Jeremías 6:19 - Qullan Arunaka DC

¹⁹ Aka uraqpachan ist'apxam: Aka markarusti mä jach'a jan walt'añ apayanï, jan wali lurañanakak amtasipkatapata; janiw arunakaxar ist'apkiti, kamachinakaxarus jisk'achapxarakiwa.

Aymar Bibliia 1986

¹⁹ Jumas, orake ist'araquim: Aca marcarusti mä jach'a jan walt'añwa apayani, jan wali lurañanacaqui amtasipcatapata; arunacajjarusti janiw ist'apcaraquitänti, jan ucasti yatichäwinacajj-jja jisc'achapjjewa.

Qullan Arunaca

¹⁹ Jumas, orake ist'araquim: Aca marcarusti mä jach'a jan walt'añwa apayani, jan wali lurañanacaqui amtasipcatapata; arunacajjarusti janiw ist'apcaraquitänti, jan ucasti yatichäwinacajj-jja jisc'achapjjewa.

Jeremías 6:19 Jak'a apnaqawi uñst'ayäwi

Proverbios 15:26

Tatitux ñanqha lurir jaqinakan amtäwinakaparux uñisiwa, ukampis juparux suma quña arunakaw kusisiyiwa.

Proverbios 28:9

Diosan kamachipar jan ist'añ munir jaqirux, janiw jupan mayisitap Diosax ist'kaniti.

Isaías 1:2

Alaxpachampi, akapachampi, ist'apxam kuntix Tatitux siski uka: “Wawanak jilarañapkamaw uywasta, ukampis jupanakax nayatakikiw sayt'asxapxi.

Isaías 5:24

Israelan Qullan Diosapan yatichäwinakapxa, janiw katuqapktati; chiqpach mä sapa Tatitun kamachinakapsa jisk'achapxtawa. Ukatpï jichhax, kunjamtix ninax wichhurux q'al nakhantkixa, ukhamarakiw jumanakax q'ala tukjatäpxäta, kunjämatix alinakax saphitpach ñusjkix ukhama, panqaranakapas laq'ar tukuwaykix ukhama.

Isaías 59:7

kayunakapax ñanqha tuqirukiw jalañ munaski, jan juchan jaqinakar jiwayiriw jank'ak jalaski. Amtañanakapansti jaqi jiwayañanakak amtasipki, kawki chiqtix sarapki uka chiqanakansti t'unjatäñakiw utjaski.

Jeremías 11:11

Uka laykuw jichhax mä jach'a jan walt'añ jupanakarux apayanï, uka jan walt'añatsti janiw kawksarus jaltapkaniti. Yanap mayisas arnaqasisipkpan, janiw nayax jupanakar ist'käti. Naya, Tatituw uk arsta.

Jeremías 15:6

Jumax nayar apanukuwayistawa, maysa uñtxaraktaxa. Naya, Tatituw arsta. Ukatpï nayax, llamp'uchasiñan qaritäxatax laykuw jumar mutuysma, q'al t'unjaraksma.

Jeremías 17:10

Naya, Tatituwa, jaqin chuymap uñjta, chuyma manqhapan amtatanakapsa yattwa; sapa maynirus luratanakaparjamaw mutuyarakï.”

Jeremías 19:15

“Israelan taqi ch'aman Dios Tatitupax akham siwa: ‘Aka markampiru, jak'ankir yaqha markanakampirusa, kuna mutuyäwtix jupanakatak arskta uk apayanï, kuna arunaktix nayax arskäyäta uka arunakar k'ullusipxatapata, janirak uka arunakar jaysapxatap layku.’ ”

Jeremías 19:3

Jupanakarusti sarakim: ‘Judá uraqinkir reyinaka, Jerusalén markan utjirinaka, Israelan taqi ch'amani Dios Tatitupan arunakap ist'apxam, jupasti siwa: Aka markarux mä jach'a t'aqhisiñ apayanï, taqi uka yatiyäwi ist'irinakasti wali mulljataw qhiparapxani.

Jeremías 21:14

Nayasti luratanakamarjamaw mutuyapxäma; ch'uminakamarusti ninampiw phichhkatä, uka ninasti taqi uksa tuqinak nakhantani. Naya, Tatituw uk arsta.’ ”

Jeremías 22:29

Uraqi, uraqi, uraqi: Tatitun arunakap ist'am.

Jeremías 29:19

Jumanakax janiw nayar luqtiri profetanakan iwxt'a arunakapar ist'apktati, nayasti mayamp mayampi jumanakarux uka profetanak khithanta, ukampis jumanakax janiw jupanakarux ist'apktati. Naya, Tatituw uk arsta.

Jeremías 4:14

Jerusalén, ñanqhanakat chuymam q'umachasim, ukhamat jumax qhispit uñjasïta. ¿Kunapachkamas uka jan wali amtañanakampix apnaqayasïta?

Jeremías 4:16

“Markanakaru, Jerusalén markarusa yatiyapxam, uñisirinakax mä jaya markat jutantapxi, nuwasiñatak arnaqt'asisaw jutantapxi, Judá uraqinkir markanakar t'unjiriw jutantapxi.

