Jeremías 51:34 - Qullan Arunaca

^34-35 Jerusalén marcasti, Sión marcajja saraquiwa: “Babilonianquiri Nabucodonosor reyejj jisc'a jisc'wa nayarojj tucjitu, mank'antaraquituwa; ch'usa plator uñtatwa jaytaraquitu. Jach'a kotanquiri mä jach'a animaläcaspas uqhamaw mank'antitu; cunatejj nayat sumäcäna ucampiw sist'asi, ucat jilt'irsti liwtjjaraquiwa. ¡Cuntejj nayar Babiloniajj lurquitu ucatsti jichhajj yatpan! ¡Caldeo jakenacasti, jakenacajja jiwarayatapatjja yatiracpan!”

Aymar Bibliia 1986

^34-35 Jerusalén marcasti, Sión marcajja saraquiwa: “Babilonianquiri Nabucodonosor reyejj jisc'a jisc'wa nayarojj tucjitu, mank'antaraquituwa; ch'usa plator uñtatwa jaytaraquitu. Jach'a kotanquiri mä jach'a animaläcaspas uqhamaw mank'antitu; cunatejj nayat sumäcäna ucampiw sist'asi, ucat jilt'irsti liwtjjaraquiwa. ¡Cuntejj nayar Babiloniajj lurquitu ucatsti jichhajj yatpan! ¡Caldeo jakenacasti, jakenacajja jiwarayatapatjja yatiracpan!”

Qullan Arunaka DC

^34-35 Jerusalén markasti sarakiwa: “Babiloniankir Nabucodonosor reyix jisk'a jisk'a tukjasaw manq'antitu; ch'usa chuwar uñtat jaytarakitu. Jach'a qutankir jach'a laq'ur uñtataw manq'antitu; nayan suma manq'anakaxampiw sist'asi, ukat jilt'irsti liwtxarakiwa. ¡Babiloniax nayar jan wal luratapat jichhax yatpan! ¡Caldeo jaqinakasti, nayan jaqinakax jiwarayatapat kunatix katuqañapäki uk katuqpan!”

Jeremías 51:34 Jak'a apnaqawi uñst'ayäwi

Job 20:15

Cuna kamir cancañanactejj mank'antcäna ucanacsti cutsuyanjjewa; Diosaw ucanacjja puracapat apsunjjaraqui.

Salmos 74:13

Jumaw lamar kotarojj ch'amamamp payar jaljtaytajja, lamar kotanquir ajjsarcañ animalan p'ekep phallaytajja,

Proverbios 1:12

Ucatsti asqui jakenacarojj jacquirpacha mank'antañäni, cunjämatejj jiwajj maypacha sepulturar apasjjejja uqhama.

Isaías 34:11

Ucanwa jucunacasa, allkamarinacasa, ch'usekanacasa yakha jamach'inacasa tapanacap lurasipjjani. Tatitusti uca marcjja ch'usa wasararuraquiw tucuyani.

Isaías 42:22

ucampis aca marcarojj lunthatjapjjewa, k'epsuwayapjjaraquiwa, takenirus preso catuntapjjaraqui, calabozonacaruw jist'antapjjaraqui; jupanacsti catuntasipjjaraquiwa, janiraquiw qhitis jupanacat arjjatirejj utjquiti; jupanacsti lunthatawayapjjewa, ucampis janiw qhitis khespiyirejj utjquiti.”

Jeremías 50:17

“Israel marcasti mä chhakat ovej-jamänwa, leonanacana arcnakata. Asirianquir reyiwa nayrakatjja mank'anti, ucjjarusti Babilonianquir Nabucodonosor reyiraquiw ch'aqhanacapamppachsa t'unjaraqui.

Jeremías 50:7

Uñisirinacapasti jicjjatasajj mank'antapjjaraquïnwa, sapjjaraquïnwa: ‘Janiw jiwasan juchasataqui, jupanacaw Tatitutaquejj jucha lurasipquejja, uca Tatitusti jupanacataquejj mä suma pastöcaspas uqhamänwa, nayrapacha awquinacapan suyt'añaparaquïnwa’ sasa.

Jeremías 51:44

“Bel sat diosarusti Babilonia chekanjja mutuyaraquïwa, cuntejj mank'antqui ucsa wak'aksuyaraquïwa, janiraquiw marcanacajj juc'ampi ucaru cuttcjjapjjaniti cuna yanapa mayisasa. ¡Babilonian perkanacapajj liwirtjjewa!

Jeremías 51:49

Jïsa, Babiloniajj aynacht'aniwa, Israel marcan jakenacaru uqhamaraqui take aca orakpachana jakenacaru jiwarayapjjatap laycu.”

Lamentaciones 1:1

¡Walja jakenacani marcajj cunja sapaquis uñjasjje! Marcanacan jilïripa marcajja mä ijma warmir uñtataquëjjewa. Ch'ama irnacañanacampi t'akhesiyataw jichhajj uñjasi, uñtcañ suma marcajja.

Lamentaciones 2:16

Take uñisirinacamaraquiw jumataqui jichhajj arsupjje qhuyusisa, ajjsaraña arunaca arsusaraqui, sapjje: “K'alpuni t'unjtanjja, acpunwa suyascäyätanjja, jichhasti cunjämtejj uñjañ muncäyätan uqhamwa uñjtanjja” sasa.

Ezequiel 36:3

Jichhasti jupanacarojj nayan sutejjaru parlam, naya toketsti aqham saraquim: ‘Take toketwa jumanacarojj nuwantanipjjtam, uqhamaraqui t'unjanipjjtam; take yakha marcanacaw jumanacarojj catuntasjjapjjtam, jakenacasti phiscasiñampi, jisc'achañampiw uñjapjjaractam.

Oseas 8:8

¡Israelasti jichhajj mank'antatawa! Yakha marcanacasti jan cunatac asquïcaspas uqhamwa uñjapjje,

Amós 8:4

Ac ist'apjjam, alt'at chuyman jakenacar t'akhesiyirinaca, uqhamarac pobrenacaru tucjirinaca.

Nahúm 2:2

Tatitusti Jacobon jach'añchäwinacapjja wasitatwa cuttayjjaraquini, Israelan jach'añchäwinacapjja, cunjämacäntejj janïra k'al saqueyjapcän, uqhamaraqui k'ara uva lawanacaqui jaytjjapjjän ucqhajja.

Mateo 23:13

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.