Jeremías 6:19 - Qullan Arunaca

¹⁹ Jumas, orake ist'araquim: Aca marcarusti mä jach'a jan walt'añwa apayani, jan wali lurañanacaqui amtasipcatapata; arunacajjarusti janiw ist'apcaraquitänti, jan ucasti yatichäwinacajj-jja jisc'achapjjewa.

Aymar Bibliia 1986

¹⁹ Jumas, orake ist'araquim: Aca marcarusti mä jach'a jan walt'añwa apayani, jan wali lurañanacaqui amtasipcatapata; arunacajjarusti janiw ist'apcaraquitänti, jan ucasti yatichäwinacajj-jja jisc'achapjjewa.

Qullan Arunaka DC

¹⁹ Aka uraqpachan ist'apxam: Aka markarusti mä jach'a jan walt'añ apayanï, jan wali lurañanakak amtasipkatapata; janiw arunakaxar ist'apkiti, kamachinakaxarus jisk'achapxarakiwa.

Jeremías 6:19 Jak'a apnaqawi uñst'ayäwi

Proverbios 15:26

Tatitojj janiw uñjañ munquiti ñankha jakenacan amtäwinacaparojja, ucampis juparojj suma k'oma arunacawa cusisiyi.

Proverbios 28:9

Qhititejj Diosan leyiparu jan ist'añ muncani ucarojja, Diosajj janiw mayisitapjja ist'caraquiniti.

Isaías 1:2

Alajjpachamp acapachampi, ist'apjjam cuntejj Tatitojj sisqui uca: “Wawanac uywasta jilarañapcama, ucampis jupanacajj nayataquiquiw sayt'asjjapjje.

Isaías 5:24

Ucatpï jichhajj, cunjämtï ninajj wichhurojj naqhantejja waña laphinacsa mäqui naqhantejja, uqhamaraquiw jumanacajj tucusipjjäta, saphitpach ñussuri alir uñtata, cunjämtï pankaranacapas lak'ar tucuwayejj uqhama. Take ch'amani Tatitun, Israelan Kollan Diosapan yatichäwinacapa, arsutanacapa jisc'achapjjatam laycu.

Isaías 59:7

cayunacapasti ñankha tokeruquiw jalañ munasipqui, jan juchani jaker jiwayiris janc'aquiw jalañ munapjje. Amtañanacapansti jak jiwayañanacac amtasipqui, cawqui chektejj sarapqui uca chekanacansti t'unjatäñaquiw utjasqui.

Jeremías 11:11

Uca laycuw jichhajj mä jach'a jan walt'aña jupanacarojj apayanï ucatsti janiw khespiyañjamäpcaniti. Yanapa mayisa nayaru arnakasinipquitpan, ucampisa janiw nayajj jupanacarojj ist'cäti. Naya Tatituw ucjja arsta.

Jeremías 15:6

Jumajj nayarojj apanucuwayistawa, maysa uñtaractajja. Naya Tatituw arsta. Ucatpï nayajj, llamp'uchasiñan karitäjjatajj laycuw amparajj ayttjja jumar mutuyañataqui, ucat t'unjaracsma.

Jeremías 17:10

Naya Tatituwa, jaken chuymapjja uñjta, chuyma mankhapan amtatanacapsa yatiractwa; sapa maynirusa waquisitaparjamaw churaractjja, luratanacaparjamaraqui.”

Jeremías 19:15

“Israelan take ch'amani Dios Tatitupajja aqham siwa: ‘Aca marcarojja uqhamaraqui yakha jac'anquiri marcanacarusa, cuna mutuyäwtejj jupanacataqui arscta ucwa apayanëjja, cuna arunactejj nayajj arscäyäta uca arunacataqui c'ullusipjjatam laycu, janiraqui uca arunacaru jaysapjjatam laycu.’ ”

Jeremías 19:3

Jupanacarusti saraquim: ‘Judá orakenquir reyinaca, uqhamaraqui Jerusalén marcan utjirinaca, Israelan take ch'amani Dios Tatitupan arunacapa ist'apjjam, jupasti siwa: Aca marcarusti mä jach'a t'akhesiñwa apayanï take uca yatiyäwi ist'irinacasti wali sustjataw kheparapjjani.