Jeremías 4:4

Judá markankirinaka, Jerusalén markan utjir jaqinaka, jumanakax q'umachasxapxam, nayarusti Tatitut uñt'asxapxita, jumanakampi lurata arust'äwi phuqhapxam, ukampis chiqpachapin phuqhapxam; ukhamat ñanqha luratanakam laykux phiñasiñaxax ninjam jan aqtaskañapataki, uksti janiw khitis jiwaraykaspati.

Jeremías 49:37

Elam markarusti jiwayir uñisirinakap nayraqatan khathatiyä, t'aqhisiñanak juparux apayanï, phiñasiñaxsti jupxaruw antutxatanï, q'ala tukjatäpxañapatakix nuwasiñanak jupanakxarux apayanï. Naya, Tatituw uk arsta.

Jeremías 6:10

Nayasti saraktwa: “¿Khitirak ist'itani aka yatiyäwixarusti? Tatay, jinchunakapax llupantatawa, janiw ist'irjamäpkiti; arunakamatsti larusipxiwa, janiw arunakam munapkiti.

Jeremías 6:18

Ukatpï jichhax Tatitux sixa: “Markanaka, ist'apxam, kunanakatix markaxampi luraskani ukanak yatipxarakim.

Jeremías 8:5

Ukampis aka markax nayar apanukutuwa janiw nayan ukar kuttaniñ munkiti. Jerusalenankirinakax nayar apanukuñpin munitu; k'ari diosanakarukiw arkañ munapxi, janiw naya chiqpach Diosan ukar kuttaniñ munapkiti.

Jeremías 8:9

Ukampis uka yatiñan jaqinakax p'inqachjatäpxaniwa, jan mayan tukjatäpxarakiniwa. Jupanakax janipuniw kuna yatiñanïpkisa, nayan arunakaxsa janiw ist'añ munapkiti.

Daniel (hebreo) 9:11

Israelankirinakax taqiniw yatichäwinakam jan yäqapkiti, juman arsutanakamarus janiw jaysapkarakiti; ukat nanakxaru wakt'apxitu, Moisés luqtiriman kamachipan qillqatäki uka juramentompi, taqi ñanqhachäwi arunakampisa, nanakan juma nayraqatan juchachasipxatax layku.

Oseas 10:13

Ukampis jumanakax ñanqhak yapuchapxtaxa, kunatix jan chiqäki ukakarak apthapipxtaxa, k'ari achunakak manq'apxtaxa. “Jumanakax nuwasiñar sarir carronakamaru, walja soldadonakamar alkatapxatamatxa,

Oseas 4:6

Markaxasti janiw amuyunïkxiti, ukat t'unjat uñjasi. Jumasti, sacerdote, yatiñsa apanuktawa, ukat jichhax nayax jumar apanukuraksma. Niyakixay jumax Tatitun yatichäwinakapsa armanukstaxa, nayax wawanakamat armasirakïwa.

Amós 2:4

Tatitux akham siwa: “Judá markankir jaqinakax walja ñanqhanak lurapxi, ukat jupanakarux mutuyarakï; Tatitun yatichäwinakap janiw katuqapkiti, janirakiw kamachinakaparus phuqhapkiti, jan ukasti kawkïr yaqha diosanakarutix awkinakapax yupaychapkän ukanakaruw yupaychapxi.

Miqueas 1:2

Taqi markanaka, akanak ist'apxam; taqi markpachan utjir jaqinaka, sum ist'apxam: Tatitux qullana utapatpach jumanakatak arsuni.

Miqueas 6:2

Qullunaka, jumanakas ist'apxam, uraqin qalltanakapa, ist'apxarakim; Tatitux markapar juchañchañatakiw sarti; Israel markampisti ch'axwañaruw mantani.

Juan 12:48

Khititix nayar jisk'achkitu, ukatsti janirak arunakaxarjam lurki ukatakixa, niyaw juchañchiripax utjxi; kawkïr arunaktix nayax arskta ukanakaw qhipa urun jupar juchañchaskani.

Hechos 8:22

Uka ñanqha amtäwim apanukum, Diosar achikt'asirakim, chuymaman jan wali lup'itamat pampachañapataki.

Deuteronomio 30:19

Alaxpachampi, akapachampiw qhanañchani; jichhürun nayan jumanakar jakañampita, jiwañampita ajllisiñamatak uñachayataxa; ukhamarak aski waxt'äwimpita, ñanqhachäwimpit ajllisipxañamataki. Ukhamax jakañay ajllisipxam, jumanakasa, wawanakamasa jakapxañamataki;

Deuteronomio 32:1

“Alaxpacha, ist'am, nayaw parlä; uraqi, arunakax ist'am.

Deuteronomio 4:26

alaxpachampi, akapachampiw qhanañchirit sayt'ani, janiw walja urunak Jordán jawira khurkatankir uraqin jakapkätati, jan ukasti taqi jumanakax t'unjataw uñjasipxäta.

1 Samuel 15:23

Jupar kutkatirixa, layqasiñanak luririmpi sasiwa; jan ist'asirïki ukasti, yaqha diosanakar yupaychirimpi sasiwa. Juman arunakapar jan jaysatamatsti, jupax janirakiw juman reyïñam munkiti” sasa.

1 Samuel 15:26

Samuelusti sarakïnwa: —Janiw jumamp chik sarkiristti, jumax Tatitun arunakapar janiw jaysktati, ukat jichhax Israelan reyipäñat jumar apanukxtam —sasa.