Jeremías 51:36 - Qullan Arunaca

³⁶ Tatitojj siwa: “Nayaw jumarojj chekaparu uñjäma, uñisirinacamatsti phoksusiraquïwa. Babilonianquiri jawiranacsa, uqhamarac uma phuch'unacsa k'alwa wañsuyaraquëjja,

Aymar Bibliia 1986

³⁶ Tatitojj siwa: “Nayaw jumarojj chekaparu uñjäma, uñisirinacamatsti phoksusiraquïwa. Babilonianquiri jawiranacsa, uqhamarac uma phuch'unacsa k'alwa wañsuyaraquëjja,

Qullan Arunaka DC

³⁶ Tatitux siwa: “Nayaw jumarux chiqapar uñjäma, uñisirinakamatsti phuqsusirakïwa. Babiloniankir jawiranaksa, uma phuch'unaksa q'al wañsuyarakïxa,

Jeremías 51:36 Jak'a apnaqawi uñst'ayäwi

Salmos 107:33

Diosaw jawiranacarojj wasarar tucuyi, uma jalsunacsti waña orakeruw quipstayi.

Salmos 140:12

Llaquit jaker Tatitun chekapar uñjatap yatta, t'akhesiyat jaker arjjatatap yatiracta.

Proverbios 22:23

Tatitojj jupatwa arjjatani, t'akhesiyaraquiniwa qhititejj t'akhesiyqui ucanacarojja.

Proverbios 23:11

jupanacajj wali ch'amani khespiyirinïpjjewa; uca Tatituw jupanacat arjjatasisinjja jumatac sayt'ani.

Isaías 19:5

Nilo jawiran umanacapajj wañt'jjaniwa, k'ala wañaraquiw tucuwayjjani;

Isaías 43:14

Tatitojj, Israelan Kollan Diosapajja, qhititejj jumanacar khespiyapctam ucajja, siwa: “Jumanacar khespiyañataquejj Babiloniarojj jakenac qhitanï, take puncunac jist'arayaraquï, caldeo jakenacan cusisiñanacapasti t'akhesiñaruw tucuni.

Isaías 44:27

Nayajj jach'a kotan umanacaparus ‘wañt'am’ saraquiristwa, jawiranacapas jan umani tucpan saraquiristwa.

Jeremías 50:38

¡Jawiranacapas nuwjataraquïpan, wañt'apjjaracpan! Babiloniasti ajjtascañ diosanacaru yupaychiri marcawa, ucatwa amuysa chhaktayasiraquejja.

Jeremías 51:11

Tatitojj Babilonia marca t'unjañ muni, Media orakenquir reyinacan chuymaparusti uca pachpa t'unjaña amtäwinacwa uscuraqui. Ucaw Tatitun phoksusïwipajja, jupan temploparu cuntejj lurapqui ucanacatjja. ¡Jichhajj flechanacam waquichasipjjam! ¡Escudonacamsa sum catjjarupjjaraquim!

Jeremías 51:6

“¡Babilonia marcat jaltjjapjjam! ¡Qhitis khespiyaschini ucajj khesppan! ¡Jan jupan juchap laycu jiwapjjamti! Acaw nayan phoksusiña horasajjajja, cunjämarutejj waquisqui uqhamaruw churaraquëjja.

Ezequiel 25:14

Edom orakerusti, Israel marcajj tokwa phoksusiraquëjja; jupasti Edom marcarojj sinti jach'a colerasitajjarjamaraquiw uñjani. Uqhamatwa jupanacajj yatipjjani, cunäquitejj nayan phoksusiñajjajja ucjja. Naya Tatituw ucjja arsta.

Oseas 13:15

Israelajj mä suma pankarar uñtatäcchinisa, inti jalsu toket thayajj jutani, wasaran wali thayquis uca Tatitun thayapa, ucatsti uma jalsunacapsa, phuch'unacapsa k'alwa wañt'ayani. Uñisirimaraquiw apasjjani suma alhaja imasitanacapsa.

Romanos 12:19

Munat jilatanaca, jumanac purajj jan uqhamat uqham lurjasipjjamti, jan ucasti Diosar jaytapjjam, jupawa mutuyascani. Kellkatanjja siwa: “Nayaruw wact'itu mutuyascañajja, nayaraquiw phokhascäjja, siw Tatitojja.”

Deuteronomio 32:35

cawquïri phoksusiñ urutejj jutcani, ucata cuntï mayitaparjama churañataqui, cuna urutï aynacht'añapajj purincani ucqha. ¡Niyaw jac'ancjje t'unjatäñap urojja, niyaw jac'ancjje horasapajja!

Deuteronomio 32:43

“¡Cusisipjjam marcanaca, Diosan marcapampi chica! ¡Jupaw wawanacapan jiwatapatjja phoksusini, uqhamaraquiw uñisirinacapatsa phoksusini, ucatsti orakeparusa marcaparusa khespiyaraquiniwa!”

Apocalipsis 16:12

Sojjtïri angelasti Eufrates sata jach'a jawirjjaruraquiw copapjja warjjatäna, ucatsti uca jawiran umanacapajja k'al wañsuwayäna, mä thaquiraquiw tucjjäna inti jalsu toket jutiri reyinacataqui.