Jeremías 6:11 - Qullan Arunaca

¹¹ Colerasiñaman phokhantatätwa, Tata; janiw juc'ampi cuns lurirjamäcti” sasa. Tatitusti saraquituwa: “Uca colerasiñamsti callen waynanacjjaru warjjatam, tam tama sarnakquis uca waynanacjjaru. Chachanacarusti warminacapamppachwa catuntasina apapjjani, uqhamaraqui sinti chuymani jakenacsa.

Aymar Bibliia 1986

¹¹ Colerasiñaman phokhantatätwa, Tata; janiw juc'ampi cuns lurirjamäcti” sasa. Tatitusti saraquituwa: “Uca colerasiñamsti callen waynanacjjaru warjjatam, tam tama sarnakquis uca waynanacjjaru. Chachanacarusti warminacapamppachwa catuntasina apapjjani, uqhamaraqui sinti chuymani jakenacsa.

Qullan Arunaka DC

¹¹ Tatay, phiñasiñaman phuqhantatätwa; janiw juk'ampi kunsa lurirjamäkxti” sasa. Tatitusti sarakituwa: “Uka phiñasiñam waynanakxar warxatam, tam tama sarnaqki uka waynanakxaru. Chachanakarux warminakapamppach katuntasin apapxani, ukhamaraki sinti chuymani jaqinakarusa.

Jeremías 6:11 Jak'a apnaqawi uñst'ayäwi

Isaías 40:30

Waynanacas karjtaquispawa, ch'amtayapjjaquiraquispawa, wali ch'amaninacasa aynacht'aquiraquispawa,

Jeremías 15:17

Qhitinacatejj aleka cusist'añaqui munapjje, ucanacampi chicachasiñsti janiw muncaractti; cunapachattejj jumajj nayaru catuntasista ucat acsarusti, sapaquiw sarnakjjta, colerasiñamampi nayar phokhantatam laycu.

Jeremías 15:6

Jumajj nayarojj apanucuwayistawa, maysa uñtaractajja. Naya Tatituw arsta. Ucatpï nayajj, llamp'uchasiñan karitäjjatajj laycuw amparajj ayttjja jumar mutuyañataqui, ucat t'unjaracsma.

Jeremías 18:21

¡Ucampis jichhajj apanucjjam wawanacapajja mank'atjama, uqhamaraqui espadampi jiwarayatäpjjañapataqui; warminacapasti ijma, jan wawani kheparapjjpan! ¡Chachanacapasti usunacampi jiwarapjjpan, waynanacasti guerran jiwarapjjaracpan!

Jeremías 20:9

Nayajj saractwa: “Janiw juc'ampi Tatitut amtcjjäti, janiraquiw jupan sutipatsa parlcjjäti” sasa, ucapachasti arunacamajj chuymajjanjja ninjamaw naqhantitu, ch'aqhanacamppacha jawk'jaraquitu. Nayajj uca ninjja pachparu imt'añ munta, ucampis janiw imt'añjamäquiti.

Jeremías 5:9

¿Uca luratanacapatsti janit mutuycästi? ¿Uqham sarnaker jakenacarojj janit juchap uñt'asiycäjja?

Jeremías 7:20

Ucatwa, naya Tatitojj arsta, sapjjaracsma, take colerasiñajjwa aca chekaru puriyanï, jakenacjjaru, animalanacjjaru, kokanacjjaru uqhamaraqui cosechanacamjjarusa. Colerasiñajjasti jan jiwarquir ninjamaw naqhani.”

Jeremías 9:20

Warminaca, Tatitun arunacapa ist'apjjam, cuntejj siscani ucanacsti suma isch'uquipjjam. Wawanacamarusa jachañ yatichapjjam, amiganacaparusti aqhama warariñaraqui:

Jeremías 9:21

“Jiwañajj utasaruw mantani; palacionacasarus puriniraquiwa; wawanacarusti callenacan jiwarayi, waynanacarus plazanacan jiwarayaraqui.

Lamentaciones 1:15

Tatitojj qhitinacatejj nayaru ch'amampi arjjatapquitäna take ucanacarojja jayaruw apanucjje. Nayjjarusti mä ch'amani ejército apayaniraqui, uqhamat nayan jan ajjsariri jakenacajjaru tucjañataqui. Tatitojj Judá marcarojj mä wawa tawakorjamaw tacsu, cunjämatejj uvajj vino ch'irwsuñataquejj tacsutajj uqhama.

Lamentaciones 2:21

Callenacansti waynanacampi, chuymani jakenacampiquiw jiwarata liwirtasipqui; marcajjanquiri waynanacasa, tawakonacasa, espadampi jiwarayataw uñjasipjje, colerasiñama urunsti jiwarayañcamaw chhojjriñchjaractajja; ¡jan qhuyapt'ayasisaw jiwarayaractajja!

Ezequiel 24:21

‘Israel marcarojj parlam: Aqham siw Tatitojja: Nayasti templojj-jja taquisiraquïwa, jumanacasti uca templorojj wali munapjjtajja, wali uñch'uquipjjaractajja, uca templosti jumanacataquejj jach'a jach'a tucuñaraquiwa, jumanacan ch'amanacamaraquiwa; yokall wawanacama, imill wawanacama Jerusalén marcaru jaytanipctas ucanacajj jiwarayatäpjjaniwa.’

Ezequiel 3:14

Diosan ch'amapaw nayarojj sayt'ayitu ucatsti uca chekatsa apsuniraquitu, nayasti wali llact'ata mayjt'ataw sarjjaracta, ucañcamasti Tatitojj amparapampiw wali waythapiraquitäna.

Ezequiel 3:3

Ucatsti saraquituwa: “Jichhasti aca kellkata mank'antam, cuntejj nayajj jumar churcsma uca, ucampi sist'asiraquim” sasa. Nayasti uca kellkjja mank'anttwa, misq'it sipansa juc'ampi mojjsaraquïnwa lacajjanjja.

Miqueas 3:8

Ucampis nayarojja Tatitun ajayupaw phokt'itu, ch'amapampi, cheka cancañapampi, uqhamarac jan ajjsarañampi, uqhamat Israel marcaru Dios contra sayt'asitapa, uqhamarac juchapata khanañchañajjataqui.

Lucas 17:34

“Sapjjsmawa, uca arumasti paniniw mä iquiñan iquisipcani; maynejj aptatäniwa, maynisti jaytatäniwa.

Hechos 17:16

Atenas marcana Pablojj Silasampiru Timoteompiru suycasinjja, wali mayjt'ataw jicjjatasïna, marcan walja yakha diosanac phokhantat uñjasina.

Hechos 18:5

Silasampi Timoteompi Macedoniat purinjjepansti, Pablojj Tatitun arunacap parlañaruraquiw uchasjjäna. Judionacarusti khanpachwa yatiyaraquïna —Jesusasti jumanacajj suyapctas uca Cristowa —sasa.

Hechos 4:20

Nanacajj janipuniw amuct'apquiristti cuntï uñjapcta ist'apcaracta ucanacat arsuñjja —sasa.

Apocalipsis 16:1

Ucatsti mä jach'a aru ist'aracta santuariot mistuniri, pakallko angelanacarusti aqham saraquïnwa: “Sarapjjam, ucatsti waranucunipjjam orakjjaru cuna mutuyañanacatejj uca pakallko copanacan phukhantatäquis ucanaca, uca mutuyäwinacasti Diosatwa juti” sasa.