Jeremías 5:22 - Qullan Arunaca

²² Naya Tatituw sista: ¿Janit jumanacajj nayaru ajjsarapquista? ¿Janit naya nayrakatan qhathatipcta? Nayaw kota thiyjja uscta jach'a kotataquejj korpäcaspas uqhama, uca korpsti janiw jach'a kotajj pasancaspati. Mathapinacapas inamayaquiw ucan sartasqui, khothutisipquiwa, ucampis janiw pasanipcaspati.

Aymar Bibliia 1986

²² Naya Tatituw sista: ¿Janit jumanacajj nayaru ajjsarapquista? ¿Janit naya nayrakatan qhathatipcta? Nayaw kota thiyjja uscta jach'a kotataquejj korpäcaspas uqhama, uca korpsti janiw jach'a kotajj pasancaspati. Mathapinacapas inamayaquiw ucan sartasqui, khothutisipquiwa, ucampis janiw pasanipcaspati.

Qullan Arunaka DC

²² Naya, Tatituw jiskt'apxsma: ¿Janit jumanakax nayar axsarapkista? ¿Janit naya nayraqatan khathatipkta? Nayaw quta thiy uskta, jach'a qutatakix qurpapäkaspas ukhama, uka qurpsti janiw jach'a qutax llumikipankaspati. Mathapinakapas inamayakiw ukan sartaski, qhuthutiskaraki, ukampis janiw umax jilarankaspati.

Jeremías 5:22 Jak'a apnaqawi uñst'ayäwi

Génesis 1:9

Ucatsti Diosajj sänwa: “Alajjpachat aynachancqui uca umanacajj, mayawjar tantacht'aspan, uqhamat wañajj uñstañapataqui” sasa. Ucatsti uqhampuniw lurasïna.

1 Reyes 13:28

Ucatsti awqui profetajj sarawayasinjja jicjjatiwa thaquina jiwataru jaktatäsquiri, uca thiyansti ucancascaraquïnwa asnompi leonampi. Leonasti janiw jiwatarojj mank'antcänti, ni asnorusa jisc'a jisc'a tucjcaraquïnti.

Job 26:10

Khanampina, ch'amacampina korpapsti jach'a kota tucuyaruwa uscuraqui.

Job 37:24

Ucatpï jakenacajj ajjsartapjjejja; yatiñani tucuri jakenacasti janiw jupataquejj cunäpcaraquisa.”

Job 38:8

“Cunapachatejj jach'a kotajj orake mankhata mistuncän ucapachajja, ¿qhitis uca umanacjja jist'antejja?

Salmos 104:9

cawqhancañapäcäntejj ucawjaruw purjjäna, oraker jan mayamp chhaktayañataqui.

Salmos 119:120

Janchejjajj nayrakataman ajjsarañat qhathati, camächit arunacam laycuw chuymajj alt'ayta.

Salmos 33:7

Jupaw lamar kot umanac mayawjaruc tantachi, mayawjaruquiw lamar kotarojj jarc'jjäsi.

Salmos 46:3

mathapinacapas khothutiscpan, ojjoscaracpan, kollunacarus ojjeñapamp qhathatiyascpan.

Salmos 99:1

¡Tatitojj reyiwa! Reyi konuñapajj angelanacjjar utt'atawa. Marcanacajj qhathatipjjpan, takpach orakes onjjtaracpan.

Proverbios 8:29

uqhamarac ucancascäyäta cunapachatï kotan umanacaparusa, jupajj siscäna jan waña orakeru pasantañapataqui, uqhamarac aca orake utt'aycäna ucqhasa,

Isaías 50:2

¿Cunatsa nayajj jutcta ucapachajj jan qhitirus jicjjatctjja? ¿Cunatsa jawsatajjarojj jan qhitis jaysquitojja? ¿Janit jumanacasti nayan khespiyañajjsti iyawsapcta? ¿Janit amuyctasti nayajj ch'amanïtajja jumanacar khespiyañataquejja? Nayataquejj janiw cunäquis mä aru arsuñajja, uqhamat kotar wañt'ayañataqui, uqhamaraqui jawiranacasa ch'usa wasarar tucupjjañapataqui, uqhamat chawllanacajj umatjam jiwarapjjañapataqui, umatjamasa ñusantapjjañapataquiraqui.

