Jeremías 5:1 - Qullan Arunaca

¹ Tatitojj siwa: “Jerusalén callenac muytanipjjam, suma uñatatanipjjam, plaza tokenac thaktanipjjam, inach maynsa jicjjatapjjäta take cunsa chekapar luriri, uqhamaraqui cheka chuymani. Uctejj jicjjatapjjät ucapachasti Jerusalenarojj perdonäwa.

Aymar Bibliia 1986

¹ Tatitojj siwa: “Jerusalén callenac muytanipjjam, suma uñatatanipjjam, plaza tokenac thaktanipjjam, inach maynsa jicjjatapjjäta take cunsa chekapar luriri, uqhamaraqui cheka chuymani. Uctejj jicjjatapjjät ucapachasti Jerusalenarojj perdonäwa.

Qullan Arunaka DC

¹ Tatitux siwa: “Jerusalén markan thakhinakap muytanipxam, sum uñatatanipxam, plazanakan thaqtanipxam, inach maynirus chiqap lurir jaqi jikxatapxäta, inach chiqa chuymani jaqi jikxatapxarakïta. Uktix jikxatapxät ukapachasti, Jerusalén markarux juchanakap pampachäwa.

Jeremías 5:1 Jak'a apnaqawi uñst'ayäwi

1 Reyes 19:10

Jupasti sänwa: “Nayajj uñjtwa jumana munasiñama take ch'amani Dios Tata, israelitanacasti juman sumancäwi arunacamjja apanucupjjewa, uqhamarac altaranacamsa allinucupjje, ucatsti espadan puntapampiwa profetanacamarojj jiwarayapjje. Naya sapaquiwa kheparjjta, jichhasti thakasipquituwa jiwayañataqui” sasa.

2 Crónicas 16:9

Tatitusti sumwa uñjasqui take acapachana cunanacatejj lurasisqui ucanacjja, uqhamata ch'ama churañataqui qhitinacatejj chekpachana juparu iyawsasipqui ucanacaru. ¡Jumasti mä lokjamawa uqham lurtajja! ¡Jichhat ucsarusti juc'ampi guerranacawa jumataqui utjani!” sasa.

Salmos 12:1

Tatay, khespiyapjjetaya, asqui jakenacajj tucusisquiwa, chekap sarnaker jakenacajj chhaktasquiwa.

Salmos 14:2

Tatitojj alajjpachatpach jakenacarojj uñtani, inach qhitis amuyt'asirejj utjaspa, inach qhitis Diosar thaktirejj utjaspa.

Salmos 14:3

Jakenacasti takeniw jan wali thaquir saranucupjje, takpachaniw ñankha lurir tucupjje, ¡janiw qhitis asqui lurirejj utjquiti! ¡janiw maynis utjquiti!

Salmos 94:16

¿Qhitirac jucharar jakenacat arjjatitanisti?, ¿qhitirac ñankha luririnacat jarc'aketanisti?

Proverbios 20:6

Walja jakenacawa sapjje: “Suma asqui jakëtwa” sasa, ucampis janiw qhitis asqui jakejj utjquiti.

Proverbios 23:23

Alasim cheka cancaña, uqhamarac yatiñ cancañsa, ucatsti yatichäwimpi, amuyt'añampjja jan aljamti.

Proverbios 8:3

Marcar mantañ puncunacanwa arunacapjja ist'ayasqui, aqham sasa:

Cantar de los cantares 3:2

Ucatsti sartasinjja marcpachwa muytanta, callenacana, uqhamarac plazanacana, nayan ancha munatajjaru thakasajja. Thaktwa, ucampis juparojj janiw jicjjatcti.

Isaías 59:4

Janiw qhitis chekaparu arsusquiti, cheka uñjäwi jicjjatañansti janiraquiw cheka chuymampi sarquiti. Jan ucasti c'ari arunacaruw juc'ampi alcatasipjje, uqhamaraqui cunatejj jan chekapäqui uca arunacaru, ñankha lurañampisti wallk'eptatäpjjewa, ucatsti jake jiwayañracwa wawachapjje.

