayarux jaysapkistati, janiw ist'apkarakistasa, jan ukasti, nayra awkinakamat sipansa juk'ampi qhuru chuymaniw tukupxtaxa.

Aymar Bibliia 1986

²⁶ Ucampisa jumanacajj janiw nayarojj jaysapquistati, ni ist'apcaraquistasa, jan ucasti juc'ampi khoru chuymaniw sarnakapjjtajja nayra awquinacamatsa juc'ampi.

Qullan Arunaca

²⁶ Ucampisa jumanacajj janiw nayarojj jaysapquistati, ni ist'apcaraquistasa, jan ucasti juc'ampi khoru chuymaniw sarnakapjjtajja nayra awquinacamatsa juc'ampi.

Jeremías 7:26 Jak'a apnaqawi uñst'ayäwi

1 Reyes 14:22

Judá uraqi markachirinakax jan walinak Tatitun nayraqatapan lurapxäna, nayra awkinakapan jucha luratanakapat sipansa juk'amp juchachasipxäna, ukasti walpun Tatitur q'apisiyäna.

1 Reyes 14:9

ukampis jumax, jumat nayräpki uka reyinakat sipan juk'amp jan walpun sarnaqtaxa; jumax, nayar q'apisiyañatakix, hierro umatatayasin yaqha diosanaka, yaqha uñtasitanak lurastaxa, nayarusti jisk'achistawa.

2 Reyes 17:14

Ukampis jupanakax janiw ist'añ munapkänti, jan ukasti nayra awkinakapjamarakiw Tatit Diosapar jan iyawsas chuymanakap qalarayasipxäna;

2 Reyes 17:15

kamachinakaparusa, nayra awkinakapamp lurkatayna uka arust'äwirus jisk'achapxänwa. Ukhamarus jan yäqkañ yaqha diosanakan qhipap arkapxäna, ukham lurasaw jupanakax mä jan yäqkañ markar tukupxäna, jupanak jak'ankir markanakan luräwinakap yatiqasipxäna, kuntix Tatitux ukanak jan lurapxañapatak siskchïna ukasa.

2 Crónicas 30:8

Jichhasti, janiy jumanakax nayra awkinakamjam jan ist'asiri tukupxamti; amparanakam Tatit tuqir luqtapxam, wasitat suma arust'äwir jupamp mantañataki, qullan utapar jutapxam, jupaw wiñayatak yaqhachasi. Tatit Diosamar yupaychapxam, jupasti janiw jumanakatak q'apisitäkxaniti.

2 Crónicas 33:10

Tatitux Manasés reyimpiru, markapampiruw parläna, ukampis janiw jupar yäqapkänti.

2 Crónicas 33:23

Ukampis jupax janiw Tatit nayraqatan jisk'ar tukt'känti, kamisatix Manasés awkipax jisk'ar tukt'käna ukhama, jan ukasti juk'ampiw juch luräna.

Nehemías 9:29

Jumax kamachinakam wasitat phuqhapxañapatakiw jupanakar iwxt'äyätaxa; ukampis jupanakax walikjamak amuyasipxäna, ukat kamachinakamarux jan jaysapkänti; kamachinakarjam sarnaqirinakar jakañ churir arsutanakamaruw ñanqhachapxäna; jupanakax jumatakiw sayt'asipxäna, chuymanakap qalarayasisax janiw ist'apkänti.

Proverbios 29:1

Chiqachäwi jan katuqañ munir jaqix, jan mayampitakiw tukjat uñjasini.

Isaías 48:4

Kunjämtix nayax juman jan ist'asirïtam yatkäyätxa, mä fierror uñtat wali ch'ullqhïtawa, broncer uñtata jan k'umt'kayätawa,

Isaías 5:4

¿Kunampich uva yapuxar lurañax wakisïnxa? ¿Kuncha jan lurkpachätxa? Nayax suma muxsa uvanakan achuñap suyaskäyätxa, ¿kunatarak ukhamasti k'allk'u uvanakak achusti?

Jeremías 11:8

Ukampis janiw nayarux jaysapkituti, janirakiw ist'apkitusa, jan ukasti chuymanakapan jan wali amtatanakaparukiw arkxapxi. Janiw nayan arsut arunakar phuqhañ munapkänti, ukatpï jupanakxarux kuntix arust'äwin yatiykäyäta uka mutuyäwi apayantxa.’ ”

Jeremías 16:12

Jumanakasti uka nayra awkinakamat sipansa juk'ampi jan walïpxtawa, sapa maynis chuymapan jan wali amtatanakaparukiw arki, janirakiw nayarux ist'kituti.