Isaías 64:2

cunjämtejj ninajj ch'aphi alinac naqhantqui, jan ucajj umsa walljjtaycaraqui uqhama. Ucapachaw uñisirinacamajj sutimjja uñt'apjjaspa, marcanacasti juma nayrakatanjja qhathatipjjaraquispawa.

Isaías 66:5

Tatitun arunacap ist'apjjam, jumanaca qhitinacatejj arunacapa phokhapcta ucanaca: “Jumanacan yakhepa marca masinacamajja qhitinacatejj jumanacar uñisipctam, arcnakapjjaractam nayan sutejja aytasipjjatam laycu, ucanacasti sapjjewa: ‘Tatitojj jach'a cancañap uñacht'aypanaya, jumanacarusti c'uchicwa uñjañ munapjjsma’ sasa. Ucampis jupanacajj mä p'enka jisc'achjataw uñjasipjjani.

Jeremías 10:7

Marcanacan reyipa, ¿qhitis janejj ajjsartamjja? Juma sapaquiw ajjsaratäñajj waquistajja. Aca oraken yatiñani jakenacat sipansa, reyinacat sipansa janiw jumjamajj qhitis utjquiti.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Jeremías 31:35

Tatituw jumanacataqui inti uscu uru khanañapataqui, phajjsisa, warawaranacasa aruma khanañapataquiraqui, jupaw jach'a kotsa, ucan khothutinacsa luraraqui, jupasti “Take Ch'amani Tatitu sataraquiwa”, ucatsti siwa:

Daniel (hebreo) 6:26

Arsuractwa, mayiractwa take aca orake apnakcta ucanjja, Daniel chachan Diosapajj ist'atäpan uqhamaraqui ajjsaratäpan. “Jupaw jacquiri Diosajja, wiñayataquiwa. Jupan reinopajj janipuniw t'unjatäcaniti, ch'amapas janiraquiw tucuscaniti.

Amós 4:12

“Ucatwa, Israel marca, jumampejj uqhamaraqui luräjja, ucsti lurapunïwa, ¡waquicht'asim Diosamampi jiquisiñataqui!”

Amós 9:6

Tatitusti utapjja alajjpacharuw uchasiraqui, ch'usa alajjpachsa orakjjaruraqui, juparaquiw kotat umanac jawsasina orakjjaru wartaraquejja. Sutipasti Tatituwa.

Jonás 1:16

Uqham uñjasajj barco apnakerinacajja walipuniw Tatiturojj chuymanacapan yupaychapjjäna; mä sacrificio loktasinsti phokhañataquiw arsupjjaraquïna.

Nahúm 1:4

Jach'a kotarusti runcantasinjja, wañt'ayaraquiwa; take jawiranacsa wañt'ayaraquiwa. Basán tokenquir orakenacasti, uqhamarac Carmelo kollusa wañsuwayjjaraquiwa, Libanonquir pankaras pharsuwayjjaraquiwa.

Mateo 10:28

Jan jumanacajj janchir jiwayirirojj ajjsarapjjamti, ucampis almarojj janiw jiwayapcaspati. Qhititï almampiru janchimpiru infiernojj t'unjcaspas ucaru ajjsarapjjam.

Marcos 4:39

Jesusasti sartasinjja thayarojj tokenokänwa. Kotarusti saraquïnwa: —¡Amuct'am! ¡T'acuraraquim! —sasa. Thayasti t'acurjjänwa, mathapinacasti chhaktawayjjaraquïnwa.

Lucas 12:5

Ucampis qhitirutï ajjsarañanacamäqui uc sapjjäma: ajjsarapjjam qhititejj jacañ apakasajj infiernor jakontañatac ch'amanïqui ucaru. Jïsa, ucar ajjsarapjjam.

Deuteronomio 28:58

“Jumatejj jan ist'cäta ni aca libron kellkat yatichäwinacarjamasa sarnakcaraquïta, ni ajjsartcaraquïtasa aca jach'a cancañan, ajjsarcaya Diosaman sutiparusa,

Apocalipsis 15:4

Tata, ¿qhitiraqui jan ajjsariristamsti? ¿Qhitiraqui jan yupaychiristamsti? Juma sapaquïtaw kollanajja. Take marcanacaw jutasina jumarojj yupaychapjjaraquïtam, cheka asqui luratanacam uñjapjjatap laycu” sasa.