Jeremías 2:29

¿Cunraqui jumanacasti nayaru sapjjetasma? Take jumanacajjay nayataquejj sayt'asipjjstajja. Naya Tatituw ucjja arsta.

Jeremías 44:15

Uqhamasti take qhitinacatejj warminacapan yakha diosanacaru inciensonac loktasipjjatapa yatipjjäna ucanacasti, ucan jicjjatasipcäna take uca warminacasa, jupanacasti waljaniw tantacht'asipjjäna uqhamaraqui judionacat uca Egipto tokenacan utjapcän ucanacasa Jeremiasarojj sapjjaraquïnwa:

Jeremías 8:6

Take chuymaw ist'ascaraquïyäta, ucampis janiw maynirus ñankha luratapatjja arrepientisir ist'cti, ni take chuymasa arsuscaraquiti: ‘¿Cunsa lurtjja?’ sasa. Takenis jalacamaquiw thaquipanjam jalasqui, jan frenoni guerra caballonacjama.

Jeremías 9:2

Walïspawa nayanjja wasaran mä cheka utjitaspa ucan samart'añajjataqui, marcajjat jayaru sarjjañataqui. Takenisa janiw cheka chuymanïpquiti, ch'ojjña lurircamaquïpjjewa.

Jeremías 9:7

Ucatwa naya take ch'amani Diosajj sistjja: ¿Cunsa jichhajj marcajjampejj luriristjja? Jan ucasti ninaru k'omachatäñapataqui uscuñaquiw waquisjje.

Ezequiel 22:30

Nayasti uca jakenac taypinjja thakaraquïyätwa mayni asqui jake aca marcataqui mä cuna ascsa lurañapataqui, nayarusa achict'añapataqui jan aca marca t'unjañajjataqui, ucampisa uca jakjja janiw jicjjatcti.

Ezequiel 9:9

Tatitusti ucjjarojj saraquituwa: “Israel marcan juchapajja uqhamaraqui Judá marcan juchapasa sinti jach'apuniwa. Aca orakensti jake jiwayañaw phokhantataraqui; jan wali lurañanacampi phokhantataraquiwa. Jupanacajj amuyapjjaraquiwa nayajj aca marcjja apanucjjeristsa janirac ñankha luratanacapsa uñjquiristti uqhamwa amuyapjjaraqui.

Daniel (hebreo) 12:4

“Ucampisa jumajj, Daniel, take acanacjja jamasaruqui imam, jan qhitirus arsumti; uca librsti suma sellantaraquim tucuya horasajj purincani ucqhacama. Walja jakenacaw ucsa acsa sarapjjani, yatiñanacapjjaru juc'ampi yapjjatasiñ munasa’ sasa.

Joel 2:9

Marcarus nuwantapjjaraquiwa, perka patanac jalanakapjje, uta patanacaruw mistupjje, lunthatanacjamaraquiw ventananacat warcoktawayapjje.

Amós 8:12

Jakenacajj inaquiw sarnakapjjani Tatitun arup thakasa, sarapjjaraquiniwa mä kotat mä kotaru, uqhamaraqui amstatsti inti jalsu tokecama, ucampis janiw jicjjatapcaniti.

Zacarías 2:4

Juparusti saraquiwa: “T'ijum, cinta tupuñataqui apt'atäquis uca waynaru yatiyiri: ‘Jerusalenajj machakatwa jakenacanëjjani, waljapunïniwa jakenacapas uywanacapasa, janiraquiw uyunacanïñapas waquisquiti.

Lucas 14:21

Uca uywatasti cuttanjjasinjja ucjj take uywiriparuw yatiyäna. Ucat uywirejj colerasi, uywataparusti saraquiwa: ‘Janc'aqui saram, plazanacat, callenacat irptanim pobrenacaru, manconacaru, cojonacaru, juyqhunacampiru.’

2 Tesalonicenses 2:10

Take casta jan walinacampiw sallkjani infiernor saririnacarojja, Tatitun khespiyasiñ arunacap jan catokañ munapjjatap laycu.