Jeremías 21:14

Nayasti luratanacamarjamaw mutuyapjjäma; ch'uminacamarusti ninampiw wiycataraquëjja, uca ninasti take ucsa tokenacwa naqhantaraquini. Naya Tatituw ucjja arsta.’ ”

Jeremías 22:29

Orake, orake, orake: Tatituna arunacapa ist'am.”

Jeremías 29:19

Jumanacajj janiw nayar sirviri profetanacajj cuna arunactejj ewjjapctam uca arunacarojj ist'apctati uca laycu, nayasti mayampi mayampwa jumanacarojj uca profetanacjja qhitanipjjaracsma, ucampis jumanacajj janiw jupanacarojj ist'apctati. Naya Tatituw ucjja arsta.

Jeremías 4:14

Jerusalén, ñankhanacatjja chuymam k'omachasim, uqhamatwa jumajj khespita uñjasïta. ¿Cunapachcamas p'ekemanjja amtäta jan wali amtañanacjja?

Jeremías 4:16

“Marcanacaru, Jerusalén marcarusa yatiyapjjam, mä jaya marcatwa uñisirinacajj jutantapjje nuwasiñataqui arnakt'asisa, Judá orakenquir marcanac toke.

Jeremías 4:4

Judá uqhamaraqui Jerusalén marcan utjir jakenaca, jumanacajj circuncidasipjjam, ucatsti nayarojj Tatitut uñt'asipjjaraquita, chuymanacamarusti cuna arust'äwitejj utjqui uca unañchäwinac uscusipjjam; uqhamata ñankha luratanacam laycojj jan colerasiñajjajj ninjam aktascañapataqui, ucsti janiraquiw qhitis jiwaraycaraquispati.

Jeremías 49:37

Elam marcarusti qhathatiyaraquïwa jach'a uñisirinacap nayrakatanjja, t'akhesiñanacwa juparojj apayaniraquï, colerasiñajjsti jupjjarojj antutjjataniraquïwa, guerranaca jupanacjjarojj apayaniraquï k'ala tucjatäpjjañapcama. Naya Tatituw ucjja arsta.

Jeremías 6:10

Nayasti saractwa: “¿Qhitirac ist'itani, nayan parlatajjarusti, uqhamaraqui aca yatiyäwi churatajjarusa? Tata, jinchunacapajj lluphantatawa, janiw ist'apcaraquiniti; arunacamatsti larusipjjaraquiwa, Arunacamsti janiw munapcaraquiti.

Jeremías 6:18

Ucatpï jichhajj Tatitojj sejja: “Ist'apjjam marcanaca, yatipjjaraquim cunanacatejj marcajjaru pascani ucanacsa.

Jeremías 8:5

Uqhamasti, Israel ¿cunatsa ch'ojjña lurista? Jerusalén, ¿cunatsa nayataquejj wiñayataqui colerasta? ¿Cunatsa nayataqui sayt'asiscacta, ucatsti janiraqui nayan ucarojj cuttaniñ munctati?

Jeremías 8:9

Ucampisa uca yatiñaninacajj jisc'achjataw uñjasipjjani, sipitaru jalt'ir animalanacjamaraquiw qhathatipjjani, ¿Cawquincaraqui yatiñapasti niyaqui arunacapajj apanucupjjchi ucapachasti?

Daniel (hebreo) 9:11

Take Israel jakenacaw yatichäwinacamjja jan ist'apcti, juman arsutanacamarusa janiw jaysapcaractti, ucatpï nanacjjarojj purinejja take ñankhachäwi arunacajja, uqhamaraqui cuna juramentotejj Moisesan leyipan kellkatäqui ucarjama, nanacasti juma tokew jucha lurapjjta.