Jeremías 17:23

Ukampis jupanakax janiw nayarux ist'apkitänti, janirakiw jaysapkitänsa, jan ukasti jupanakax qala chuymanïpxänwa, janiw nayar ist'añ munapkitänti, janirakiw yatiqañsa munapkänti.

Jeremías 19:15

“Israelan taqi ch'aman Dios Tatitupax akham siwa: ‘Aka markampiru, jak'ankir yaqha markanakampirusa, kuna mutuyäwtix jupanakatak arskta uk apayanï, kuna arunaktix nayax arskäyäta uka arunakar k'ullusipxatapata, janirak uka arunakar jaysapxatap layku.’ ”

Jeremías 22:21

Suman sarnaqapkäyätas ukapachaw nayax jumanakar parlxayapxsma, ukampis janiw ist'añ munapkistati. Wayna kankañamatpach ukhampun sarnaqapxtaxa: ¡arunakax ist'añsti janipuniw munapktati!

Jeremías 25:3

“Kunapachatix Amón jaqin yuqapa Josiasax Judá uraqi tunka kimsan mara apnaqaskäna ukat jichhakamaxa, niya pä tunka kimsan maranakäxiwa, Tatitusti ukkhatpachaw nayarux parlitäna, ukatsti nayax jumanakarux mayamp mayampi parlapxaraksma, ukampis jumanakax janiw nayarux ist'apkistati.

Jeremías 25:7

Jichhasti Tatitux siwa: ‘Jumanakax janiw nayarux ist'añ munapkistati; jumanak pachpan lursusit diosanakar yupaychasaw nayar q'apisiyapxista; taqi ukasti jumanakatak pachpa jan walïniwa’ sasa.

Jeremías 26:5

nayar luqtir profetanakan arunakaparus janirak ist'apkani, uka profetanaksti nayax mayamp mayampi khithanta, jumanakasti jupanakarux janiw ist'apktati,

Jeremías 29:19

Jumanakax janiw nayar luqtiri profetanakan iwxt'a arunakapar ist'apktati, nayasti mayamp mayampi jumanakarux uka profetanak khithanta, ukampis jumanakax janiw jupanakarux ist'apktati. Naya, Tatituw uk arsta.

Jeremías 3:13

Jucha luratamaki uñt'asim, Dios Tatitur saykatatam uñt'asirakim; yaqha diosanakan qhipap jalatama, jach'a quqanak k'uchunakan, uka diosanakarux yupaycharaktaxa, arunakaxarus janirakiw ist'ktati. Naya, Tatituw uk arsta.’ ”

Jeremías 32:23

Ukampis kunapachatix jupanakax aka uraqir utjantañatak mantanipkäna ukapachasti, janiw jumarux ist'apkäyätamti, kuna arunaktix siskäyäta ukanaksa janirakiw phuqhapkäyätamti. Ukat jichhax taqi aka t'aqhisiñanak apayantaxa.

Jeremías 34:14

Jupanakarux sarakïyätwa: Sapa paqallqu mara saraqatarusti, kawkïr hebreo jaqitix jupa pacha aljasi ukatsti suxta mara luqtaraki ukarux antutxapxätawa sasa. Ukampis nayra awkinakamax janiw nayarux ist'apkitänti, janirakiw jaysapkitänsa.

Jeremías 35:15

Jumanakan ukarusti, nayan profetanakaxarux mayamp mayampi khithanipxsma jumanakar sañapataki: ‘Uka jan wali sarnaqäwinakama, jan wali luräwinakam apanukupxam. Janirak yaqha diosanakan qhipapsa sarapxamti, ukanakarus yupaychapxamti, ukhamat kuna uraqtix nayax jumanakarusa, nayra awkinakamarus churkäyäta ukan jakasipkakïta’ sasa. Ukampis jumanakax nayan arunakaxarux janiw jaysapkistati, ist'apkarakistasa.

Jeremías 35:17

Ukat naya, Israelan Diosapa taqi ch'aman Tatitux sistxa: Judá uraqina, Jerusalén markan utjasir jaqinakxaruxa kunayman jan walinak apayanï, kuntix jupanakar yatiykäyäta taqi ukanaka. Nayasti jumanakarux parlxayapxsmawa, ukampis janiw nayarux ist'apkistati, jawsapxsmawa, ukampis jumanakax janiw jaysapkistati.’ ”

Jeremías 44:16

—Janiw nanakax ist'apkäti Tatitun sutiparu yatiyapkista uka arunakamaru.

