Jeremías 6:11 - Qullan Arunaka DC

¹¹ Tatay, phiñasiñaman phuqhantatätwa; janiw juk'ampi kunsa lurirjamäkxti” sasa. Tatitusti sarakituwa: “Uka phiñasiñam waynanakxar warxatam, tam tama sarnaqki uka waynanakxaru. Chachanakarux warminakapamppach katuntasin apapxani, ukhamaraki sinti chuymani jaqinakarusa.

Aymar Bibliia 1986

¹¹ Colerasiñaman phokhantatätwa, Tata; janiw juc'ampi cuns lurirjamäcti” sasa. Tatitusti saraquituwa: “Uca colerasiñamsti callen waynanacjjaru warjjatam, tam tama sarnakquis uca waynanacjjaru. Chachanacarusti warminacapamppachwa catuntasina apapjjani, uqhamaraqui sinti chuymani jakenacsa.

Qullan Arunaca

¹¹ Colerasiñaman phokhantatätwa, Tata; janiw juc'ampi cuns lurirjamäcti” sasa. Tatitusti saraquituwa: “Uca colerasiñamsti callen waynanacjjaru warjjatam, tam tama sarnakquis uca waynanacjjaru. Chachanacarusti warminacapamppachwa catuntasina apapjjani, uqhamaraqui sinti chuymani jakenacsa.

Jeremías 6:11 Jak'a apnaqawi uñst'ayäwi

Isaías 40:30

Waynanakas qarjtakispawa, ch'amtayapxakispawa, wali ch'amaninakas aynacht'akirakispawa,

Jeremías 15:17

Nayax khitinakatix aliq kusist'añak munapki, ukanakampi chikachasiñ janiw munkti; jumax nayar katuntasista ukat aksarusti, sapakiw sarnaqxta, q'apisiñamaw nayar phuqhantitu.

Jeremías 15:6

Jumax nayar apanukuwayistawa, maysa uñtxaraktaxa. Naya, Tatituw arsta. Ukatpï nayax, llamp'uchasiñan qaritäxatax laykuw jumar mutuysma, q'al t'unjaraksma.

Jeremías 18:21

¡Jichhasti, wawanakap manq'atjam jiwarayam, jan ukax espadampi jiwarayatäpxpan; warminakapasti ijma, jan wawan qhiparapxpan! ¡Chachanakapasti usunakampi jiwarapxpan, waynanakasti nuwasïwin jiwarapxarakpan!

Jeremías 20:9

Nayatix siristxa: “Janiw juk'ampi Tatitut amtkxäti, janirakiw jupan sutipatsa parlkxäti” sasa, ukapachasti arunakamax chuymaxan ninjamaw nakhantitu, ch'akhanakaxamppach nakhantitu. Janiw arunakam parlkxäti sistwa, ukampis janiw amukt'añjamäkiti.

Jeremías 5:9

¿Janit uka luratanakapat mutuykästi? ¿Janit ukham sarnaqir jaqinakar juchap uñt'asiykästi?

Jeremías 7:20

Ukat naya, Tatitux taqi phiñasiñaxampi aka chiqar mutuyä, jaqinakxaru, animalanakxaru, quqanakxaru, yapunakxaru. Q'apisiñaxasti jan jiwarkir ninjamaw nakhani.”

Jeremías 9:20

20 (19) Jachir warminaka, Tatitun arunakap ist'apxam, kuntix siskani ukanak sum ist'apxam. Wawanakamar jachañ yatichapxam, masinakamarusti llakisiñat jakhusiñ yatichapxarakim, akham sasa:

Jeremías 9:21

21 (20) “Jiwax utanakasaruw mantani; ventananak chiqaw mantani; wawanakarusti marka thakhinakan anataskir jiwarayi, waynanakarus plazanakan jiwarayaraki.

Lamentaciones 1:15

Tatitux khitinakatix ch'amampi nayar arxatapkitäna ukanakarux jayaruw apanuku. Nayar nuwantañatakisti mä ejército khithanukuni, ukhamat ch'aman jaqinakaxar tukjañataki. ¡Tatitux ukhampach nayarux takxatitu, uvar uñtataw ch'irwsurakitu!

Lamentaciones 2:21

Waynanakampi, chuymani jaqinakampix marka thakhinakan jiwarataw liwirtasipki; markaxankir waynanakasa, tawaqunakasa, espadampi jiwarayataw uñjasipxi; phiñasiñam urunsti jiwarayañkamaw chhuxriñchjtaxa, ¡jan khuyapt'ayasisaw jiwarayaraktaxa!

Ezequiel 24:21

‘Israel markar parlam: Tatitux akham siwa: Nayasti qullan utaxa q'al tukjä, kawkïrtix wal munapkta, muspharañampi uñch'ukt'apxarakta, uka utaxat jach'a jach'as tukupkarakta uka uta; Jerusalén markar jaytanipkta uka yuqall wawanakamasa, imill wawanakamasa jiwarayatäpxaniwa.

Ezequiel 3:14

Tatitun ch'amapaw nayarux aptitu ukatsti uka chiqat apsunirakitu, nayasti wali llakt'ata mayjt'ataw sarxarakta, ukchañkamasti Tatitux amparapampiw wali waythapirakitu.

Ezequiel 3:3

Ukatsti sarakituwa: “Jichhasti nayax churksma uka qillqat manq'antam, ukampirak sist'asim” sasa. Nayasti manq'anttwa, uka qillqatasti misk'it sipansa juk'ampi muxsapunïnwa.

Miqueas 3:8

Ukampis nayarux Tatitun ajayupawa, ch'amapampi, chiqa kankañampi, jan axsarañampi phuqt'itu, ukhamat Israel markaru Tatitur saykatatapata, jucha luratapatsa qhankatañaxataki.

Lucas 17:34

“Nayasti sapxsmawa, uka arumasti paniniw mä ikiñan ikisipkani; maynix aptatäniwa, maynisti jaytatäniwa.

Hechos 17:16

Pablox Atenas markan Silasampiru Timoteompir suykasinxa, wali mayjt'ataw jikxatasïna, markan walja idolonak phuqhantat uñjasa.

Hechos 18:5

Silasampi Timoteompix, Macedonia markat purinipkän ukapachasti, Pablox Tatitun arunakap yatiyañarukipuniw uchasxäna, judionakar qhanpach uñacht'ayarakïna Jesusan Mesiasätapa.

Hechos 4:20

Nanakax janipuniw amukt'apkiristti kuntix uñjapkta ist'apkarakta ukanakat arsuñxa —sasa.

Apocalipsis 16:1

Ukatsti mä jach'a aru ist'arakta qullan utjäwit mistuniri, paqallqu angelanakarusti sänwa: “Sarapxam, ukatsti Diosan q'apisiñapamp phuqhantat paqallqu qirunak uraqir waranukunipxam” sasa.