Oseas 10:13

Ucampis jumanacajj ñankhac yapuchapjjtajja, cunatejj jan chekäqui ucacrac apthapipjjtajja, c'ari achunacacracwa mank'apjjtajja. “Jumanacajj guerrar sarir carronacamaru, uqhamarac walja soldadonacamaru iyawsapjjatam laycojja,

Oseas 4:6

Marcajjasti janiw amuyanïcjjeti, ucatwa t'unjata uñjasiraqui. Jumasti sacerdote, yatiñamsa apanuctawa, ucatracwa jichhajj jumarojj nayar loktañanacatsa apanucuracsmajja, niyaquejjay jumajj Diosan yatichäwinacapsa armanucstajja, nayajj wawanacamatsa armasiraquïwa.

Amós 2:4

Aqham siw Tatitojja: “Judá marcanquir jakenacajj wali ñankhanacpuni lurapjje, ucasti janiw jan mutuyatäpcaspati, Tatitun yatichäwinacapjja janiw catokapquiti, ni leyinacaps phokhapcaraquiti, jan ucasti cawquïr yakha diosanacarutejj awquinacapajj yupaychapcäna uca pachparuquiraquiw yupaychasipqui.

Miqueas 1:2

“Take marcanaca, ist'apjjam acanaca; take aca marcpachan utjir jakenaca, sum ist'apjjam: Tatitojj kollana templopatpachwa jumanacataqui arsuni.

Miqueas 6:2

Jumanacas kollunaca, ist'apjjaraquim, uqhamarac jumanacas oraken kalltäwinacapa; Tatitojj marcapar juchañchañataquiw sarti; Israelampisti ch'ajjwañaruw mantapjjani.

Juan 12:48

Qhititejj nayaru jisc'achquitu, ucatsti janiraqui arunacajjarjam lurquiti, ucan juchañchiripajj utj-jjewa. Cawquïr arunactejj nayajj arsctjja ucanacaw juchañchascani juparu khepa urunjja.

Hechos 8:22

Uca ñankha amtäwimjja apanucum. Ucatsti Diosar mayisiraquim, inach jupajj perdonätam uca chuymaman jan wali lup'itamatjja.

Deuteronomio 30:19

Jichhüruw nayajj uchta alajjpachampiru acapachampiru jumanacat testigöñapataqui; jumanacaru jacañampita jiwañampita ajllisiñamatac churapjjsma; uqhamaraqui bendicionampita, maldicionampita ajllisipjjañamataqui. Ucampis jacaña ajllisipjjam, jumanacampi, wawanacamampi jacapjjañamataqui.

Deuteronomio 32:1

“Alajjpacha, ist'am, nayaw parlä; orake, arunacajjsti ist'araquim.

Deuteronomio 4:26

nayaw jichha uruna mä testigot uscta alajjpachampiru acapachampiru jumanacan chhaktañanacamataqui Jordán jawira qhursa tokena. Janiraquiw walja urunaca uca orakenjja jacapcätati, jan ucasti take jumanacaw t'unjatäpjjäta.

1 Samuel 15:23

Jupa contra sayt'asirejja, qhititejj laykasiñanac lurqui ucampi sasiwa; yakha diosanacar yupaychirimpi sasiwa qhititejj jupar jan ist'qui ucajja. Cunjämatejj jumajj arunacapar apanuctajja, jichhajj uqham luratam laycuw jupajj reyitjja apanucjjtam.”

1 Samuel 15:26

—Janiw jumampi chica sarquiristti, Tatitun arunacapar jan jaysatam laycu. Jichhasti jupajj jumarojj Israelan reyipäñatjja apanucjjtamwa —sasaw Samuelojj saraquïna.