Jeremías 5:3

Tatay, jumax chiqa chuyman jaqinak thaqtaxa. Mutuytawa, ukampis janiw usuyasipkiti; aynacht'aytawa, ukampis janiw yatiqañ munapkiti. Chuymanakapsa qalat sipan juk'ampi qalarayasipxi, janirakiw chiqa thakhir kuttaniñsa munapkiti.

Jeremías 6:10

Nayasti saraktwa: “¿Khitirak ist'itani aka yatiyäwixarusti? Tatay, jinchunakapax llupantatawa, janiw ist'irjamäpkiti; arunakamatsti larusipxiwa, janiw arunakam munapkiti.

Jeremías 6:17

Tatitusti uñjirinak usku, markarusti sarakiwa: “Kuna unañchäwtix churapkäma uk sum amuyapxam” sasa. Ukampis markax siwa: “Janiw nanakax ist'apkäti” sasa.

Jeremías 7:24

Ukampis janiw nayarux ist'apkituti, janiw jaysapkarakitusa, jan ukasti qala chuymanakapar jaysasakiw ñanqha lurañanakar katuyasipxi. Nayan ukar kuttaniñat sipansa, maysaruw uñtapxi.

Jeremías 9:13

13 (12) Tatitusti ukxarux siwa: “Israelitanakan taqi yatichäwinakax apanukupxatapata, nayar jan ist'apxatapata, yatichäwinakaxarjam jan sarnaqapxatapat taqi akanakax ukham lurasiski.

Ezequiel 12:2

“Ezequiel, jumax saykatasir marka taypin jaktaxa. Jupanakax nayranïsipkiwa, ukampis janiw uñjapkiti, jinchunïsipkiwa, ukampis janiw ist'apkiti, saykatasir markätap layku.

Ezequiel 12:3

Ukhamax jaya markar apayatäñatak kunatix wakiski ukanak wakicht'asim, ukatsti taqinin uñjkata urpach utamat mistxam, ukatsti yaqha chiqar sarxam; inas ukhamat nayar saykatir markätapat amuyasipxchini.

Ezequiel 20:30

“Israel markarux sarakim: ‘Tatitux akham siwa: ¿Kunatarak jumanakasti nayra awkinakamjam q'añuchasiñ munapxtasti? ¿Kunatarak nayar taqi chuymampi jan arkasa uka axtaskañ diosanakar yupaychapxtasti?

Daniel (hebreo) 9:6

Jumar arkir profetanakamar jan ist'asaw sarnaqapxta, jupanakax juman sutimxaruw nanakan reyinakaxaru, jilïrinakaxaru, nayra awkinakaxaru, taqi Israel markarus parlapxarakïna.

Oseas 11:7

Ukhampachas markaxax nayat jayankañ munaskakiwa; diosanakarus art'asisipkakiwa, ukampis janiw khitis jupanakar yanapt'irix utjkiti.

Zacarías 7:11

Ukampis markax janiw kun ist'añsa munkiti. Taqiniw kutiqtawayxapxi, uqaraw tukupxaraki.

Malaquías 3:7

Jumanakax awkinakamjamarakiw nayan kamachi arunakaxat saranukupxtaxa, janiw kamachinak phuqhañ munapkaraktati. Naya, taqi ch'aman Tatituw sapxsma: ¡Nayar kuttanxapxam, nayasti jumanakar kuttanxarakïwa! Ukampis jumanakax sapxtawa: ‘¿Kunatsa nanakasti jumar kuttanipxäma?’ sasa.

Mateo 21:38

Yuqapar uñjasasti, yapuchirinakax jupanakkamaw arust'asipxäna: ‘Akaxay uraqi katuqirixa, jiwayapxañäni ukatsti uraqipax jiwasankxaniwa’ sasa.

Mateo 23:32

¡Jichhax kuntix nayra awkinakamax lurañ qalltawaykatayna uk lurañ tukuyapxam!

Hechos 7:51

Estebanasti parlañ janïr tukuykasax, saskakïnwa: “Jumanakax qala chuymani, jan ist'asir jaqinakäpxapuntawa. Jumanakax Qullan Ajayutakix sayt'asipxapuntawa. Kunjamäkäntix nayra awkinakamax ukhamäpxaraktawa.

Romanos 2:5

Ukampis jumax qala chuymanïtam layku, Diosar makhatañ jan munatam laykux, juma pachpaw mutuñ urutakix mutuyäwi katuqañatak wakichasisktaxa, kunapachatix Diosax chiqpach juchañchir uñstankani,

Deuteronomio 8:20

Kamisatix Diosax markanakar jumanak nayraqatan t'unjkani ukhamarakiw jumanakax t'unjat uñjasipxäta, Tatit Diosamar jan ist'apxatamata.